samedi 26 octobre 2013

de Solferino a Waterloo. La Beresina .

De Solferino a Waterloo en 2014 serà la BERESINA
Euròpa va nos salvar   braman totes de longa,   ???? Coma fan per   l'Espanha? , l'Italia? , la Grècia?  Aquò's çò que  dison!!!!
 L' Euròpa la tèrra d'asila de Lampedusa a Oslò e tre l'escòla mairala!!! 
Ont l'UMP encapa  pas , lo PS furga "coratjosament"  dins las estalvias dels pauras . 
Tornaran pas de 30 ans. La granda vestassa naseja per las eleccions comunalas . S'en chautan los socialistas ?
Ai  votat  Francescò... Un còp èra. Coma un còp èra m'an colhonat,  per Chirac per sauvar la republica contra Le Pen ! Que lo grand con de Cintegamela nos avia enganat plond, (en privatisant mai que Balladur) , coma lo Francesco ara nos engana plond  , Jospin lo grand amic de  Blair qu'avia trobat d'armas d'armas quimicas imaginaris  dins  Irak ambe lo regretat Bush. Un Guy Mollet oblidat ara

Mas qual con èri!!
An pas comprès los elegits socialistas ! E se'n chautan. Se troban  polits, quitament  ciutadans perenas ecologistas e durablas. Los mots que cal dire de seguida auèi!
E se'n chautan!!! Que tocaran benlèu  la retirada dels elegits de la republica dels formatges.
Francescò reverta  Guy Mollet .
Pren als paures per donar als rics !!! En esperant que lo MERCAT farà virar la corba del caumatge e per que pas la Luna a revèrs.
Aquò's nòstra  malediccion de creire als miracles e d'elegir d'òmes de drecha....  
Mas m'engani , lo Roosevelt françés se quilha , L' ENEMIC de las FINANCAS se leva,  tremolatz capitalistas!!!! 
A A A A A A A A A I I I I I I e per que pas SOCIALISTA tan qu'i sem.
A mai la Pròva que sem pas dins una democracia!



mercredi 23 octobre 2013

França eterna

Mantuns còps , foguèron  nombroses, los rebalas sabres, los racistes , los xenofòbs, los nacionalistas, que faguèron de chaples d'un pauc pertot, dins França per s' abiaissar e puèi, sus la  Tèrra tota,  al nom de la religion, de la grandor , de l'onor, de la republica , puèi del colonialisme civilisaire e universaliste. .... E autras colhandrisas a mila mòrts per minuta ...
Oc la polida exposicion coloniala que trobèm uèi escandalosa!!!
França etèrna ??? La polida istòria!!!!
E uèi  que son tornats los manja m.... 
Ne'n moriguèt J Jaurès...

 

lundi 21 octobre 2013

Font de Trevis a Roma

comentari ....?????!!!!!

Dins aquela font se banhèt un jorn Anita (Ekbert) , quitament  nuda,  mentre que Mastroinani la fintava coma lo Dieu Pan gaitava las vestalas ...
Fin setembre 2013  i avia fòrça mond per se banhar,  mas pron  gaire d'aiga per totes....
Perqué escampar de moneda? 

dimanche 20 octobre 2013

Las novèlas  bèlas...

Ièr la jornada de la misèria e uèi la jornada contra lo degalh ( consí cosinar la verdura de las pastenagas, dels rafes, consí farcir los caulets de Brussèlas , coire una pera farinosa a la padena e l'emposcar de sucre per caramelisar. SDF vai i furgar dins las escobilhas de las grandas susfàcias ... Levat qu' escampan pas grand causa dempuèi qu' an lo drech de soldar los produches dusca la data limite de conservacion.
Ièr doncas la jornada de la misèria e doncas qualques chifres que mòstran que sem plan sus la bona dralha:
  • mentre 10 ans la riquesa del monde a augmentada de 67 %
  • los paises que son venguts mai rics del mond son los USA, la China, d'Alemanha e tot près França (quatrena)
  • França es lo pais que comptan lo mai de milionaris d'Euròpa ............Cara-caca .2,2 milions sus los 32 milions de milionaris de la Tèrra( sorga la banca Soissa). Mas França es en passa de far guinheta a l' Alemanha d'Angela, sufís de legir la seguida... Mas se'n parla pas gaire a la radió , a la tele ... Lo subjècte es Lampedusa ????? Dins Africa son de  milions de malurós butats per la guèrra , la fam ,.... la malautiá, mas retardi... non lo subjècte es pas mai Lampedusa . Lo subjècte es Leonarda....França pòt pas recaptar tota la miseria del mond.!!!!
  • Merces a l'enemic de la finança , las personas solas que tòcan mai de minimum vielhum (787 euros) o en cobla mai de 1222 euros van cotisar per la reforma de la retirada.. L'an passat lo governament socialista de França a aleugierat de 20 miliards las cargas  dels patrons  e aquesta annada o farà per 12 miliards de mai. Òsca ont l' UMP va pas lo PS  encapa.. E cap d'entrepresas del CACA 40 pagan pas las talhas!!!
  • Leonarda es estada  mandada cap al seu Kosovo natal ... La majora part dels jornalistas del pais dels dreches de l'òme , de la femna e de la canhòta , an soslinhat que servissiá de ren de s' esmòure, l'esquèrra emocionala....Que tot èra "normal".Que s'agissiá benlèu d'una manòbra politica mespresabla..Bon m'engani encara, mas tot aquò mòstra plan consí las idèas de MLP an caminat e contunhan de caminar plond , e consí ne sem arribat a nos acostumar a las idèas fascistas e a las bandisons  de tot òme e de tota  femna qu' avia cregut de fugir la miseria de son pais....
  • Un darrièr chifre : l' Euròpa a promés de recebre 40000 refugiats sirians . Alemanha  25000 e la Franca 500.




vendredi 18 octobre 2013

Nauta Provença

 Sus la rota d'Italia.... De Murèth a  Nauta Provença 
.....................Torisme m'a "tuar""












jeudi 17 octobre 2013

Sòrre Nana veses pas res venir? 
Si Vesi MLP.....


 



Ieu , al pais de l' universalisme , vesi pas que lor racisme , la xenofòbia , la lei del pus  fòrt , las enganas politicas,  e la roïna  pel paure e pel sistèma social que l'aparava dempuèi 1945. 
Vals lo primièr policièr de França es  pas que lo sinhal del poiriment del sistèma , d'un òme que seria al governament de Sarkosy , supausat que foguèsse reelegit en 2011....
 Rentabilitat , competitivitat, l'esquèrra de la drecha ditz :  ciutadanitat , perenitat , durabilitat .... un «charabia» sortit tot drech de l' ENA e de las escòla punt. còn


La Cinquena Republica? La Constitucion de la Cinquena ? Que sia portada per l' UMP o pel PS , fin finala nos mena prim al bi-partisme ; puèi ara al fascista , la pròva l'avèm uèi!.  
Vertat França a pas agut l' "astrada" d' o conéisser un(a) DUCE , benlèu li fauta,.....  ailàs sem en camin ...

Davant , avèm pas que  la misèria e lo malastre , per de qué son pas capables, competents, o benlèu tròp interessats  los sabantasses de l'ENA, d'HEC de Politecnica e autres escòlas de fils de privilegiats , que comandan la destinada del pais , e que nos emerdan la vida   .

10% de l'umanitat  ten 50% de la riquesa e contunha de recaptar tot o demai.
80% an pas res.




Es pas possible de rentabilisar los capitals gigants dels mai rics del monde. Qu'ajatz 50 miliards ; se volètz un rentabilitat de 10% ( coma son acostumats dempuèi d'annadas )  vos cal trobar 5 miliards.... ( se pòt encara merces  al Bangladèsh, a l'Etiopia) mas serà totjorn pus  malaisit l'annada seguenta , caldrà rentabilisar 55 miliards e doncas trobar 5,5 miliards de rentabilitat. 
E cal vendre los produches  dins los paises "desenvolopats" ,  que davalan vist que i a de  cons fossils  que volontan de prene  la retirada a 60 ans  , mas que son pagats de mens en mens, e que devon crompar los produches de China o del Bangladèsh  o d' endacòm mai ... S' acabarà  jamai.. 
Ara lo PS es cargat de resòlver lo copa cap vist que vòl pas tocar los rics , ni mai   los paures . Es un partit qu'es aquí,  acostumat per distribuir las riquesas creadas , e que ni a pas cap.
Aquò's aital que dins França  e Euròpa,   ne son arribats a far petar la SECU , la retirada a 60 ans , e autres avantatges de fenhantàs, per organisar lo transpòrt de l'argent cap, als amonedats  . ( se que non , nos dison que  lo capital va fugir a l'estrangièr , levat qu'es ja partit dempuèi mai de vint ans )
E ne son arribats que las entrepresas gigantas del CACA 40, las que  pagan pas un sòu de talha que fosca   jos lo talon crusèl del socialisme de Hollande (l'enemic de las finanças)  , o coma jos l'espasa afustada e terribla  de Sarkosy...
Nos dison que ara cal pagar lo deute estatal, es a dire cal pagar las bancas, pel lo nòstre argent, que prestèron a l'Estat. Es pas bèla la vida?
  Consí baissar las pagas de los que son cargats de crompar per far tornar la maquina economica ?  crompar mai e ganhar mens ? That is the question? . Aquí la question pausada als  governaments d'ases  del pais de la diversitat unifòrma , l'emperi papal del reialme del fromatges   . 
Antan França èra arribada a se donar un nivèl social e economica, bravament  polit, mas èra abans , mas qu' ara a pas  compres qu'es pas a la  malha per  lutar ambe la concurréncia europenca o asiatica . 
Vivèm aquel moment.
Pisa a Murèth


 
 

mardi 15 octobre 2013

PISA la torre occitana

A Pisa ma paraula , te seriás cregut a la protèsta: ANEM ÒC, des bandièras occitanas de pertot , al long de la carrièra , ambe a mai un messatge de benvenguda a Francesco ,



















sabètz lo papa novèl elegit, simpatica, que nos càmbia de JP Two .
Sul moment cregueri qu'èra una mena de messatge occitan subrenatural, un senhal tombat del cèl, benlèu una engana neurologica de ma cervèla cansada , fruch de l' imaginacion treblada pel repais asaigat de Chianti de mala qualitat, bisulfitat (de tròp), mas que , en sarrant los uèlhs, coma òm sarra las patèrlas, quora un lusèrp t'arrapa pel pompilh, puèi la cuèissa per anisar, descubriguèri que la tòrre de Pisa ela tanben èra coronada per la bandièra occitana.
Pel còp me metèri de parlar lengadocian a totes los molons d'asiaticas , en fasent de gèstes , per explicar que tot aqueles drapèus èran lo de l'Occitània Mas m'escotavan pas , que se fasián fotografiar totes , ambe la man apiejada a la torre ....En semblant.

Meravilhós .... De veire çai jos...

jeudi 10 octobre 2013

la nòvia

Finta .... Plòu,....
las lagremas
... de rosal
de femnas,
a l'ostal
O plòu
Lo plor de l'òme
castigat...
Tre l' enfància.
Que ressonta
Pels corredors...
de la maison granda
son cant d'amor
Lo recòrd fals?
Veja .... Un lençòl blanc...
Un parpalhòl
Sul blau de la mar.
Chuca l'escruma .
Fug.. Suaudament
Estirat ...Al solelh.
.. lo batèu , de la vela granda
confla del buf,
d'un remembre,
la nòvia meravilhada.
que trepeja sul pòrge ,
 de la capèla
e que ritz ....
Estabordida d'estrambòrd
al fissal dels grans de ris..
Coma la vèla granda
a

l'aurassa....

dimanche 6 octobre 2013

Alienacion e democratia

Alie-Nacion Occitana? Simptòmas de l'a-democracia e de l'esquisofrenia universalista generala dins Occitània.






Soi a pron pena tornat d' Italia que la lectura d'unes articles del Jornalet , al subjècte de la Nacion Occitana , que m'an donat l'enveja de parlar de l'alie-nacion Occitana e de l'estat de la democracia dins lo bèl pais dels dreches de l'òme, de la femna, e dels caganhons .
Tomba plan que Hollande ven de vistalhar lo Conselh Constitucional , per i dire que la Cinquena republica èra bravament polida e que li calia ren cambiar. Pels que sabon pas , lo Conselh Constitucional representa un dels multiples «formatges» (veire CSA tanben) de la Republica , (vin de Bordèu a totes los estatges) qu'a per mission de verificar la constitucionalitat de las leis, e qu'es compausat d'una brava majoritat , d'òmes e de femnas de  « drecha » nomenats pels quatre o cinq personatges «majors»que passan son temps a se tornar l'ascençor. (presidents , que siá de la republica , del senat , de la cambra ...ece)
 
L'occitan mejan refusa pas l'idèa de Nacion Occitana , mas trantola que contunha de creire que Franca es lo quite Exemple de la Democracia . Solide que los occitans creson viure dins un fara de la democracia mondiala , e a mai creson que lo monde tot , espèran de contunh, la paraula de França per s' « autorisar » a pensar , e comprendre lo monde.
Cal senhalar als occitans badaires del sègle de las Lums que tot aquò es acabat dempuèi de sègles justament...
Primièra remarca : dins Itàlia se parla pas cap francés , alara que la lenga n' es pròcha. Cregueri d'en primièr qu'èri tombat sus de francòfòbas , mas d'en pertot èra çò meteis. Fin finala causiguèri d'i parlar occitan e encapèri de me far comprendre qualques còps...
Los italians , los joves an causit de parlar angles e de cantar en angles... Coma dins França...

Iconografia comuna occitana : un fum d'occitans se remembran encara de las paginas «gloriosas» revolucions de 1789, 1793 1830 1848 ece...
Solferino per exemple .

Afiguratz vos qu'en 1848 las armadas francèsas venguèron esclafar los italians de Roma que venian de declarar la republica... L'armada de la libertat qué!
Istoricament e adrechament los libres d'escòla capitan plan d' ensenhar , los episòdis gloriós e sovent ensagnosits, de l'istòria de Franca , quitament quora foguèt ela que maselèt a bèls braçats ... I a un acòrd antica, drecha-esquèrra sus aquí, una mena de consensus. Cò qu'explica benlèu per de que l'occitan francimand sèrva la sentida d'èsser un actor major al mitan d'un pòble rebèla e fièr que se revòlta (rà?) de longa, contra l'absolutisme ... (veire l'istòria reala de la resisténcia mentre la darrièra guèrra o la de las desertions mentre totas las guèrras de la republica )
Notatz plan que la decision de far la guèrra dins Libia , Mali , Siria es presa dins França pel president tot sol... Quun pè mon fraire, aquel poder gigant, coma lo de l'emplèc de la bomba H !!! Coma democracia se pausa plan. França a oblidat consí Cameron, lo pus acarnassit contre Assad demandèt un vòte a la cambra , dins Franca es pas necessaris de se plegar a n' aquelas fotraladas .... Hollande se retròba tota sol d'aquel biais!!! E d'un biais sentèm plan que Hollande arriba pas de digerir aquela sembla guèrra mancada, sa guèrra envolada, panada , pel parelh Poutine - Obama, que lo daissèt sul sable sol e nud, alara que bracejava melhor que Blair al temps de l' Iraq . De que s' amaga jos aquel capuditge? L'argent del Qatar? de l' Aràbia Seodita ? O saurem pas . E l'occitan mejan se'n chauta ... Contunha son raisve de totes los òmes egals ... Dins aquela istòria, Poutine s'amerita lo Prèmi Nobel e pas Hollanda qu'es vengut un canhòt dels americans, que trompetèt per la guèrra, e que tròbi curiós , socitós... Que seria capabla de nos embarrar dins totas las aventuras??? sens s' assegurar de las arrièras e dels aligats? .. Question

Uèi sabem que los elegits son plan pagats. França es lo pais ont un ministre de finanças pòt aver una femna qu' aconselha per la fugida fiscala, quand es pas lo quite ministre, çò primièr que lo far per son compte. Ont un fum d'elegits de drecha e d'esquèrra s' emplen(èron) (an?) (aràn?) las pòchas ambe l'argent public o privat ( darrièr escandal l' argent de las escotissons de la caissa patronala de la metallurgia) ) veire encara l ' afar de las fregatas de Taiwan , la de l'Aràbia Saodita, la del jos-marin del Paquistan e tant d'autres . Solide qu'avèm una constitucion que cal pas cambiar d'un pet, que cada elegit s'i pòt trobar una bona retirada e d'ajudas de totas menas.
Democracia locala: al nivèl local lo conse es quitament lo papa del POS . Betuma tot sol, coma vòl quand vòl. Es que podèm votar ?, parlar dels projèctes? de l'usatge de l'argent? De la causida ? ... Que non.
Al nivèl «societal» l'estatistic mòstra qu'una femna es violentada cada ora , una tuada cada dos jorns e son salari quand trabalha , «quitament dins los trabalhs de mèrda» es de vingt % de mens que lo de l'òme.
Remembrem nos consí la drecha es majoritària dins lo «pais» al subjècte de la pena de mòrt, o del maridatge omo...
Escòla : França es al mitan del tablèu .
Preson: França es en bas del tablèu
Caumatge : França es al mitan....
Actes de racisme : Franca es dins lo naut del tablèu...
Respècte de la diversitat de las lengas : chut...
Ministèri de l'interior et policia : politica gaireben « franquista » , caça a l' ETA , caça als ròms , caça a la cara, contraròtles nombroses pels joves , pels arabis , pels negres .
França es pas mai una tèrra d'asil, de libertat, qu'o foguèsse un còp èra? (veire l'arribada dels «espanhòls» mentre la Retirada, italians , poloneses ) . Als estrangièrs , lor agradan melhor Anglatèrra .
Reaccions etnica ? D'un autre costat sem plan forçats de remarcar que dempuèi que fan pas mai petar los ostalses bastits en violacion de la lei , la Corsa se betuma lèu lèu, e mai que mai . ( immòbles prètz + 127%). Cal dire (sens regretar las bombas) que la forma de poder reial e centralisat aplecha plan las combinas de totas menas e ajuda plan los promotors .

Mecanisme de decision politica dins Franca, e madurason democratic o l'atge de la peira talhada: exemple la retirada que los joves nascuts en 1973 poiràn pas partir abans 66 ans passats e qu' ambe 43 annadas d' escotison tocaràn pas la pension plena .A cada decision fondamentala , los sindicats manifèstan. Va plan, aquò's seria democratic ? . Se sem 2 milions, ne'n comptan pas que 500 000 mila, se sem vertadièrament 500 000 aquò's un fracatge... Doncas comptan los pès , lèvan los infiltrats , e divisan per quatre ... E tot aquò fa que n'avèm un confle de marchar per de ren !!!! En seguida i a una declaracion «politica» : lo poder a recebut , escotat , compres,( vocabulari de l'ENA). Qualques còps ditz: es pas dins la carrièra que se fa la lei (Rocard un còp èra, lo paire de la CSG , la talha de la talha) , aquò's pas la carrièra que comanda (Fillon). França es campiona del monde dels debats, de las discutidas , de las parlicadas , de las comissions truca-luna de totas menas. Es la democracia ? Mas demandar als ciutadans, de votar coma en Soïssa , Finlàndia ambe (o sens) internet . Que non, i pensatz pas monsen , seria lo çaganh ...
Ja pron bèl .... Òm vòta un còp cada cinq ans, sus de programas falses , que seràn pas tenguts, que son jamai tenguts....
Causida del nuclear? òm vòta? Que non...I pensatz pas ... Quina idèa!
Lo deute de l'Estat que representa l'argent nòstre, prestat a l'Estat , per las bancas privatisadas (lei Pompidou de 1973) ? Ne parlam? Se'n parla? Ont? Que non. Pas cons nosautres sem una democracia non...
Las darrièras eleccions municipalas mostrèron que lo FN opausat a l'UMP fregava los 50%...
L'occitan mejan vòta de mai en mai del costat del fasciste, del raciste, del xenofòb, quitament ont i a pas cap d' estrangièrs...
L'occitan crei que la democracia es una seguida de protèstas dins la carrièra , entrecopadas, de parliquejadas sens fin, en jos comissions, mas sens poders reals de decisions.
Es ora de dire que deman França risca fòrt de virar fascista, e es ora per maites occitans de sortir de l'alie-nacion istorica que lor fan creire a aquesta democracia de farlabica.... O de creire que l'Euròpa los va tirar d'aquel malpas !!!