Mirgas e Mascles

Lo provèrbi del jorn:
Luna mercruda, femna barbuda, de cent ans en cent ans, n'i a tròp d'una.

Of Mices and Men
o
Mirgas e mascles

-de que faguèt a Weed?demandèt Slim
-ben , vejèt una una drolessa ambe una rauba roja . Lo colhardas, vòl tocar çò que li agrada . Vòl pas sonque que tocar. Alara , para la man per tastar la rauba roja, e la jova de gular, e Lennie que compren pas ges , e s'acranca que li ven pas l'idèa de far quicòm d'autre. Alara la jova gula , gula. Eri pas luenh , e ausissiai totes aquelses crids, amai m'aduguèt pro lèu, e Lennie èra tant espaurugat , que tot çò qu'i podia far , èra de s'acrencar.
Li fotèt un còp sul cap, ambe un paissèl de barrièra, per lo far quitar. Tant èra esglasiat, que podia pas daissar la rauba. E puèi , saps, es tant fòrt.
Slim sens ussar, agachava dabant el. Boleguèt doçament la clòsca.
-e alara de que venguèt?
Jòrdi sonhosament alinhèt una novèla rengada de cartas.
-Ben la drolessa se'n va contar a la policia, que venia d'èstre violentada. Los tipes de Weed permejan per una sortida, per linchar Lennie. Alara , deguèrem demorar acoconats tota la jornada, jos l'aiga d'un besal. Aviam pas que lo cap defòra de l'aiga, e jos las èrbas de cada costat del valat . E tre la nuèch nos n'en anèrem.
Slim demorèt un brave moment silencios.
-faguèt pas de mal a aquesta femna, alara ? demandèt a la fin.
-e fotre non. Li faguèt paur, aquò's tot. Auriai paur ièu tanben, se me pausava la man çai sus. Mas li faguèt pas cap mal. Volia sonque de tocar la rauba roja, çò misme coma, quand vòl de longa alisar los canhòts .
-es pas missant, diguèt Slim. Un tipe qu'es missant , lo nifli a un mille de luenh.
- solide qu'es pas missant e , faria tot çò que ...
Lennie passèt la pòrta. Portava la vesta de cotil blava, pausada sus l'espatla, coma una capa, e marchava clinat en dabant.
-Alara, Lennie , diguèt Jòrdi. L'aimas lo canhoton?
Lennie diguèt ofegat:
-es brun e blanc, çò juste que volontavi.
Sens mai esperar, s'aduguèt al lièch, e se jaguèt facia a la paret , los genolhs levats.
Jòrdi d'un geste plan resolgut, pausèt las cartas.
-Lennie diguèt frescament.
Lennie torciguèt lo còl e fintèt çai sus l'espatla.
-oc de que vòls?
-t'o diguèri jà que calia pas menar lo can aici.
-quun can Jòrdi? Teni cap de can.