mercredi 22 juillet 2015

Intelligence estrategica franchimanda

Intelligencia estrategica e retorn a la peira talhada . La debuta de la fin 

Las causidas estrategicas dels nòstres governaments (de drecha coma d'esquèrra) pausan de mai en mai de questions e de problèmas , çò que pòt far pensar que sèm menats per un tropelon d' ases que siague de monde d' ENA o de Sciéncias PO, cò melhor una brava còla d'innocents .

  • retorn dins l'OTAN e escorsa ambe los angleses per èsser lo preferit ( lo chocho), dels americans). Ambe la creacion d'unes embolhs creissents dins lo monde musulman ( e endacòm mai) . Los saberuts de l'intelligéncia estrategica americana an decidits de tuar los dictators d'Irak , Afganistan, Libia , Siria, Egipte , ambe la brava capitada que coneissèm . Mas es pas volgut?
  • Òsca de voler caçar lo dictator dins lo monde òsca , la caça es dubèrta , mas consí creire qu'aquò's per installar la democracia, cal èsser nèci per o creire , coma se las petrò-monarquiasarabas , Arabia Saodita primièra o per exemple lo Pakistan èran de democracias . Doncas, es evident que totas aquelas accions militaras an pas per tòca de contribuir a la democracia dins lo paure monde... Òm se poiriá pensarque s'agís quitament del contrari , sufís de se remembrar la posicion de nòstre governament a la debuta de la guèrra civila a Damas , que pausa fòrça questions, se vegèt clarament que lo monde «liure» daissava los joves partir a boldre per la Siria ( que se parlèt quitament de brigadas internacionalas, un matin , sus FrancaCultura) e qu'an mes fòrça temps per comprendre qu'aquel baston merdós , anàvem lo prendre pel morre . Aquò's pas acabat Charlie.
  • segonda intelligéncia estrategica la gaireben guèrra dirècta ambe Assad que França se trobèt sul punt de far tota sola coma una granda , vist que los angleses ( que son una democracia) votèron contra a las «Comunas» , e vist e que subran los americans arrestèron los preparatius. Cò que provèt al passatge e un còp de mai que Franca serà pas jamai qu'un ritonas garrèl, al nivèl del coble anglo - saxon.
  • tresena intelligéncia estrategica que non comptant de fotre lo çaganh dins Libia , ambe los resultats qu'avèm uèi , refugiats de tot costat de la mediterranèa , e atemptats dins Africa del nòrd, França partiguèt far la guèrra per «salvar» lo Mali e afortir la democracia, causa qu'arribèt jamai mentre tres sègles d'esclavatge , un sègle d ' AOF, e un sègle d' imperialisme de Franca-Africa e qu'òm vei mal consí se poiriá endevenir un jorn ambe aquela «ajuda». Encara un còp e totes o sabèm , s'agís d' aparar los « nòstres jaçs , de petròli, d' urani , de matièras primièras....
  • quatrena intelligéncia estrategica prigonda : França vend d'armas de pertot , de mistrals e de rafales per exemple , mas d'unes an pas lo drech de se'n servir? Curios . Donc França deuriá puslèu fabricar de jogals en plastic .
  • cinquena intelligéncia estrategica: Fabius se mostrèt lo pus dur ambe l'IRAN mentre las negociacions sul nuclear ( un vertadièr Bush o Netanyaou o gaireben) e ara anòncia qu' espèra anar a Teheran per trapar de mercats chucós dins l' autò , lo petròli ece?????
  • seisena intelligéncia subre naturala de la pensada economica franchimanda : es al moment ont lo monde se prepara a l'escaufament climatic que França daissa tomba las turbinas a gas d'Alsthom, las de fòrtas poténcias , un sector estrategic justament, que serà l'avenidor energetica de la planeta ( vist qu'i a pas que doas entrepresas que las pòdon e sabon fabricar : Siemens e General Electric . De notar que d'aquel temps los canadians e los americans pausan de pipes lines, de pertot per vendre lo gas de sistre , que poirit l'aire, l'aiga e la tèrra , pròva que se'n chautan del rescaufament e de la pollucion coma de sa primièra camiseta !!!
  • setena idèa esbrilhaudenta : punir Russia ambe la resulta qu'avèm pels agicultors e noiridièrs de l' «etzagòna» . A mai solide que la carn , lo lach de Romania , o lo polet de Polonha es mens car pels ipermercats , que lo còst de la man d'òbra es mens car. Fin finala pels saberuts de l'ENA e de Sciencas Po , l'UE dels «pòbles solidaris» e colhonats ( una pensada per Grècia) es çò melhor per crear de caumatge e far baissar la paga dels trabalhadors de l' oèst .... Sonan tot aquò la globalisacion , la mondialisacion o las leis del mercat
  • ochena asenada esperar que Grècia pòsca un jorn remborsar lo deute! O farà pas , o pòt pas , pas mai que nosautres , qu'avèm 20000 euròs per cada estatjant sus l'esquina ( per pas dire al cuol) e que caldrà pagar un jorn venent . La volètz pagar vosautres?
Parlarai pas de l'arrèst de l'avion del president Bolivian, quora creguèt lo Fabius d' arrestar Snowden ... Una escòrna e una vergonha!

Dusca uèi podiam creire qu'un còp perduda l'industria, nos demorariá l'agricultura e ben non sèm en passa de tornar a la pèira talhada , benlèu a las pinturas sus la peira , dins las cavas, mas es que serem competitors ? E tot aquò mercés a l'ENA e als saberuts de la pensada economica parisenca.

vendredi 17 juillet 2015

Luna blosa



Encara un ser ,
o luna blosa
Ta doça flamba 
amistadosa
Velha dins l'òrt 
enfestolit
Subre mon raisve
Atendresit...

A se podiam
ma miga aimada
capvirar
nòstra destinada,
se nòstre amor 
èra pron fòrt
per vencir 
lo mal e la mòrt....
 

Calelhon

mercredi 8 juillet 2015

etrennes d'orphelins revirada

Estrenas d'orfanèls.    A Rimbaud


La cambra es plena d'ombra ; s' aus sordament
de dos enfants sorns e doçs, lo mormolh
Lor front se clina , encara pesuc del sòmi
Jos lo long ridèl blanc que fremís e se lèva...
-Defòra los aucèls se sarran fregelucs;
Lor ala ven pesuga jos lo ton del cèl gris ;
E la novèla annada , neblosa sus l' asuèlh
Daissa rabalar los plecs de sa rauba nevosa,
 Ritz ambe de plors e canta en tremolant...
II
Mas los nenons jos lo ridèl fremissent
Parlan bas, coma se fa dins la nuèch escura.
Escotan , pensatius, coma un luenchenc mormolh...
Tresfolan  sovent de la clara votz d' aur
Al resson matinièr que tinda tinda encara 
Son repic metallica dins son glòb de veire...
-Puèi la cambra ven gelada... se vei sul ponde,
escampat al l'entorn dels lièchs, de vestidas de dòl:
L'aspra bisa d' ivèrn, que gingola al sulhet
Empudentís l'ostal de son alena trista!
Òm solfina sul pic que lor manca quicòm...
- se vei pas cap de maire pels nenons,
De maire al fresc sorire, als agaches triomfants?
A oblidat , lo ser , sola e corbada,
D' atisar la flamba del caliu arrengat;
D' amolonar sus elses de lana e de plumon
Davant de los daissar en lor cridant: perdon.
A pas previst la gelada aubanièra,
Ni plan clavat lo sulhet sus la bisa ivernenca?...
-Lo sòmi mairal, aquò's lo suau ostal,
Aquò's lo niu mofla ont los dròlles acaptats,
Coma d' aucèls polits que brèçan las brancas,
Dormisson lor doç sòmi plen de visions blancas!...
- E ailàs - es coma un niu sens plumas, sens calor,
ont los nenons an fresc, non se dòrmon , an paur;
Del niu que deu aver gelat la bisas amara...

revirada Manjacostel 


vendredi 3 juillet 2015

lo ritonas encadenat e las lengas de Franca

LO RITONAS ENCADENAT E LAS LENGAS DE FRANCA.
 Solide qu'aquel rit es un ase!

Mas ajatz pas paur , l'occitan i es pas, parla pas de nosautres , parla que dels autres ambe lor paura lenga "regionala" .