lundi 28 juin 2010

cuba-76.mp4

CUBA J-76.


Lo caval del Che galopa totjorn per las plajas blancas de Maria la Gorda? O s' arrapa encara dins las montanhas de Trinitat, de la Serra Mèstra ? La musica d' Ibrahim Farrer, de Companh Segundo tinda dins las carrièras de la capitala? A mai lo marlin reial , se ritz encara d' Hemingway, lo ton gigant treva lo flum gigant de gulfstream? L'ombra de la mafia plana totjorn sus Cuba? Menaçantas USA que tenián 80 % de las riquesas de l'iscla, jos Batista, e los mafiosos que ne mestrejavan la mitat, 70000 prostituidas dins la Habana en 1955? Fidèl salvèt son Iscla, senon que serià venguda ara , un bordèl gigant pels richasses.

Mas que volontan totjorn, al nòrd, d' arroinar la pèrla de las Caraïbas, e lo socialisma de la samba ? La lei americana que permes d' envasir Cuba que los bens americans se trobèssen « amenacats », e que dona lo senhal, a totes los païses de l'america del miètjorn, per los tornar butar dins l'androna de l'obediéncia, de la servituda, de l' esclauvatge, de la prostitucion,de la drògua, aquela volontat existit encara ?

Milantas merçes a M.H, que m'aconselhèt sus d'unas causas utilas de saupre.

Las cartas de torisme . Se pòdon trobar a Tolosa . Segond MH, acò de « visa pel monde 16 Cariera Fontvièlha .

Veitura: tres societats que fan los meteisses prètz: es a dire per una autò, de mena economica , gaireben 55 euro cada jorn, (la logacion pus l'assegurança) . Atencion quand òm arriba a La Habana, per estalviar sus la veitura cal saupre que , .....i a pas besonh de veitura dins la ciutat vièlha . Donc cal prendre un taxi ( 25 euròs) per arribar à l'ostalariá, e logar una autò sonque l'endeman o subre lendeman, sonque per « sortir de La Habana » e prendre la rota de las províncias .

Atencion , se vei «pare» vòl dire stop. Arrèsta te senon te faràs afustar. Non pas rotlar de nuèch. Prendre esséncia especial. Cal far un estat menimos de la veitura davant de partir. Al mendre accident cal informar la polícia , que va notar l'accident dins lo papieròt de l'auto , mas tanben lo logaire.

Casals particulars. Cal comptar en sason bassa 31 eurò a la Habana e 22 eurò dins las autras províncias. Lo dejunar costarà 5 euros (mejana) , mas aquel dejunar qu'es fòrça polit , un repais vertadièr coma lo dels angleses.

Lo dinar es mai leugièr bocadito, 3 eurò. Es a dire un sanvich mas gostos

Lo sopar es polit , d' un prètz agradiu tanben, 5 eurò. Cal saupre que lo cuban deu pagar la talha, que la casa particular sia logada o non, e que los repais li permeton de se gasanhar la vida. Li agradarià de preparar un polit repais , a la condicion de li dire un pauc davant .

-sus las rotas prendre los autò arrestaires, femna e enfants per parlar, parlar del socialisme real de la lutz e de l'ombra ? Per exemple per entemenar amb' Obama de que fas?

Traficants e trufandièrs : n'i a tanben a boldre , que cercan de longa de t'enganar , sia pel sèxe, sia per te prepausar una autra casal particular ece....

Presents: anem cal prendre un brava sacas de potingas per la clinica mai pròcha...

Argent: cal partir ambe son argent e cambiar a flor e a mesura , i a des bancas nacionals de pertot dins lo país . L'escambi es lo meteis d'en pertot.

  • Trobar las bonas mapas rotièras, qu'es pas aisida de trobar.

  • prendre un bon pesuc de medecinas que son los melhors presents a far.

  • macarèl qu'oblidèri de demandar pel telefona

  • per las malautiás i a la dengue ( i a pas gaire quicòm a far) e lo tetanòs que cal melhor se tornar far picar avant de partir

L'idèa del viatge se precisa pauc a pauc, brumosament.

Avem previst d'estajar 5 jorns a La Habana, puèi 4 a Vinhales , puiè 5 a Cienfuegos e Trinitat, e de tornar a La Habana.

Tal que sem partits cal preveire 2000 eurò pus 1000 de viatge . Lo buget es donc de 1500 eurò per persona...

De seguir ... ( anem passar entre vosautres per una quista....

A lèu

Abraçadas


samedi 26 juin 2010

ADIU ESPANHA -Casal Catala Tolosa


Uèi, al Casal Catalan , carrièra dels Navars a Tolosa. Projeccion del film « Adiu Espanha » .

Se tròba que lo catalan parla tròp lèu per ieu (per rire). Vertat que se las lengas catalana e l'occitana son sòrres bessonas , sai que se son aluenhadas un briu, dempuèi lo brèç?. O cal dire. Pr'aquò capitèri d' ausir 80 a 90% de çò que se diguèt aquela vesprada , que la temperatura sarrava los 34 grats.

Primièra remarca; lo filme es un filme de professional. Podem cercar en çò nòstre, quicòm de comparable qu' òc trobarem pas.

La realisatritz a causit quatre país que se tròban en fasa d'independéncia . Son l' Escossa, lo Groenland, lo Quebèc e la Catalonha . Los quatre país son près en rapòrt de sa tutèla, de son mèstre estatal , federal , nacional . E doncas , aital va s'estudiar de compas la reaccion d' Anglatèrra, de Danemarc, de Canada , d' Espanha, mas tanben las fòrças presumidas e las flaquesas de cadun .

Aquela triga fòrça judiciosa permés de presentar un país quitament desèrt, Goenland ambe una populacion de 75000 estajants quitament sostats pel Danemarc que dona 500 milions d'eurò als inuits , que visquèsson, e que caminèsson cap a l'independéncia, gentament, sens enganas. ( al passatge , oblidem pas que Groenland ten de resèrvas miraclosas, de petròli de gaz, d' aur , de fèr ece.... çò que me fa pensar que son pas nècis los daneses , mas que son de democratas vertadièrs , imagenem que França o Espanha ajan Groenland, (dos uous al cuol, inuit te poirà far coire sindicat o pas .... ) Lo Danemarc representa lo cas exemplar de la transicion democratic , l'exemple qué....)

Puèi arriba lo cas Escocés. País tanben ric de petròli, ric de sos cercaires , ric de son passat . Que lo país donèt mantun còp un rei a la corona anglesa...Antan, que lo darrièr acte del parlament que foguèt ( que me lo notèt al passatge de votar sa desapareisson...)

E qu'i fan los indepedentistas , mas que l'anglés se laissarà pas tòrcer coma aquò. Blair o Brown, de mangonièrs , mas respectuós de la vertat populara. Vertat que Franca e Anglatèrra se sompartisson plan la coquinariá (que se pòscan oblidar totes los chaplas istorics o pas, dins las colonias o pas) .

Doncas l' Escocia un país que poirà caminar tot sol , a la condicion que las electors donen majoritat als independentistas. Costat reina cap de problèma, que la reina seguirà la volontat populara. Encara un bèl exemple , una leiçon de democracia.

Aprèp venguèt lo cas de Quebèc . Un cas fòrça complicat , que los quebequeses manquèron de pauc l'independéncia (47 % en favor de la libertat) , mas que dempuèi semblèt que las causas s' anivolèsson . L'avenir lor escapèt. S'agís d'un estat ric , plan poblat , ensenhat , de resorgas agricòlas , energeticas , minièras, rei de l'alumini lo Quebèc. Mas que l'estat federal tornèt prendre la man , ambe l'ajuda dels òmes politics liberals , es a dire un malastre pel Quebèc que l'estat federal se prenguèt lo drech, de li dubrir, o de li clavar la pòrta, que que sia ,la resulta del referèndum .

Enfin lo cas de la Catalonha. Pais ric de son trabalh , de sos cercaires , de son istòria tanben , de 7 milions d' estajants , ambe de pòrts modèrnes , d'usinas de trasformacion de coire , de produches agricòlas , vin , òli, pastas , e encara mai lo torisme . Per resumir Catalonha qu'amassa totas las qualitats e las riquesas levat lo petròli . E los patrons , e lo president de la cambra del comèrci , e los quites elegits que son totes independentistas.

Lo problèma ven de la posicion de l''Espanha . Una e indivisible que l'armada deu de la manténer unida de totas sas fòrças , e per la fòrça se cal...

E de segur la pensada que ven, te ven sul pic: qual fa violença a l'autre ? Qual respèta la democracia, la volontat del pòble?

Demostracion clara , benlèu tròp clara....

A n' aqueste moment me sentiguèt nàisser de gelosiá pels benastrucs catalans, rics e lèu lèu independants . Coma o diguèri al vesin , en partiguent :

: se vosautres avètz d'enganas , e ben paure, nautres sem pas arrivats, pas sonque a la debuta » El se revirèt . Que benlèu creguèt que non compreniái pas ges.


Que diguèri plan de ben d'aquesta demostracion, dusc'ara, alara l'agre.

Una bèla aligança de totes , un polit trabalh, mas al cap, lo prètzfach ont ès?. Bastir una societat de justícia? Que ditz l'esquèrra? La drecha? Son socialistas ? Comunistas ? , Centristas ? Fascistas

Lo film faguèt pensar a una demostracion matematica un pauc nèci . Que se sent la man d'un comunicant , sortit drech , de las nautas escòlas de la publicitat.

Levat qu'aimarian ben ne'n veire nosautres aici ....O torni dire

Agre2: lo filme es d'una fantastica prudéncia a prepaus de França . Pas un mot, un sol.... De doas causas l'una , ont Espanha e França se revèrtan tan e mai, que s'ameritan pas de ne parlar mai de las diferéncias. Ont i a quicòm coma de la paur. Alara o cal dire. La prudéncia apara pas del dangièr.

Segur que França ajuda Espanha, a totes los nivèls, que mestreja los catalans e los bascas , que Franca es encara mai indivisibla qu' Espanha.

Casuda e Agre3: lo film manca de nhac dins sa dicha . Lo tròbi gentilhonèl.

Resumit del film? Catalonha es responsabla , Catalonha pòd viure , Catalonha ten los mejans de viure. Catalonha merita de viure coma Malta , Groenland, o Quebèc..

Sem dins lo domani del planh, de la demostracion matematica ( levat l'escala umana de la fin nautament simbolica) .

E tot aquò sens malvolença .

Una darrièra pensada. Serà per Occitania . Catalonha caminarà totjorn sola? Sens missanta pensada m'agradariá de veire d'imatges tant polits aici a Tolosa , mas, m'auriá afogat d'i trobar un mot, de la Copa Santa , de Provença ( al moment del remembre de l'istòria de Catalonha per exemple), coma un ligam simbolic, que nos donèron los fraires catalans .... Una pensada.

Que lo camin serà long pels uns, a mai pels autres...

Aital Gandhi o prepausèt , sens violéncia ?

L'amor , la patz, la rason pòdon plegar lo falorditge d'un estat nacion?

um.....

jeudi 24 juin 2010

24 de junh




Coma cadun sab,
-1960 i avia 1 retirat per quatre actius e lo PIB èra de 500 milliards d'euros (eurò constant) Los retirats costavan 25 milliards
-2010- avem 2 retirats per 3 actius e lo PIB es de 2000 millards d'euròs ( eurò constant) . LOs retirats costan 100 millards e lo deficit es de mens de 3% , alara que lo deficit de l'estat de Nicolas es de 60%. Que los porcassièrs que nos mènan minjan de caviar e se pagan 9500 euròs per dire Beleu Beleu Beleu
-2050 avem 1 retirat per un actiu e lo PIB es de 5000 milliards d'euròs(eurò de Constant... ine) . Los retirats costan 1000 milliards e lo defecit es de 5% , lor restan als feneants de la borsa mai de 4000 milliards per se masturbar dins sos iatchs ambe des canèlas d'aur, e de popièas conflavas .
Moralitat en 1960 los capitalistes costavan 400 millards als trabalhadors e deman , en 2050 nos'ne costaran 4000 .
La securitat sociala ten 4% de deficit
Las caissas de retirada tenon 6% de deficit.
E l'estat que nos emmerda trespassa lo 60 % e nos fa cagar de longa ?§?§
Visca l'Occitania , visca la decentralisacion , visca los elegits responsables

mercredi 23 juin 2010

La lei de l'espasa


La lei de l'espasa.


T 'arriban e te dison: « occitan, mas de qu'es aquò un occitan? »

E tu demòras mut sens saupre de que respondre.

E mormolhas : e tu , diga me, un francés de qu'es aquò? »

E son eles de se calar, plegats de las farlabicas polidas,

fin finala, l'istòria que nos ensenhan tre l'escòla mairala.


Ara son nombroses los occitans que te dison :" tu , un occitan , daissa me rire, e se trufan.. come diguèt Bodon, sufis pas de portar una camisa per èstre un camisard , sufis pas de parlar ambe l'accent per un franchouillard, de rire pes èstre un conard

E melhor que tot i a d'occitans , mecuts e vertadièrs, que te dison : alara sias tu lo cabord que ditz d'asenadas de longa? Los occitans : un pòble que vòl viure...

lundi 21 juin 2010

solidaritat occitana

Un ser

Passèt un buf dolc ,

Tal un poton tebés,

L'alen del pan, dubèrt d'un forn gigant,

Mas las pòtas, èran las de mon amiga?

E las nívols? las flors de mon pantais,

Son gentas las femnas... Que s'amaginan?

E, m'assadolèt de sa nolor,

Prenguèri, cap a la dralha, d'un camin estequit.

La de prosses davancièrs , oblidats pecaire

Pels penjals que fan rire los trufandièrs,

Caminant , sus las carrals, trapèri tres petals ,

Innocents, blancs, coma d' alas d'efemèrs,

Pel sòl , d'un pont estranh , un 14 de julhèt.

Tronèron qualques paraulas fòrtas:

renèga, para te , lèva te, revòlta te,

Alara, udolèri de las tres còrdas, anjò

De la meuna guitarra claufida de libertat

Cregueri que qualqu'un avia sonat ?

Una ora de libertat.

Al portal estequit de la lenga occitana

De la meuna guitarra garrèla, craïnèt

La musica nhafrada de mièjanuèch .

Se trufèron tantes e maites e pus encara .

Qu'èran d' amics vertadièrs.

Lor diguèri: sètz pas de mena putassièra?

Volètz pas, coma ieu, salvar la lenga d'òc?

Del brandal que nos crama tota la casèla,

Polidament se riguèron, de rescondon.

E totes d'escampar la clau....

Que vejan pas las ombras negras,

se sarrar

E que la sang de la vida

que gota, de l'autra man

L'agulha del relòtge tala una arpia ,

Que mòstra la sortida de l'infèrn, de la vida .

Pels catarons que sèm, encara

Se cresián eternals ... Èran pas qu'estornèls.

Jamai, cap de mirada a la tèrra qu' espèra .

Quand totes los nècis bolegan son capèl .

Per seguir un amic, dins la tèrra acabada

Coma s'èran pas lo nas a la fenèstra.

D'un tren que camina aviat

Al solelh, a la pluèja ...

Cap al non res....

samedi 19 juin 2010

Cuba-94

Al cèl las nivols blancas,
A las bocas una flor,
Se jaire al plond,
Coma un nen ,
dins sa maire,
Pareis que la luna soris,
A solelh colc,
E que sufis,
de machugar,
l'èrba falorda,
e bèla...
E que sufis
e la mirar.
Per se trobar la patz

Una cancon bestiassona pels amics oblidos

lundi 14 juin 2010

CUBA J- 96 ESPERA FIDEL .

J-96 :CUBA SI



Cà y est. Que j'ai peté une durite pour CUBA.

FIDEL ESPERA

J'explique ? Fait un moment que je les guette en coin, les échappées belles cap a la perleta de las Caraïbas . Je n'y croyais plus.

E ièr de que trobèri sul net ? Une promo de chez OPODO en vol sec a 500 euro per anar e tornar . Comme je venai de recebre ma icarta bancaire , sabètz la que cambia de numerò cada còp, per s'aparar dels panaires... E ben l'ai estrenada . Quicòm coma un esternudament de 1000 eur`os. (dusca l'òs vòl dire) ( et ouaih ...)

J'ai simplemement voulu voir si elle « marchait ».

Cal dire que CUBA èra pas pròche .......................del mèu porta moneda e quitament luenh . Dusc' ara se parlava pas que de vòls secaros a 800 euros la passa.

Ma carte a fait ZWINNANNN et elle a marché.

Un angel passèt per miratge polit...

A 11 oras del ser , dubriguèri trionfant , la pòrta de la cambra e diguèri a Maria Francèsca mitat aconsomida , en brandiguent lo recebut :

-« Maria , pel còp los avèm .... ».

Me demandèt espantada

- « mas de qué? »

- « los bilhets electronics per Cuba................. e pas cars ... »

Al moment qu'o diguèri, sentiguèri que m'enganavi, qu'anavem pas de compas . Marie ne parut et ne voulut pas partager mon enthousiasme contagieux. Vertat que nous étions dans la phase 2 de la bipolarité.

FIDEL ESPERA QU'ARRIBI.

Ma Françonèta , ma perlòta sem anats a Nòva Iòrq ensems, sai que podem plan anar a La Habana. Non? Cal dire que fa bel temps que m'estrambòrda lo socialisme de la samba.

Me respondèt sornament :

- « auriás pogut me'n parlar... »

- « mas de que vòls .... que parli pas de longa, que de Cuba, o de Namibia per las bèstias salvatjas »

Per de dire. Qu'una injustícia las femnas!

Mas aquò 's complicat pels papièròts , que cal trapar una carta de torisme, una assegurança de santat personala e dire ont dormirem las doas primièras nuèches.

I a encara lo CUC , una mena de moneda que me soi pas encapar de comprendre lo ròtle e la valor...De que te sabi encara ieu?.

Bon m'enfin tu vois a l'extrême gauche de Cuba, pauvre i a un coin sauvage , dans la provinça de Pinar del Rio, avec un jardin sous l'eau et un autre sur la terre , avec dels milierats d'orquidaceas.


Bon c'est une piste . Et comme ça en survolant , je suis tombé sur Cayo Coco , et encore sur Cayo Largo , l'ile où E Hemingway écrivit lo viel òme e la mar. Oua ouf.

Ou le fotografe est bon ou je rêve .

Au point où j'en suis je ne sais pas si je vais louer une voiture, prendre le train , finir ou commencer par La Havane ou La Trinitat ou Cienfugos , la ville fondée parait-il des Bordelais esclavagistes . " On peut y admirer un neo classicisme franchimand et une symetrie polida , les rues sont à l'équerre..."

J'ai un problème avec la longueur de l'île, 1200 km.

Pareis que se cal mesfisar de las enganas cubanas . Cal crompar los cigaras e lo ròm dins los magatsins oficials.Je ne fume plus....................... mais il m'arrive d'avoir soif...

J'ai dit a Francesca qu'on pourrait danser , que toute la musica qui se danse vient de CUBA.

ESPERA FIDEL ...

Et moi qui danse comme un cheval...

Mais ambe le ròm oficial i arribarèm....

CUBA SI.

Demais je regarde le prix des bagnoles, la location qué!!!!!.

Espèra Fidèl...



mardi 8 juin 2010

Le capitalisme du desatre , la crise ou la justification de toutes les regressions sociales


Deman l'electricitat mai cara.

Ou comment profiter de chaque catastrophe pour imposer la regression


Ou EGF la mèsa en deficit governamental.

E la debuta de la fin.

La mafia e lo governament mondial dels iperactius de la borsa an decidit de donar un quart de la produccion d'EGF es a dire EDF (uèi EDF- Panama) e GDF (uèi GDF- Suez ) a la concurrencia Veolia , Energia , (BE) Branlèta Energitica, DNMSE (Dona me Ne Preni Subte Energia) e lèu lèu. E enfin PMLE ( passa me la moneda energia).

Se passa dins França , los país dels dreches de l'òme de la femna e dels esquiròls. .

Tot aquò resulta de la politica coratjosa de Reagan, Tatcher e Joan Paul Two sabètz lo comercial que remplacèt un papa assassinat .

Podem remarcar que la còla dels saberuts de l'ENA , costat UMP sembla d'accòrdi ame la còla de l'ENA que causiguèt l'autre costat de la peça ( pila pello PS , facia per l'UMP) .

Aquò's aital que l'UMP causiguèt las tres letras per daissar la pòrta dubèrta al S.

Lo S de l'UMP --------SSSS . L'Union de la Majoritat du Partit Socialista . Strauss Khan ( que l'èrba non jamai torna coma Gengis) es l'òme que la drecha ne parla lo mai. Es lo candidat ideal de l'UMP aprèp Nicòlas de segur. Pareis que l'UMP podrià venir UMP---B ( com Bayro)

Podem remarcar que la còla actuala de coratjós , qu'an lo coratge, de baissar pagas e retiradas se'n chautan coma de sa primièra camiseta de las eleccions venentas. E que per mostrar encara mai son coratge quand volontan de far trabalhar lo monde dusca la mòrt.( remarca qu'ambe France Telecom los trabalhadors se tuan jà.)

Sabèm de tot biais que nos menan a la misèria. Totes los govèrns de l'UE a l'encòp an decidit de nos arroïnar e de nos sarrar la cencha, coma se qualqu'un avia donat un sinhal. Mas qual sibla ? Que lo mond ten esperit reganhós e que li cal mostrar qual comanda. Es a dire l'argent.

Aital los govèrns de drecha e d'esquèrra vendon tot çò que podrián raportar quicòm a l'estat. Voiden las caissas. Tot deu de desaparéisser...

Que al cap , la dicha es e serà quitament que las caissas son voidas e que cal far un esfòrç. N'avèm pas cap d'argent. Sètz tròp sadols. Las tres fòrças etèrnas son tornadas : l'argent lo sabre e l' aspersor.

Jospin e Balladur n'en vendèron per mai de 300 miliards cadun.

Lo darrièr çaganh foguèt la venda d'ASF dos o tres còps mens que sa valor vertadièra.

Son pas de pòrcs , son pas de mèrda , son mens qu'aquò. Son de la mafia. Ne soi convincut. La mafia ten lo poder. Los miliards de l'argent de la dròga , de la prostitucion , del hold up gigant sul petròli dins Arabia Saodita , dins Iraq , e lo hold up a venir sus Iran o lo que se debanèt sus las riquèsas de l' ex URSS (se parlèt (match)de 500 milions de dollars cada jorn que passavan cap a la Soissa al moment de la casuda de la parèt) . Pareis encara qu'auèi 100 000 miliard de dolars se passejavan cada annada dins lo monde borsièr, sens pus saupre ont se pausar . De que val lo plan euròpeenc de 750 miliards d'eurò per aparar l'UE?

Los foncionaris de l'UE partan a la retirada ame 9000 euro per mes. Son aquí per nos manjar la sopa sus la tèsta. Sus totas las ràdios , a començar per Franca Kultur parlan pas que de las estalviadas e de las sarradas de cencha dusca en 2050.

França Kultur que diguèt pas pur tard qu'aquesta vesprada en parlant dels indians dakòta « qu'une langue est inseparable d'une culture » e qu' ailabas los parents de la generacion foguèron enebits de parlar sa lenga , e que son los enfants que tornan descubrir la lenga e la parlan melhor que los parents.».. Vos remembra ren? Que los indians en 1940 se fasián tapar sul dets o tirar los pelses se daissavan escapar un mot « arawa » de la lenga indiana.

França Kultura es del costat dels indians e de la « diversitat » mas pas aicí... Jamai n'aurem un reportatge aital sul sicut occitan...

Pel còp me diguèri que me caldriá arrestar de chimar...

Per dire que d'unes enfants indians pòdon parlar sa lenga e d'unes calandrons tanben....

E que deman se tot va plan dins lo reialme de França l'electricitat va créisser de 20% .

Santat.

Lo pus bèl aquò's que rescontrèri d' ecologistas que son contents coma de reis , coma s'aquel hold up èra la fin del nuclear , coma se totes las familhas avian pas ja pagadas las facturas....

Dius que lo mond es bèstia!



dimanche 6 juin 2010

rencontre, marathon des mots, telethon de la pensee

Rescontra...



Nos sem crosats al mercat,

Foguèt natural de s'abraçar,

Al plond de l'espatla,

Entre que nos sorisián,

Puèi d'un mot, l'autre

d' alisar la tià popa ,

Entre que parpalhejava,

coma s' una ala de sèrp,

Nos cossergava l'uèlh .

E ondejava entre las ancas.

Cossí s'endevenon las causas?

T' apiajèt al mèu ventre,

Del meu vièch malfargat .

Entre que parlavam del temps,

Venguèt lo plaser esperat,

Polida dolor vergonhosa.

De tornis, de susor, e de joià

Per la carral negada de perfums.

Casèron las gotas de rosada ,

Com'al primièr matin .

Sols e sadols de nos.



AF


jeudi 3 juin 2010

FOXP2 ..


OCCITANIA e VOLEM VIURE AL PAIS No 170

Un article fòrça interessant de Fernand Vedèl. homo sapiens ; exemple de diversitat. E FOXP2 (aquò's pas un rainal, tanpauc una sècta papala tanpauc de foxtrot )

Merces plan a F Vedèl per las explicacions claras , e escuras a l'un còp, sabentas e estranhas, e que donan la sentida d'aver capitat quicòm...


Que se tròba que l'article soslèva un fum d'autras questions que donan lo tornis.
Per exemple lo fach que la santat siá pas dins l'escudèla, mas dins los budèls, una question de flora intestinala, budelièra que...Pòt manjar de legums a boldre, que se ten pas `los bons gènes de las tias bacterias de la tia flora de budèls, se maridaran pas ame los teus gènes, de ton ADN , e ben pauret serà malaut. Se m'engani pas.
Bon contunhi...
Cò que m'apassionèt aquò's lo ròtle del gène foxp2 . Acò de l'òme lo foxp2 es diferent del foxp2 del chimpanze, sonque de la causa de dos aminòacids.
E aquò fa que la monina es muda. Parla pas e parlarà jamai a degun levat se de cercaires, calucs, te li botan los dos aminòacids que li faltan es a dire, dos quicòm de ren, que forman la proteïna ....
Donc s' ai plan compres , i a la cadena ADN e sus aquela cadena los gènes , e dins cada gène un molon de proteïnas , e dins las proteïnas d ' aminòacids, e dins los de la monina n'i a dos que trucan .
Las questions que me venguèron sul pic :
-aqueles aminòacids, es que son los dos que comandan la formacion de las còrdas vocalas e los muscles ambe, que permeton d' articular ame la lenga, e al cervèl de comprendre , a l' aurelha d' ausir??
-es qu'aquèlses aminòacids un còp dintrat dins l'adn d'un can podrian lo far parlar lo canhòt?
-Se i a 7 milions d'annadas que divorcièrem de la monina , es que vòl dire que las lengas comencèron de grelhar a n' aquèla epòca?
S'ai plan legit, nosautres ambe los asiatics sèm frairons dempuèi mens de 100 000 ans. Se sem nascuts d'un traça de milierat de bogres que passèron cap a la Palestine ? O a Gibraltar?
-Se los scientifics d' auei parlan pas mai de raça , l'article mòstra plan que totas las fòrmas de diversitat son gaireben d'origina genetica. E que la lenga occitana es pas nascuda sonque del latin, que , probable, que fa bèl temps que los « occitans » devián parlar ambe son « accent » , que davant encara parlavan sa lenga un brave grop d'òmes que fasián de pintraduras dins las balmas.
-Alara quand de temps cal a un polit mond per trobar un mot particular, una idèa, un accent per cada causa de la vida? Sai que es lo meteis que per un rossinhòl, per debanar sa cançon sens jamai de l'aver estudiada?
-Un milion d'annadas, dos, tres ....mai?

mardi 1 juin 2010

La Terre , aval lo pais de las tres montanhas


Pren,

Te la dòni

La Tèrra aquí la vei plan...

Tasta la,

Roja, la tròbas tròp roja?

Mas non...

'aquò's una iranja... mas blava,

Una milgrana?

Se vòls.

Una bomba?

Que va petar?

Non, non

Te la pari,

Permeja z i ,

Qu'es preciosa,

Coma una nòvia,

Ambe son jove.

A la nuèch.

Mas que la Tèrra es pas filha ..

Non qu'es femna!

Bon la vòls o pas?