mardi 30 juillet 2013



Sèm un fum per creire al liure arbitri ..
E ieu coma als autres de tocar de bòsc
Aguèssem lo biais de causir sa destinada .
Per encapar un avenir que valga
Que podem pas cambiar ren 
A l'agulha de l'astre ,
Que te mòstra l  embonilh.
E que te pissa al cap
Sens esperar la relòtge,
Qu'escupís los vèrms....
Mentre que se mòstran.
Las caras dels grands repapiaires ,
Que valga pas gaire.
Que lo sòmi del non res
d'una rescontra de  femna ,
Que  fariá son recapte.
Sens se trachar de tu.
Coma s'èra anada ,
A la  caça al soscadis,
De creire a ren pus
Coma se ren pòsca endevenir
Que soi arribat  aicí.
Sens tapa-plumas
Venguts coma lo gant e la man,
Lo buf e l'esper , l'alenada e la jòia  
A gratis....










vendredi 26 juillet 2013

nom de domani e astre

Coma que , cal pas voler petar mai naut que son cuol....
Que volguèri me crompar lo nom del meu blòg.. Que l'aviái dempuèi mai de 5 ans mon nom Occitanissima . Un pauc coma òm se carra plan d'èstre proprietari dins son ostal , sens pensar mai. E doncas paguèri un còp mai, pel nom d'Occitanissima prèp de Google, levat que Google veniái de cambiar son metòde de pagament.
En 2012 paguèri detz dolar d'un còp amb l' « ecard » per l'annada e tot se passèt plan. Mas en 2013 venguèt pas pus possible.
Que lo gigant de Montains View vòlguèt pas mai s' interessar als blogaironons de ma mena . Decidiguèt que podiá pas mai tocar la moneda pels noms de domeni. E que se calia sarrar de Goddady la societat qu'èra cargada per el , dempuèi la debuta, d' aparar los noms de domenis.
Aital demandava de pagar per quicòm qu'èra a gratis dusca'ara ambe blogspot.com.
Coma un con cregueri qu'èra un biais d'i arribar. E doncas aviái pas res compres . E quitament a l'ora d'ara ont vos parli ai pas encara compres . Mas cal butar ....
Mas que per aquò far demandava lo nombre de la carta bancari e lo demai.
Rusat coma soi ieu, decidiguèri de pas lor donar lo sang de la vida e de pagar per una carta bancari virtuala, merces La Pòsta , recargabla a pichòta dòsa , per me far pas enganar un còp mai, de tròp que l'idèa lor venguèssen de me cagar dins los esclòps.
Tot se passèt plan .
Levat que quand aguèri pagat e ben, lo meu blòg èra pas cap lo meu.
Pièger quora clicavi sus meu siti , un messatge disia qu'aquel siti «  èra dangeirós » sens antivirus ni parapluèja, en contunhant lo siti occitanissima apareissiá , levat qu' èra vengut una societat sonada ITC cargada de cercar de petròli amb o sens lo sistre ...
Aquò durèt una brava mesada ,o dos lo temps de soscar.... que cal pas metre lo pè dins lo fangas quora pòdes marchar sul sec.
Avis als candidats futurs « proprietaris »..... dangièr .
Soi tornat sus blogger.com .......Lo pagament contunha . Pagui per res e me vaqui ..............aquí............. aqueste ser.

jeudi 25 juillet 2013


Dins l'escurina , 'na pèrla de suzor
A l'embonilh neblat de borra blanca
A la set, la talent , a l'alen de calor
A la popa que m'emplena la boca,
D'un capuditge de mentastre .
Bevèm....
Una trompeta udola son benastre,
A l'abroa d'un mont de Venus,
Un neon escupís sul coble nus,
La fum lachós de son vièt d'ase
Nos sem trobats a palpas ,
Al cap de totes los malpas
Bevèm...
Cai sus, cai jos las flaçadas
Confles los nòstres còrs urós,
Lo jòc de las mans, de las colors.
Roja cerièra, jauna limon, arcanèl,
Bevi a la sorga del bornhon bèl.
Amen
Lo cèl es negra , que venga blanc ,
Quora cabussa dins la mar.
Pòrta son vel de Votz Lachuga .
que bolegue los astres
Mentre qu'espèran sa pluèja de lutz
Escota ...Ne'n veirem pas lo cap...
Bevèm...

Cap de naissença e cap de mòrt.
Sonque unses torns e puèi se'n van
Aital la vida e nòstre malasòrt.

mardi 16 juillet 2013

 Dempuèi mai d'un mes i pòdi pas mai furgar... Occitanissima es  pas mai vistable..Que far?

dimanche 7 juillet 2013

La republica papala

Republica papala

Crestiana,  laica e obligatòria dusc' al cap amen