jeudi 26 juillet 2012

Capitalisme casino e tapin per tots


la vis sens fin
Meravilhosa logica politicolhandreta e demostracion del teorèma del non ren :


  • Jospin e Balladur privatisèron quitament totas las entrepresas gròssas de França (300 miliards cadun a quicòm pròcha) entrepresas que son ara, las del CACA 40. Entrepresas qu'an vojat en 2011 mai de 100 miliards d'euros de beneficis als borsiconairèls trabalhadors , sens donar sonque un sol pet de figa de talha a l'Estat ....  la vida qué!!!

  • Uèi a nosautres nos dison los elegits , que cal se sarrar la cencha, per la bona rason , que i a pas cap d'argent a escampar , per las fantàsias socialas, coma espital, escòlas, retiradas, e fotra e mèrda, per de sostenguts assostats, que costan cars, a fòrça ece, a luòc d' o donar drechament als borsicapòrcs que son de braves trabalhamanetas ... .

CQFD : un pauc d'atencion sioplet , la demostracion matematica es  complicada , la memòria corta,  lo boson de Higgs es facil de comprendre a costat , alara que Jospinon e Ballamòl, pòrtan aquela pròba (nobelisabla) que truca prigondament l'esperit uman , lo mai aluserpit, coma o faguèt la teoria de la relativitat d' Einstein un còp èra,  per resumir vos la liure : 
 Quand avèm tot donat , n'avem pas res pus !
 
Avètz compres? Pas aisit ? O sabi

O encara pels franchimands : la mai bèla filha del monde pòt pas donar que çò que ten. 

Aquò's lo camin solombrós del socialisme , del centrisme e la drecha franchimanda que nos donaran Marina Pès dins l'Aiga coma primièra ministrassa de Filhon o de Cope o de Juppe en 2017 .....Vendrem alara totes sadò masò .... Benlèu i sèm jà?
En 2017 bòf ! me direm: avèm lo temps.?????. De nos cavalar .... endacòm mai? 
 Mas ont anar Joaneta ?

mercredi 25 juillet 2012

vaselina mediatica per necis, printemps de la chariah , faut pas charrier.





Image: crabe capitaliste e métastasas  : FMI OMC BCE e MAFIA


Doas bonas novèlas pels jornalistas d'investigeishiòn:

  • los richasses dels paises fòrça paures d'Africa e d'Asia , tenon mai de 18 000 miliards de dolar dins las bancas  (las primièras del monde) de l'argent pudent e lordas dels paradís fiscals , paradis que se troban subretot a Nòva Iòrq , London e Luxemborg coma lo mostrèt una enquèsta fòrca rapida (un parèlh de meses) facha per HSBC.(Mediapart).
*************
Deute e crisi  que los mercats son pas contents , que lo sud pòt pas e vòl pagar , (banda de salòps de fenhantasses) NDLR
  • Las bancas d'Euròpa que prèstan a la Grècia a 25% a l'Italia a l'Espanha , al Portugal a 9% se son jà facha mai de 20 milhard d'euro de beneficis . Son las quitas bancas europencas qu' avem ajudadas per mai de 900 miliards d'euro....Mediapart .
*****************
Normal (pels medias) : La guèrra al Còngo Bèlga contunha : 5 milions de mòrts au mens.... Siria òc es  òrre , Còngo chapla gigant dempuèi d'annadas es pas òrre .. Vai t'en saupre Joaneta!!! Nos an ja fach lo còp ambe lo genocidi al Rwanda mentre que charrava pas que de  la guèrra civila de l'ex-Iogoslavia.

Moralitat : quand te mòstran d'un costat te cal fintar de l'autre , o alara  i a de petròli dins Siria .
Consi creire la revolucion de la charriah pagada per Quatar e Arabia , coma las de Libia , Iraq ? E lèu d'Iran ?

************

Pregaria: fin finala los mercats es a dire la mafia an pas fisança als paures per començar,   e a nosautres per finir . Solide que los paures pòdon crebar, an totjorn fach sens gingolar, mas puta  nosautres seriá una pèrda non? .

Lexica
FMI : Fond Mafios Internacional
OMC : Organisacion Mafiosa del Comèrci
BCE: Bordèl Comunautari Euròpenc .
***********
Question: fin finala es qu'Euròpa seriá pas un mejan encara pus fòrt e bèl per alunhar encara mai, la democracia del ciutadin de basa, e nos colhonar encara melhor?
E los medias serián pas alara que lo mejan pus bèl per nos engarçar...(veire las revelacions d'Assange...).
Cò que fa que los medias oficials serián pas qu'una mena de vaselina levat Mediapart e lo Riton Encadenat (qu'a cambiat????? de seguir.)

mardi 24 juillet 2012

JO 2012. LONDON . Vai zi petit


JO 2012 LONDON Cocorico Novèlas del JO 

  • lo francés Emiliò Delpont primièr arribat al JO de 2017 mas a Shangai
  • lo francés Abdallah Ali primièr e sol a pagar son bilhet en franc?
  • la capucha del boligraf d'Obama est fabricat dins França ambe de l'acièr d'Archimetal
  • Lo primièr airbus chines se sonarà «  l'a dins lo cuol Tolosa dusc'al coide  »
  • Lo primièr airbus texan se sonarà «  tant qu'a far i podètz metre lo pè »
  • lo francés Standarkowski , Lepenowski, Nicolaiewski volontan de córrer nus ambe un chipelet coma cencha .
  • A London pareis que los òmes an lo drech de se maridar , las femnas de divorçar e los enfants de campanejar 


    .... E ara l'imne

Anem enfants d'Occitania ,
lo jorn de Londre es arribat ,
contra lo pòrtamoneda ,
Paris nos voliá far mai pagar,
Tornamai nos voliá far pagar,
ausissètz vos dins lo campèstre
l'aucelon cantar dins la palha ,
Non volem pas cap de medalhas .
Volem sonque de botifarra .
Al pegaaaaal ciutadenc
Sortemmmmm lo tira tap
Anem , anem, que lo vin clar
Asaiga las esportius.

Pon pon pon
O mon batòòòò(mas es una autra)

dimanche 22 juillet 2012

Copa Santa


COPA SANTA

Omenatge de F Mistral à Victor Balaguer et autres exilats politics catalans en Provença en 1867. ( que li donèron una copa d'argent en mercejament de son acuèlh provencal)


« Provençaus , veicì la copa
Que nos ven dels Catalans.
A de reng , buguem en tropa
Lo vin pur de nòstre plant.

Copa santa
E versanta
Vueja a plen bòrd!
Vueja a bòrd
Los estrambòrds
E l'enavant dels fòrts!



D'un vièlh pòble fièr e liure,
Sèm benlèu la finicion,
E, se tomban los felibres
Tombarà nòstra nacion!


Per la glòria del terraire
Vautres enfin que sètz consents
Catalans, de luènh ò fraires
Comuniem totes ensems. »

F Mistral.

vendredi 20 juillet 2012

quatre libres per se carrar

 Quatre libres agradius..... Per l'estiu ... que va pas tardar d'arribar ..

Que ieu m'agradèron.......

Mas a vos de ne dire mai se n'en sabètz ....


Sens criticas? .... O vos dirai lèu....

Mas coma n'i a pas  gaire de remarcas malgrat lo nombre astronomica de las paginas vistas sul meu   blòg. Ne soi arribat a creire qu'ai encapat la quatrena espandida.....
La dels gagas


Mas que soi de cercar una biais per jogar  la musica  de la Copa Santa ..... E òc....






jeudi 19 juillet 2012

Franca o la democracia de l'òme de Cromagnon

Franca: la democracia
de Cromagnon? 
 ****************

Lo mèstre ditz:   
m'en vau vos explicar cò que vòli......

Que lo  mèstre sia  petit, mejan o fòrca grandàs , son un fum que petan sec .. E dins tota la societat de pertot....
Que son  pas gaire democratas ....Subretot los elegits...

Aquò's la democracia normala aici, dins Franca... Benleu èra melhora al temps dels grègs  o quitament del temps de l'òme de  Cromagnon , que los cacaires deviàn , parlar,  s'accòrdar, votar beleu  ... cada jorn per causir lo bon biais de trapar una bèstia.
Mas ara aquò's pas aital  ....
E lo pòble es content d'aquela democracia de farlabica qu'es la causa de tots los malastres...

mardi 17 juillet 2012

VICHY ; Vel d'hiv et crime contra l'umanitat


Ou la France le pays de l'obéissance verticala


ISTÒRIA de crims ; vent «primesautier» : e crim contra l'umanitat

Vent de prima : aquò's lo nom d'aquela operacion barbara organisada pel l'occitan J Bousquet lo secretari general de la polícia de Vichy . Avia previst de trapar 27391 josieus , quitament foguèssem franceses . N'en trobèt pas (se pòt dire?) que 12884... Foguèron totes amassats al Vel d' Hiv, dins des condicions inumanas... Los vièlhs tabassats , las femnas desseparadas de sos enfants .... Pas qu'una canèla per totes e a pron pena un desenat de comuns.
La polícia francesa foguèt a la manòbra . Totes foguèron menats a las cambras de gas e los forns de cremason.
Remembrem nos que Franca joga un ròtle essencial . Lo 4 d'octobre une lei permes d'embarrar los josieus dins , de lor far portar l'estela jauna , passat los siès ans . Mantuns decretes e leis oficialisèron que los josieus son d'èstres inferiors , sens que los SS ajan pas ren demandar.

Aquò's pas los alemands que tot faguèron mas los policièrs franceses e lo governament francés e la majoritat dels deputats que donèron son plen poder a Petain ....

Continuitat ..........

1961 : tot es encara en placa coma o mostrèt lo chaple d'arabis de 1961 ambe Papon a la manòbra sens que sen parles cap dins los medias mentre 50 ans ...La premsa sab pas res .


Nosautres occitans es aquela mena de democracia que volem?
Volem d'elegits occitans dins aquel sistem de chaplas de contunh  o volem pas que de la sopa ?

E deman Marina primièra ministre del governament UMP ?

 la Franca lo pais dels dreches de l'òme , de la femna e dels enfants 
 

dimanche 15 juillet 2012

petal de lausièr

 
Òm tindèt
Dubriguèri la pòrta
Èra una monard
Que pissava la sang
Èrem lo 14 de julhèt
Dintrèri dins l'armari
De sa plaça
Ambe la seuna camisa sus l'esquina
Fugiguèt en daissant escapar
d'unas petals tant ròsas,
que son cuol pelat.
Alara cantem jos la pluèja
Dins l'estiu d' agonia .
Anem enfants de la patria
On a sonné,
J'ai ouvert la porte .
Il y avait un singe,
Qui pissait le sang.
On était le 14 juillet,
 Je suis entré dans le placard
A sa place.
Avec sa chemise noire sur le dos.
Il s'est enfui, en titubant
en laissant echapper,
des pétales aussi roses,
que son cul pelé.
Alors "singing on the rain..."
De l'été à l'agonie.
Allons enfants de la patrie....
The bell is ringing,
I opened the door.
There was a monkey,
Who pissed blood.
It was July 14,
  I went into the closet
In its place.
With his black shirt on his back.
He fled, stumbling
allowing escape,
also rose petals,
peeled her ass.
While singing on the rain ...
Summer in agony.
Arise children of the fatherland ....








La campana està sonant,
Vaig obrir la porta.
No era un mico,
Qui va orinar sang.
Era 14 de juliol de
Vaig entrar a l'armari
En el seu lloc.
Amb la seva camisa de color negre a l'esquena.
Va fugir, ensopegant
el que permet escapar,
també pètals de rosa,
pelat el cul.
Mentre que "cantar en la pluja ..."
Estiu a l'agonia.
Aixeca't fills de la pàtria ....
O sino está tocando,
Eu abri a porta.
Houve um macaco,
Quem mijou sangue.
Foi 14 de julho de
  Entrei no armário
Em seu lugar.
Com sua camisa preta nas costas.
Ele fugiu, tropeçando
permitindo fuga,
também pétalas de rosa,
descascados sua bunda.
Enquanto "cantando na chuva ..."
Verão em agonia.
Levanta-te filhos da Pátria ....
La campana está sonando,
Abrí la puerta.
No era un mono,
¿Quién orinó sangre.
Era 14 de julio de
  Entré en el armario
En su lugar.
Con su camisa de color negro en la espalda.
Huyó, tropezando
lo que permite escapar,
también pétalos de rosa,
pelado el culo.
Mientras que "cantar en la lluvia ..."
Verano en la agonía.
Levántate hijos de la patria ....

mardi 10 juillet 2012

pepin e felena

Pepin e felena ......................dins............... vingt ......................ans?

Benlèu............

dimanche 8 juillet 2012

Israel, nucleaire, France, Angleterre, Afrique du sud, USA e Russie


La bomba d'Israèl .................una òbra colectiva de l'UE ( Franca , Anglatèrra, Africa del miètjorn, Alemanha, USA e .... Russia????  

ARTE lo 7 de julhet 2011 dins la nuèch



Democracia , ...............avètz dich democracia..................... bizarre


Ièr coma dormissiái pas encara,


Sul còp d' una ora del matin passèron un reportatge espantant sus la fabricacion de la bomba
d' Israèl...Un còp èra, al temps de Ben Gourion

A la debuta i a la França eterna un vingtenat d'elegits ambe coma cap mèstre Guy Mollet, que donèt totas las estudis dels cercaires franceses , als cercaires israelians
-per la bomba nucleara
-pel la fusada que pòrta la bomba .
-per d''avion de M Dassault coma lo mirage III que foguèt completament copiat.
De pas creire Shimon Perez , qu'avia son pròpri burèu al centre de recercas atomica frances ( Dieu aja son arma....) ne servava un remembre esmogut. Un pauc estonant se l'òm sap qu'a l'epòca Israèl es quitament socialiste d'esquèrra e mena l' experiéncia dels Kibotz, bon....
Puèi Guy Mollet ( qu'èra pas flac per la guèrra fresca ) mas un vertadièr socialista de totjorn, donèt quitament las claus de la botiga democratica Franca, a Charle de Gaulle, per lo còp d'Estat de 1958 , pareis per s' aparar d'una presa de contraròtle pels generals democratics d'Alger e la
chienlit du parlementarisme! .
Bon dusca ara , me dormissia pas qu'a mitat, que d'un uèlh coma diguèt L De Funès dins Rabin Jacòb .
Sabem que sem una de las democracias de las pus fòrtas. Tant e mai pareis, que lo quiti de Gaulle ne sabèt ren de tot aquò, e encara que lo quart de la mitat, e encara qu' al cap d'una annada.
Alara decidiguèt que tot aquò deviá s'arrestar lèu , mas se passèt encara un brave momenton avant que Shimon Perez se decidiguèsse de tornar al pais, per se descansar de son trabalh de grand fotocopiaire de bomba. (NDLR mas es que sabem tot? Es qu'èra pas encara una mena de pacha , secrets atomicas russas o americans en escambis pel biais dels cercaires josieus que trabalhavan del dos costats de la cortina de fèrre )
Pareis qu' als Kennedy e Krotchev lor agradavan pas gaire...
Apèp Franca , aquò's Anglatèrra que prenguèt lo relais per provesir d'aiga pesuga , (pas la que voja dins lo pastaga ) mas que sèrv per bastir la bomba a idrogèna (la pus polida de totas), qu'es quitament la pus òrre.
Fin finala aital que se trobèron d'amics dins Africa del Miègjorn , lo pais de l' aparteid que voliá el tanben la bombineta mas qu'avia pas l'engenhariá per o far..
Aquò's aital qu' Israèl e (o) Africa del Miègjorn faguèron espetar una bomba a egala distancia de Pretoria e del pòla nòrd (visca l'ecologia) dins la mar granda .
Lo pus bèl de l'istòria , aquò's que los arabis ajudats pels russas causiguèron d' atacar Israèl just al moment ont venián tot just d'encapar ambe la bomba e la fusea per la carregar .
E obtenguèron en escambi de pas la far petar r la fornidura de totas las armas convencionalas possiblas e imaginablas.
Mas Kennedy moriguèt a Dallas, arribèt un democrata de la melhora borra que se sonavaL Johnson.
S' endevenguèt bravament ambe G Meier . E montèron un brave còp, una pacha espantanta ...
D'una, los americans bombardèron totes los aerodròmes d' Egipte , ( pareis que Moshe Dayan , qu'òm nos mostrèt, coma un engenh de la guèrra, èra completament perdut) çò que faguèt que los arabis poguèron pas destrusir la centrala atomica del Neguev, mas la cerièra sul pastisson arriva , que , pel còp , me revèlhèri completament . L'istòria venguèt de la sciéncia ficcion

Lo pus bel: 

Tres avions americans foguèron cargats ambe de bomba atomica , sul porta-avions american , e totes los batèus americans e israelians s' alunhèron de la còsta de mai de 300 km de la boca del Nil.
Sol un batèu scientifica, sonat lo Liberty, foguèt envejat cap a Israèl, e dintrèt sol dins la zòna enebida , batèu plan aplechat, qu'èra capabla de desnisar los sitis de las bombas nuclearis. Mas èra pas la tòca.
La vertat . G Meier e Johnson èran convencuts secretament, que d'avions desconeguts devian envejar pels fons lo Liberty per far creire a una ataca russo arabi.
La disparicion del Liberty auria donat lo signal de largar las bombas atomicas sul Caire , e encara mai de destrusir l'URSS. Israèl èra cargada de rasar Sebastopòl mas totas las basas americanas aurián envejadas de bombardièrs sus l'URSS per la guèrra totala .
L'ataca contra lo Liberty faguèt mai de trente mòrts americans e un fum de nhafrats, mas lo Liberty anèt pas als fons... Cò que fa que d'americans poguèron testimoniar qu'èran pas los avions arabis o russes ... Las bombas foguèron pas largadas... E Russia escapèt de pauc al non ren.
Per acabar cal senhalar lo ròtle polit dels alemands que « donèron » quitament siès jos-marins a Israèl pel prémi de la mitat d'un , ambe d'argent cada annada per la recerca, jos-marins pòrta-missilas de segur , se que non consí far per s' amusar...

La fòrça nucleara d'Israèl es doncas una òbra collectiva. Que mòstra clarament la fòrça de la democracia dins Franca e endacòm mai , la fòrça de l'engenh de l'universalisme de l'umanitat.

De segur sabem tot aquò ara per de que 50 ans son passats ....Mas de que cambièt... Assange va anar en preson....Foguèt violentat per doas femnas sens esterilets

Democracia ........ avètz dich democracia ...... Bizarra aviai cregut ausir parlar de monde liure ...

Remarca : auèi ambe la descubèrta de petròli e de gaz dins la mar entre Turquia, Liban , Siria, Chipre e Israèl , que nos van trobar l'engenh uman per nos menar a la guèrra un còp de mai?.

samedi 7 juillet 2012

democracia de farlabica e jornalisme d'opereta


Democracia , ................avètz dich democracia ,................... coma aquò's curios! .................................Bizarre  e estranh



Aprèp la mesa en examèn de l'ancian director de France Telecom.... Aquí se vei clarament lo nivèl de la democracia del nòstra bèl Estat nacion .... (Ierarquica verticala de sembla republica eiretada, per pas dire copiada drechament de la ierarquia papala, .....................abat , evesque , papa).
Un exemple caricatural de l' abséncia de democracia dins una entrepresa estatala e de la flaquesa dels contre poders , premsa, sindicats, associacions ..
Soicides a France Telecom , a Renault , a EDF ece....
Que Mossur Lombard mostrèt la draia e traçèt la règa. E totas las grandas entrepresas d'aquel pais, de seguir, coma un tropèl de fedas, la leiçon anglò-saxona de Mossur Friedman , premi Nobèl ( l'òme que diguèt que l'obrièr deurià finir per comprendre un jorn,   que sol l'argent ten lo drech de comandar, dins l'entrepresa) . 
Ara los dreches de l'òme (caumatge tant que vòl , e  terror al trabalh) , de la femna ( una chaplada cada jorn de la setmana per son espos, paga de mitat , e drech de cuèissa) e pels enfants ( abestits  a l'escòla que vòl ne'n far los esclaus de deman dins la competicion mondiala, la guèrra economica  ambe los paures del monde , o pels que capitan las estúdias , los «managers» de deman, que benlèu prendràn la seguida dels Lombard de 2020 a Orange, TOTAL ELF , EDF , GDF , DDE BOUYGUES, ASF France 2 o 3 ece ) a mai, enfants que patisson fòrça, a l'ostal, merces d'un paire desobrat , que chima o(e)que se ganha a pron pena lo SMIC (RSA m'as colhonat), ambe encara melhor la jòia d'una familha re(de)compausada, ont la maire pòt pas niflar los enfants d'un primièr maridatge ...
Aquò pels dreches de l'òme, de la femna, e del nenon al pais de la lum, que los medias n'en parlan pas gaire .
Aquò's aital qu'a La Pòsta ; lo factor del meu barri , càmbia cada setmana, tant e mai que lo quiti can de la vesina encapa pas de comprendre  aquel carnaval, udola coma un ase tre qu' aus un petarèl.
Franca es plan lo pais de la corrupcion a cada nivèl , ont totes los qu'an lo pus mendre poder s' assadolan... E se'n chautan de la justícia qu'es venguda fòrca longanhassà e despoderada .
Per astre, Franca sèrva sa politica guerrièra de totjorn , e pòt far de causas polidas coma d' ajudar a espelir, la lei islamica e subretot la de Ryad, de Tanger a Ispahan. Que l'islam reial a pas jamai empachat lo petròli de rajar.
Per astre per ela, (Franca)  i a encara lo miègjorn tolosan fa mina de creire encara un pauc, aquela fabla republicana de  libertat d'egalitat e de frairetat ...
Mas aquel occitan amorós de libertat vertadièra pòt pas s' acontentar de demandar d'elegits, per dintrar dins aquel sistèma «mafiòsò» mas deu denonciar de longa aquel universalisme e aquela  democracia teorica , que son estructura centralisaire , e sa ierarquica quitament militara , fa pas qu'ajudar los coquins, e las enganas dels amics dels coquins .

jeudi 5 juillet 2012

Franchimand es arribat


 
 Es pas bera Occitania ?

L'estiu es arribat e Occitània, Corsega, Euskadi, Rosselhon, Bretanha, ece son venguts subte de paises de bronza-cuol acarnassits. Sèm contents, coma los grègs ambe la nòstra toristalha. Lo nòrd davala , e lo melhor per los trapar, aquò's Occitània que ven cada an, lo reialme de la Kultura Kulturèsca Mondo- Teleramèsca , ambe un fum de mòstras, de baletis, de teatres, de concèrts, espectacles viudants, (pròba de la nòstra cultura plonda que lo monde tròba un pauc fièra e pesuga) Amai encara , pel campèstre, traçan los pelegrins de Sant Jaume, coma los naturistas, los ecologistas ciutadencs, amoroses de la montanha e de la montanhèta, dins lo grand espandi de libertat, vengut ailàs desertós, mas sens cap d'arams , d'escobilhas (levadas las que daissèron l'an passat ,o las que l'Estat fosicaire ensaja d' amagar , dins los nòstres traucs miègjornals, artificials o pas (mas fièrs d'èstre traucs jos lo bèl caumas que finirà plan per arribar un jorn), quora l'Estat vergonhós sap pas mai ont las metre amont) uroses totes de se rebalar pels camins embartassats, o a l'abroa de la mar, dins las èrsas, als países ufanóses de la popa desliurada , de Bordèu al Cap d'Agde , en passant per Cana la Boca o Mandeluòc la Napola, paises miracolóses dels estrings transparents, de la culòta fial que fan tibar joves, vièlhs, quasi abséncia de vestits, que fan tanben los conses uroses, per de que pòdon creire, un momenton, òc! pas gaire mai qu' un parelh de meses, qu' ambe tot aquò, menan una vertadièra politica economica e culturala d'aparament de la diversitat occitana.... e en seguida,  francofoniàmaniaca ...
Tant val melhor aquò rai, que lo desèrt total dison.... Vertat.......... benlèu....
Paures que son venguts d' amusaires . Que fan totes "ça mème", levat lo de L'Estivada. E..... .....qualques autres que se comptan .............sul dets d'una man


mardi 3 juillet 2012

Muret lo chaple ou Mureth la batalha


Mureth 1213 Chapla o Batalha coma la de  Puy Le Fou .

Mureth 1213 deu pas venir una mena de Puy Le Fou es a dire una jornada ambe donzèlas e piucèls....

Per ensajar de comprendre, e retrobar lo luòc , o lo debanament de la batalha me pareis que cal respondre a qualques questions e admetre qualques evidéncias:

Question primièra : Lo matin de la batèsta Chapla ; Ramon aconselhèt al rei,Peire II d'esperar lo nhac darrièr d'unas barrièras del camp. Mas que lo rei vòl sa batalha dins la prada.... E sap (ambe rason)que Montfort pòt pas ganhar dins una batèsta leiala es a dire de cavalièrs...
Se sap que Ramon es pas un flac .... S'agís d'un luòc facil d' aparar. Que sufís d'un parelh d'oras per fortificar.?????.......... Ont es?????
Ieu cerquèri ..............N ' i a pas qu'un !!!! ( vos los dirai lo còp que ven...)

Ora de la batalha: la batalha se debanèt a quicòm pròche a miègjorn, a l'ora de manjar. Lo rei d' Aragon, las tropas aragonesas, tolosanas, catalanas son tornadas als camps per minjar. Escrich dins la cançon de la crosada; e confirmat per exemple per l'o cronicaire de Montfort Vaux de Cernay .

L'ajuda de la glèisa a Montfort : un « espion » avertiguèt Montfort que lo rei venia de passar a taula...( Mathieu de Paris) levat que los envejats dels evesques( qu'èran mai de vint amb Montfort) quitèron pas de preissar Peire II de renegar Ramon... Èra los sols que podiam traversar las linhas e donar la posicion del rei cada moment. E a poder mostrar lo semdier que mena al camp reial a travèrs la sanha....
Tota la matinada Montfort e los avesques fan mina de negociar... Mas la cançon de la crosada ditz que dempuèi la nuèch Montfort sap plan çò que pòt ensajar e capitar.

Question doas: per de qué Peire II serà tuat vestit ambe l' armura d'un autre cavalièr?
Responsa : per de qué la suspresa es totala.... E qu'a pas lo temps de metre la seuna. Pròva que l' espion èra plan ensenhat... Qual podiá aital parlar de longa al rei e traïr...
Solide
a) qu'a pausada la seuna armura per anar manjar o se descansar ?
b) e coma se tròba alunhat , a pas d'autre biais que de passar l' armura d'un autre.
Mas lo rei que se mostrarà sens paur «  soi ieu lo rei» a Guillaume de la Barre » que lo farà chaplar per los fantassins  
Suggestion: l' envejat dels evesques deguèt mostrar lo rei en bolegant ambe lo capèl roge de Folquet de Marsèlha .

Lo chapla de Mureth revèrta lo de Besièrs (ont qualqu'un dubriguèt la pòrta....)
Aicí lo chapla se debanèt a l'ora de manjar. Qualqu'un donèt lo sinhal que lo rei èra nus coma un verm e luenh de sa tenda, e mostrèt lo camin . Occitans , catalans e aragoneses èran a taula. Monfòrt faguèt mina de partir per la pòrta de Sales coma se tornavan cap a Autariva .
Qualqu'un encara mostrèt un vial a travèrs sanhas per tombar sul camp reial per suspresa.
Lo demai foguèt quitament pas una batèsta , solament un chaple total , amai ambe la benediccion e l'ajuda de Roma.
França es plan la filha ainada de la glèisa e Simon de Montfòrt Amaury lor bastard davant l'eternitat.

Nota : aquò's pas per de qué un chapla es vièlh qu'es perdonable. Un chaple demòra totjorn un chaple ( S Weil)

dimanche 1 juillet 2012




Ensaja de parallelisme de corbas masclas e femnas...( se vòlon) 



La femna se teniá jaguda sus sable
L'òme se teniá lo vièch de las doas mans
Lo solelh durèt tota la vesprada,
E la mar veniá lor alisar los pès...