vendredi 31 août 2007

Mureth 2050




Aici mam' tot va plan. La DDE e l'ostal de la comuna an traçat un shèma director polid, que Mureth coma zo pòd veire a sauput servat sa cara umana...Mas lèu i auria pas cap de DDE pas cap de servicis publics. Tot es per vendre. Gacha ont demòri que te fa coco al passatge.
Sab mam' consi aimi de rimassejar e te doni aquelas floretas , qu'es la prima aici, mèsme se se vei pas cap, levat sus la terrassa del vesin que remedia de longa un paure ramelet de pimparelas, e un traçonèl d'irangèr .
Bon un poton de mai per tu e...escota -me
Quand lo riu cascalèja
Que me mira a la sorga,
D'unes mots occitans bèls
Que lo pipach roge se confle
De son gauch, que de l'uman
s'ausis pus la messorga ,
Sorna e muda de la vanèla,
Que brusis al ras de mon lièch
Me pensi a te maman...
E de las bocas trufarèlas
Pas cap de mots per se brèçar
De paraulas drudas o crudèlas
Qual podria la paur caçar?
D'un geste dòç m'apasimar ,
M'alisar, me portar solaç
Tirar lo lençòl , la flaçada...,
Atudar lo lum avant de t'en anar
Un còp de mai, sorire a la pòrta.
Per se tornar veire deman?
Ont son las armas tant aimadas.
Un vertèlh de las remembranças.
Ont lo temps bel se n'es anat?
Ambe los sovenirs d'enfanças

AGF

Aucun commentaire:

Enregistrer un commentaire