occitanissima

Al pòble grèc Òc pòble grèc, te faràn pagar ta resisténcia, Ton front , ta dignitat, e van te matar... Coma o faràn pels serbes, e autres renegaires; Coma o faràn pas als croatas, als eslovèns Los amics de 40, que lo german se remembra . Ara faràn pagar al roman , a l' eslovaca . Al nom de la lei del papa german tanben. Que sem catolics e barbars a l'oest. Coma pagaràn bulgaras e pòbles esclaus. E França la republica dels dreches de l'òme De las femnas , e dels conilhons ,  Franca Que se'n chauta dempuèi de sègles, de la libertat De l'egalitat e de la fraternitat , França se calara dins son vomit , per un pauc de moneda ! Coma Paris se calèt en 1940, al temps de J Molin. En cridant sa colèra dempuèi London. E sens jamai renegar sa collaboracion  La libertat es pas mai exagonala,fa bel briu.  O foguèsse un sol jorn? Nos demòra la vergonha.  

Paul Gayraud- GAI SABER No 515 Un escrivan sus la Talvera de Domenja Blanchard. E l'impossibilitat (o lo malastre) per trobar de libres d'el (e de totes los autres) , que se'n parla dins Lo Gai Saber o dins la revista Òc . Que ne'n parlèt Domenja Blanchard de Paul Gayraud, Gai Saber . Plan polidament. E que l' Ives Roqueta ne'n parlèt tanben coma d'un grand escrivan desconegut , dins un article de la revista Òc . dins lo Coma m'agradan los tres libres que desnisèron del severagòl. Per las Colonas de Tarn, Riqueta , Lo segond libre del Causse. Aquò's tot . Ambe Domenja sabi que n' escriguèt d'autres , mas ont son? O nos dirà Domenja? Que, mantuns còps, reconeissi dins sas escrichas , los mots qu'ausiguèri un còp èra , al meu país, quand tota la tropelada d'enfants sabián quitament pas que s'agissiá de lenga occitana. E que bramavan per las carrièras mitat francés, mitat « patés ». ( escampa, agacha,...