dimanche 20 septembre 2015

Lo poder mediatic




Marine le Pen  aima lo cambajon e vos? Òc ? Alara paure duganèl,   sètz FN!

Lo poder mediatica es lo sol poder  que demòra diguèt M Onfray . Cresi qu'a rason.
Lo poder mediatica me dona lo tornis , aquò's el que nos dona çò que nos cal retenir , estudiar e d'aquesta passa ,  ai de mal a sègre . Lo poder mediatica es representat per un cinquantenat                d' editorialistas, que son totes per las leis del mercat , es a dire las leis del pus fòrt , es a dire l' instint reptilian o encara autrament dich : las leis del rainal dins lo galinièr.
Aquí l'avètz lo mescladís.
I aguèt Ucraïna puèi Kobané puèi Daech puèi lo MH 370 puèi lo MH 17 puèi un boçin d'avion que se passeja , per «aterrir» fin finala sus una plaja de la Reünion, puèi l' eveniment ; lo despart de Ferrari de TF1, puèi la mòrt de l'enfant sonat Ayan , après 10000 negats dins la mediterranèa e a viste de nas quicòm coma cinq cents enfants e dròlles negats tot parièr , ( perqué Ayam? una fotografia tracha d'una videò ?) puèi lo tsunami uman ; 300000 sirians , iraquians, afgans, eritreans , libians, malians, sudsoudanés, nòrdsodanés, mai los sirians e d'autres son jà 2 milions al Liban e 2 milions dins Turquia , e puèi l ' Angela Merkel dubrís los braces, coma una vertadièra Santa Verge, mentre que França, Anglatèrra , Italia , Espanha, Portugal, Polonha , paises balticas , Eslovaquia , Ongria, Bulgaria ne'n vòlon pas , puèi l' Angelassa barra la pòrta e òc ben la fèsta es acabada , la recreança es finida. Pel còp los refugiats s' amolonan dins Cròatia puèi Slòvenia e de pertot des fials d'aram se debanan , de parets se quilhan , l'armada e la polícia començan las distribucions a gratis de butals . Es polida aquela Euròpa del capital e de l'espandi Swhingenn . Puèi lo poder mediatica nos torna empegar Tsipras e sas eleccions, per far votar los grècs un còp de mai ( pel cas qu'auriam pas encara compres los paurons ) e lor far engolar la tisana amara de l'UE e de las bancas , notatz que lo Sarko se faguèt pas tant cagar per signar lo tracta de Lisbòna que los occitans veniam de renegar (ambe los franceses) . Dempuèi ai empegat la una de Paris Match , sabètz la ambe Nicolas e François contents coma de cimes dins un lièch, braçes dessús dejós, al dessús de la fotografia dedicada d'Al Capòne. La cambra revèrta una capèla !
França va recaptar 24000 migrants en dos ans siá 12000 per an, siá 1000 per mes, siá 10 per despartament ! Un esfòrç qu'es pas de creire! Consí èsser pus braves ?
On est les champions on est les champions , e França es tèrra d' asil.
Cò que vòl dire que los nòstres òmes politics son bons per l' asil òc.
Ieu aima la secu mas Marine l'aima tanben , e lo te poirai pas dire sens passar per FN . Ambe lo poder mediatic parisenc ai paur que Marine aima la salsissa o los tripons d'Aguessac d'un còp èra .
Aquí resumit lo problèma de l'intellectual francés e tot còp occitan en fàcia del poder mediatic reptilian e o cal dire cagolard.
Es temps de se tirar de l'eurò e de l'UE que Marine o diga o pas !
Aquò's lo meu det menut qu'o ditz! 
Oblidavi quicòm de solide : Marine aima pas Occitània   , alara podètz l'aimar en tota securitat, luènh  del poder mediatica francimand!



jeudi 10 septembre 2015

tren de nuèch

Sovenirs .

Ai al còr lo remembre del meu pais carit,
Al cap la nafradura de los que sont partits,
Nècis , qu'anavi tal la pluma dançaire
als quatre vents renós, d'un sòrt de rabalaire .
E al pitre lo dòl prigond d'un cai de gara.
Ont beguèrem un pegal de lagremas amaras .
Quora las ròdas craïnan e tindan son resson
Te cal claure ton arma al fons de sa preson
Qualques còps per montar te calguèt una ajuda
de tant qu'a galet chucava d'aiga borruda.
Cantar de cants gorrins, manjar, e vomir.
Pietat, brama : es pas ora , vòli pas partir .
Sie te al corredor que dona sus la nuèch.
Aici o la , tira auràs pas d'autra lièch.
Cridas :
Mas m'aurètz pas , vos de la vida d'esclau .
Ai estalviat d' odors , de rires, de sovenirs.
Que n'avètz pas idèa mossur, per m'afortir
Non es pas ora encara ! es pas temps de l'oblit
T'en faguès pas pichon , es comprès es en quit
.. pas oblidar la trocha dins l'aiga viva
Subretot servar lo remembre de la mofa mosta
Soven te de somiar dels castèls de ròcs perduts.
Butar la pauna , ambe los amics sus l'èrba rasa.
Vei las carrièras son plenas , deman serà la fèsta
I a Dede , La Zize , Checs , ...
A l'alba, lo vièlh davalarà ambe son cluèch sus ..
Chut …... Cridas :

Demandatz las nòvas del pais , qual vòl las nòvas ?
Puèi te caldrà te passar la setmana laguiosa .
Lo còs plegat del puditge del metropolitan, .
Que venga lo divendres e lo monde occitan.
Parlar d''Occitania sens conéisser l'exilh ?
Sens sentir lo bigòs te furgar  l'emonilh
Bel temps i a que nasquèt una dolor capuda !!!!
La m'an raubada , pecaire, l'ai pas pus coneguda ,
Quora i soi tornat un còp, dins Occitania , a Tolosa...
desapareguda la que m'avià breçat , la malaürosa .

Ara cridas dins lo metrò ? non..... begam al miègjorn  :
Sem la republica dels dreches de l'òme … de las coconhètas qué |
Sem universals ….coma la sal .
Anatz m'escotar a la fin !
Sem egals , frairenals , liberals …. dins lo sarrabastal general
Visca França de Lille a Tam'rasset …. via Djiboti.... farra .
Torna me lo pinton siouplet... Ambe una palha . E òc lo coneissètz La Palha ? lo brava de Vilafranca , òc lo companh de Joan Petit . Sus la ròda que li petèron los òsses totes e òc , cric crac los dets tanben. Lo det menudèl tanben ... e òc
Los autres : . sèm los campions, sèm los campions sèèèèm los campions ….....de la masturbacion....

Bon qu'es pas tot … que còl ònò ….........mólze ….......'que tot va pla planet … estacion « Chatelet » deman nos veirem a « Michelet » …. Vos pagarài un còp.....E vos dirai un pais que vòl viure. Es pas de ieu

af lo 10 de setembre