vendredi 31 octobre 2014

francificacion massiva o francofonia



Te'n fas pas pichon,
La lenga .... va
se'n va,
Tinda sus las parets
Rebomba dins la posca ,
Coma l'escupit blau.
D'un cistercian
O suls ròcs ,
Sul sable,
que s'amolona ,
Coma los sègles
de la musica sorna
d'un cant escanat .
Als trastes vièlhs
dels quècs
Dins sa negror
De lenga plegada
Dins son linçòl
Roge e jauna
Ambe lo gèl
Per flaçada
E son paratge passit
Per salvar son anma .
S'adormis
Quora me remembri,
la crida dels aujòls.
que la parlava
de longa
a Marvejòls.

mardi 14 octobre 2014

Murèth 1213 batalha o chapla ....





Lo 18 Octòbre 2013 a 2 oras al pargue Clement Ader debutarà la passejada occitana : Murèth 1213 Batalha o Chapla?



Murèth e los 13 punts principals de la cavalcada falorda de S de Monfòrti 




Vos convidem dissabte 18 octobre que ven a una passejada occitana dins Murèth.
La tòca serà d' ensajar de comprendre consí una batalha qu'opausèt 4000 cavalièrs e 20000 pedons lo 12 de setembre 1213 poguèt far mai de 15000 mòrts costat aligats , e sonque à pro pena 8 costat crosats (segon las sorgas multiplas)? Un detalh que sembla pas interessar degun! E que metèt ailas, Murèth al nivèl de Besièrs al nivèl dels masèls bèls de l'istòria de Franca qu'en manca pas, pr'aquò.
L'idèa de la passejada m'es venguda de la lectura de mantunes libres , mas subretot de dos principals lo J Anglade e l'autre de Martin Alvira e encara de mantunas recercas a bicicleta per ensajar de comprendre consí s'èra poscut passat aquel chapla .
La marcha es bastida a despart dels elements comuns establits pels cronicaires de l'epòca, Vaux de Cernay per exemple , e de segur ambe la Cançon de la Crosada .
Vos convidi al pargue Clement Ader a 2 oras de la vesprada per seguir lo camin de Simon de Monfort es a dire lo vial vergonhós que travèrsava los paluds un còp èra, e que permetèt als crosats de tuar lo rei Peyre II per susprèsa .
Foguèt la victòria pels òmes que lor agradava melhor de morir puslèu que de viure paures, un crimi que marca la davalada de la cavalariá franchimanda e la debuta de la guèrra cinica .
Aital Innocent III causiguèt los capetians e creèt Franca, (puslèu que Peyre II) qu'èra pas, davant la crosada qu'un traça de pais estequit , grand coma dos departaments , e son rei Felip un bracejaire usurpador , que sos vassals escotavan pas mai qu'un espaurugal, dempuèi bèl temps.


Remarca : metre de bonas cauçaduras e prendre d'aiga (o de vin) per far 5 o 6 qm.


samedi 11 octobre 2014

Sicili mon amor

Al cap de la Sicili dire que la natura es polida , revèrta un pleonasma, que a l'entorn de l'Etna pareis subrebèla, mas quora vesèm la natura pròcha e Lipari o dels Nebrodis , podèm pas que se mesura l' astrada d'èstre ailà a se miralhar , la mar la montanha per se , coma se d'un còp d'ala o d'uèlh nosautres òmes garrèls , podiam nos trasportar als sègles passats, per mesurar la belesa dels temps passats e presents .
Que nos portèt lo monde modèrna e las innovacions?
La question s 'amerita d'èstre pausada.

L'òme antica sapchèt utilisar la natura , la mar, los volcans per se sarrar del miracle de la vida .
Sabi que nos en portarà de mens en mens .
Coma se la societat modèrna nos avia donada còp sèc lo fins fons de sa pensada.
Que ne demòra pas res pus a donar a vistalhar , a devinhar , coma se lo sac s'èra estat tarit.
E que demòra pas res pus .



Que sabi que los joves se pausan pas gaire aquela mena de questions .