Articles

Affichage des articles du décembre, 2008

GAZA

Image
Quna vergonha pel pòble Josièu... Elegit que se disia mas per de que far? Aprèp çò que visquèt dins Alemanha... Quna amnesia! Aquò's una malediccion umana , que cap de pòble aprendrà res, jamai, tre que se trobara entre las termièras d'un estat. possibilitats? Lo sinhe d'un cambiament de la politica US, per metre Obama dabant lo fach de la guèrra ambe lo hamas ? E cercar jà a entemenar la guèrra de l'Iran? Veirem ben . De tot biais pels paures : la realitat de l'aparteid.

TGV

TGV T'es givré. Aquesta videò es dedicada a totes los amoros de la celeritat. Qu'aici en Miètjorn Pirenèus , venon los elegits de votar de montanhas d'argent, alara qu'aici, los trens avançan pas gaire, e, que las garas clavan e las linhas segondarias tanben. A totes bona annada e subretot bona santa e visca la Provença. E los provençaus . Cliquatz çai jos. Non al TGV

La crisi e l'adicion pleti

Image
Lo provèrbi del jorn : A bon amassaire, bon escampaire. Aquò pel filh qu'eirita de la fortuna del paire. Una question , una sola: qual aprofiècharà de la crisi en 2009? S'avètz trobat qual profiècha del crimi avètz tot comprès. Bonna annada , bona santat e que 2009 vos dona a mai tot çò qu'esperètz.

Riqueta de Pau Gayraud

Image
lo proverbi del jorn: Ben es vertat çò que l'òm dis, qu'en tot temps, favor vau argent. A esquerra una pintradura dins lo biais de Vermeer. Las cabilhas m'uflan pas mas non.... Trach del libre de Pau Gayraud , RIQUETA o lo vièlh estofegaire. Quna ora podia èstre? Saique doas e mièja o tres del subrejorn. Lo solelh d'agost cremava tot pel causse . Per l'ostal del Monsur, s'ausissia pas res; degus bolegavapas. Lo crane cavalièr del polit pial s'èra recaptat dins sa cambra e legissia. las damas , que s'endevenian plan- Isabelòta e sa bela maire-aplèchavan , afustavan qualque trabalh de cordura fina, dins lo membre del despartin que disia salon. Joan legissia una "Oraison Funèbre". La majestat d'aquèla pròsa! L'avia chucada tantes de còps que, gaireben, l'auria poscuda recitar tota. Lo nòstre Polit-Pial ausiqqia la votz poderosaque, sens forçar, emplissia la Gleisa Granda tota. Dos uèlhs jovenons agachavan lo Monsur , lo dieus. La sir

occitan en linha e reviradas

Image
lo proverbis del jorn. Que de res non se mescla , de tot a pausa. Me cal tornar sus las possibilitats meravilhosas òfertas per traductor creat, merce de la Generalita de Catalònha , que ne'n parlèt dins la darrièra La Setmana. Aital aquò's possible de donar un exemple rapide. Per exemple podem dire auèi sens nos enganar que : lo capitalisme ven de far la pròva de sa superioritat sus totes los autres sistèmes , e que la lei del mercat ajustat a la mondialisacion , son los melhors sistèms economics que se podon veire. Merce d'el, dos miles miliards de dollars venon de partir dins las nivols e 2009 sera l'annada de las patanas. Version catalana Així allò's possible de donar un exemple rapide . Per exemple podem dir auèi sense enganyar-nos que : el capitalisme ven de fer la prova de la seva superioritat sobre tots els altres sistèmes , i que la llei del mercat ajustat a la mondialisacion , són els millors sistèms econòmics que es podon veure. Merce

traduccions e reviradas

Image
Lo provèrbi del jorn: Es d'avis del rainal , que cadun joga son afar. çò que semblarà de voler dire : que cadun se patafiòla. Se pòd legir dins la Setmana que seria possible , de trapar las traduccions automatiques de las paginas WEB d'occitan , dins catalan , occitan aranès, o castilhan. Ai ensatjat d'o far mas , en dintrant los codes html , coma aconsèlha google, de la mesa en paginas, dins lo tablèu de bòrd . Aquò marcha pas que te far espetar la présentacion , et se'n retrova de pertot , tot mesclat. Que lo siti consèlha de dintrar lo code al nivèl de la pagina html, çò que crenhi de far , vist que soi un pauc josdevelopat de l'informatica. Alara se i a un saberut dins aquel trabalh informatica , que sab consi far ,rendra un polid servici als blogaires occitanistes en nos assabentant. Pel siti offèrt per la generalita de Catalònha clicar cai sus aqui : Merce milanta còps per las entresenhas.

cosmocritica

Image
Lo provèrbi del jorn: Que cren lo baston , n'a que lo baston per mèstre. Un bon libre de legir ; que la cosmocritica de R Lafont. Consi las babaròtas èran aqui dabant nosautres, e, consi demoraran aprèp. L'evocacion de la vida d'un cèrt  Paponet pintorèsca, que passèt una brava partida de la vida en prison , dabant de morir dins l'espital psiciatric, e la de Papon plan renomada mas mal coneguda. Un òme que daissèt darrièr el una vertadièra e prigonda ribièira de sang. E qu'escapèt (miraclosament ?)al jutjament dels òmes , qual poira dire per de que ?  L'explicacion sus la causida de Buch que  sembla mai polida que la del vertadièr rei del Texas. Per la simple rason qu'èra lo mai bèstiasson  de totes. A mai que son 151 paginas que s'engolan d'un còp, ambe plaser.

ort

Image
Une femna pel ’òrt se passèja, l’ombrela sus l’espatla Agacha las flors , que parlan de son raisve d’amor ; La vida raja de contunh , lo temps de mud ven sord Entre las parets, que butan a totun sa pena e sa nolor, Da vegadas la vila gaita a la fenèstra , dins l’escurina . Passa la bèla estrangièra, emantelada de desèsper. Al revers de sa marcha , semena los jorns polits ; De sovenirs luenhtans ; fals dels temps enfugits. Entre que la Tèrra dubris sas plagas, son calici blau ; Per qu’ela s'i venga beura, la patz desconeguda. Qualquas gotas de mèlh , mescladas de solèlh. Que fan grèlhar amont , lhauçes, e arcanèls . Qu’amaduran los cants d’un poème novèl.

L'UMP e lo PMU

Image
Lo provèrbis del jorn: Demanda a Matièu qu'es pus mentur que ièu. Fa gaire avem vist lo çaganh del PS per se trobar un capmèstre. Puslèu una cap-mestrèssa, que ganhèt ambe 42 votz d'abança, çò que revertava la batalha de negres dins un tunèl, o a la loteria nacionala. La cap mestressa elegida qu'es a pron pena d'esquèrra , que lo Bayrou cren de se far doblar a drècha. Au mens sem segur que farem pas res d'autre. Mas avem agut la sentida que quicm de l'eleccion d'OBAMA avia passat la mar... E ben , a drècha , fan pas tant de manièras. Uèi i aguèt pas tant d'istòria al Partit dels Menturs Units. Lo PMU o en englès, se preferètz, qu'es de moda , l'UMP. Lo president de la França e de la television, es a dire de França-television , ven de nomenar Xavier. E que totes los empeites del parti del PMU , an dich qu'èran una brava decision, que se podia pas pensar milhor. E tu maluros que cerca un pauc de démocracia , passa ton camin. Cò qu'ambe

Mirgas e Mascles

Image
Lo provèrbi del jorn: Luna mercruda, femna barbuda, de cent ans en cent ans, n'i a tròp d'una . Of Mices and Men o Mirgas e mascles -de que faguèt a Weed?demandèt Slim -ben , vejèt una una drolessa ambe una rauba roja . Lo colhardas, vòl tocar çò que li agrada . Vòl pas sonque que tocar. Alara , para la man per tastar la rauba roja, e la jova de gular, e Lennie que compren pas ges , e s'acranca que li ven pas l'idèa de far quicòm d'autre. Alara la jova gula , gula. Eri pas luenh , e ausissiai totes aquelses crids, amai m'aduguèt pro lèu, e Lennie èra tant espaurugat , que tot çò qu'i podia far , èra de s'acrencar. Li fotèt un còp sul cap, ambe un paissèl de barrièra, per lo far quitar. Tant èra esglasiat, que podia pas daissar la rauba. E puèi , saps, es tant fòrt. Slim sens ussar, agachava dabant el. Boleguèt doçament la clòsca. -e alara de que venguèt? Jòrdi sonhosament alinhèt una novèla rengada de cartas. -Ben la drolessa se'n va contar

Mirages e Mascles

Image
La votz de Jòrdi venguèt amudida. -m'en vau vos dire per de que quitèri d'o far. Un jorn , òm èran un molon de tipes a l'abroa del Sacramentò. Me sentiai aluserpit per far de cracas. Me viri a Lennie e li disi :" sauta" . E el sautèt . E savia pas nadar una braça. Un pauc mai e se negava abant que que poguèssem lo trapar. E que foguèt tant amistos ambe ièu, per que l'aviai sauvat . Oblidèt complètament qu'èri ièu que li diguèt de sautar . Bon qu'aprèp aquò i tornèri pasjamai. -Aquò's un brave tipe diguèt Slim. I a pas besonh de cervèla per èstre un brave tipe. Qualques còps me pareis qu'aquò's lo contrari. Prenètz un tipe vertadièrament rusat , e aquò's rare que sia un brave tipe. Jòrdi amassèt las cartas escampilhadas e entamenèt una reussida nòva. Defòra , los fèrres butavan sul sòl ambe un bruch sord. A las fenèstras , lo calabrun pausava encara de carrats lumenos. -Teni pas de familha , diguèt Jòrdi. Vejèri d'unes tipes que v