dimanche 29 août 2010

Gabanot ,

Deman Tolosa campion
exagonal de fot e de rudbi.
E los occitans uros ...
Qu'es pas de creire .
Que l'occitan se'n chauta
basta que trape la medalha...
De lo que canta al fons de la prada ,
Ambe los cocuts banuts.

Un troç de lengadoc roge en passant

vendredi 27 août 2010

Occitanophonie de la francophonie abracadabrantesque

Aucèl

L'aucèl para sa pluma ,

Per escriure un mot ,

Sens cap de faiçon,

Ni de malvolença.

Alisa,

Sa pluma trempa de quitran

L'aucèl para son bèc ,

Per devinhar una musica,

Sa tèsta comola de cançons,

Lo bèc pintorlejat de roge.

Traça entre sas patas negras,

Son arabèsc sul beton,

Sens cap de paur

Sens tremolar ,

L'aucèl s'enauça,

Per s'amiadar los nívols,

Amb los autres coloms.

Sos amics blaus,

Jocats sus l'arbre sèc

Malcorats, en se risent,

Contan l'istòria ,

Del país quèc.

Que canta de sa tuta,

per donar a las flors.

Sa rosal


lundi 23 août 2010

Causse, poesia


Poemas
de f Gardy

1-Campèstre

Deis Infruts al Causse
verds e gris
que son plan s'espandìs
a vista perduda

tota consciénca de l'ora e del luòc
enfin oblidada
aviam finit
per nos arrestar al ras d'un masatge vièlh

entre los ostals mieg-arroïnats marchaviam
coma s'aviam ganhat
ren que patz e silenci
l'autre costat del mond

l'escur venià
amb el luenh ben luenh
lo tindar prim dels esquilons
nos ensenhava un tropèl de fedas
que jamai lo veiriam pas

entre las renguetas de bòscs
e de cades ponchuts
lo cèl de las nuèchs d'estiu
fasià son cercle immens

Nostras agachadas
s'i negavan dins un sadol de delicias.

2 lo pus vièlh silenci

Se vei pas
tant es prim
e tot de transparéncia
lo trach que partìs de la poncha pus fina
del jorn
coma un alen ultim
e que de l'autre jorn
tan lonhdan tan penòs d'imaginar
jamai torcarà pas
la seuna poncha
tant fina e lonhdana

totes aquì siam avugles parier
se cresèm lo camin ben alisat entre las erbas
e los rebats del primièr solèlh
se desrevelham
i pausam lo pè quasiment
dau temps qu'un sorire nos banha las bocas

e aqui doça doça la nuech
lo jorn s'arresta e se replega
sus lo jorn d'abans
qu'amb el fa pas qu'un
e dins el per sempre mai s'aprigondis.


del 23 de junh de 2009 dins la reviste OC

vendredi 20 août 2010

esclau e esquisofrenic


Esclau occitan.
Un exemple polit
d'occitan francès,
Mai que francès, l'occitan.
Un brava que gulava de plaser
Quand gaitava los domenis esclaus.
Sus las mapas...
Dins Africa , Asia de pertot.
Que lo papa nos daissèt pas tocar l'America?
Avem mancar la copa del monde ;
pel footbala en 2010 ;
Al païs de Mandela.
Mas sem medalha d'argent
Pel colonialisme,
Just darrièr l'Anglatèrra.
Puta d'Albion ...
Un pauc mai foguèssem primièrs.
L'esquèrra ne'n parla pas.
L'esquèrra se soven que de la revolucion de 1789.
"soi aqui per la fòrça del pòble , e ne'n sortirem que per las baionètas..."
La drecha ne'n parla pas mai...
Se soven pas que de Petain.
Que sonèt Franco a l'ajuda per caçar los bolchevics
Un païs que pòd parlar naut que França .
Lo drech de l'òme , de la femna e de l'esquiròl...
E la lenga d'òc ne'n finis pas de crebar....

lundi 16 août 2010

Lulu et l'edition sous toutes ses formes

Lundi 16 août 2010

Lulu et l'edition sous toutes ses formes


Ai recaptat 160 de la meunas pintraduras electronicas( de pintradicas lo mot m'agrada per de qué l'ai trobat tot sol) dins un libronasson que se sona "Mòstra Segonda", (que ne'n faguèri un primièr ambe las bestias) . Lo meu sicut venia desesperat, que n'aviai de pertot. Lo libronasson que me costa un pauc car a la fabricacion ( becausa la color e lo nombre d'imatjas ) mas que se pòd vistalhar un tròç sus Lulu.com, en butant aqui sus, un service de publicacion de prumièra borra e de totas menas de trabalh, musica , videò, fòtòs.
Aquel " Lulu" permès a l'autor de pas finançar una comanda de libres , alara que Lo LULU s'encarga de seguir, lo pagament, la fabricacion, la liurason....
Tanben Lulu permès de publicar , romans , novèlas , ficcions, musicas e autras e alara lo cost es pas que d'un desenat d'eurò per un libronèl de 150 paginas.
Una idèa a estudiar pels occitans e quitament pels ostalses d'edicion occitana que i a pas pus de stòc e de soscadis, e de se trachar del pagament, del mandadis. E donc la possibilitat d'editar gaireben tot autor, cantaire, fotografa, cineasta, per un còp mejan de 15 (QUINZE) eurò e sens se trachar mai dels stòcs, (que n'i a pas cap).

E de capitar una publicitat mondiala...

samedi 7 août 2010

auba


D'unes l'espèran, d'autres pas,
Creire al cèl brumos.
A l' aucèl que se joca
Coma d'unes sinhes.
De l'astrada
Pareis que los peis,
Sorton de jos las peiras negras,
E los lusèrps tanben.
Nos donarem jamai çò que volem.
Levat de li levar de las maissas,
Deman la fèsta nacionala.
Un rei pichon bracèja.
Un papa se clina.
Agacha pas los pecats de ta gleisa,
Mas la fe dels inquisitors...

jeudi 5 août 2010

Catara








Sem tombats,

A tèrra,

Sem casuts,

De l'auçada d'una ceba

Sens l'espèr d'un liuç,

Magronèl, èrem, pel sòl

Que m'avidèsse d'ombra

e de solelh ...

L'astra parla ponchut?

Qual sètz vos?

Vòli respondre .

Plan pron.

Plan bèl.

Daissatz me parlar..

Maites e maites,

Sens camisa

A la pòrta,

Quitament nus

Me soi descargat

De la mia pèl.

Òc ! de que volètz?

Pas que l'arma...

L'ala de l'arma ...

Pel salut...

Per me ganhar lo cèl?

Podètz tornar a Roma ..

Qu'avètz las man tacadas ,

pel sang dels aujòls.

Occitan m'avètz fach

Dins la vòstra istòria.

Reis dels chaplas

E del dòl.


Al cap....

Daissatz me en darrèr.