occitanissima

Per que la Tèrra es l'infèrn? Degun o pòd pas dire. Vertat que la Tèrra es asaigada per la sang , de monde , qu'èra pas gaire pus missant que nosautres. Dieus , o los diables cambièron la Tèrra en infèrn. Per de que? Degun sab pas o dire. E la Tèrra s'acaprissa de cambiar l'òme en bèstia e l'aiga en sang. Mas qual es lo copabla?Mostrar lo copabla qu'es Dius. Mas non qu'aquò's pas possible Dius vòl que la Tèrra sia cambiada en flumes de sang. E lo diable l'ajuda. Mas quand quitarran lors religions de guèrra? Maria agacha lo cèl. Maria prèga Dius e Maria espèra que la sang s'estorirà sus la Tèrra. E ièu qu'agachi Maria ; me disi qu'es tròp bèla Maria e que l'aimi entre qu'ela espera un sinhe dins las nivols. .

Una segonda trantolha; A l'ocean d'eternitat, Estorrida la vida. Atudats los crids, Que venga l'aurassa, Lo tròn, la granissa. Per las bocas mudas, E plenas de bolhaca. De sang? de vomit? De viure sens esper. Dins l'èr empudentit La Tèrra, aquò's l infèrn? Ensanhosida qu'es, nòstra remembrança... Coma un òrt plen d'oblid. Lo de l'Occitania clavelada?