RWANDA

Al Rwanda , una setmana, venguèron nos caçar
Après lo dejunar , coma dins una joga;
Manjavan lo matin a la punta d'alba
E venian nos caçar,coma las bestias.
Dins los bosces...
Mas lo pièger es pas de dire.
Parlavon la nòstra lenga.
E pregavan al meteis Diu.
E praqu'ò manjavan,
Davant de venir...
Elses partissian a la caça de nosautres
Lo Tutsi.
E las femnas udolavan;
E los autres cantavan
E las maires pregavan
Davant de jogar del destral
e los enfants cridavan
de la macheta o del baton.
E Diu comptava los mòrts;
Uèi los criminals parlan...
"Amb la destral cal un còp";
Pels adultes
"Amb la macheta cal tres còps"
per las femnas
"Amb un baston , un drèlh que!"
Cal dètz còps per un enfant.
E Diu comptava los còps.
Aquò faguèt que calguèt ....
Per uèch cent milas mòrts,
....... Un miliard de còps de destral , de machetas de bastons.
Non que sabi ieu...
Dis lo criminal que soris a la camera.
"E comptarem pas los còps de pes".
Los òmes son d'enfants .
Cal ben que s'amuson
Cal passar lo temps.
Los caçats se passava la fanga de las sanhas.
E manjavan coma las bestias...
Entre que los caçaires espintanvan dels clalvèls;
Al cap de sa massuga ?
A punta d'alba aprèp minjar.
Aquò èra la fèsta.
E aquò fa que seissanta annadas après Auchvitz.
Tot tornèt de comencar.
E quand lo preire pietados, dempuèi;
Ven vistalhar sas oèlhas.
E que lor dis que cal s'ameritar lo Paradis.
Elses s'arregardon sens comprendre ;
Qu'an viscut l'infèrn!
Que los subreviudants son tornats!
Que cal ben minjar!
E far grelhar la Tèrra!
E ara son ambe los autres
Totis amassats dins unes vilatges
Los tuaires e las victimas.
Totis ensems ...
Per pregar?
Mas per que?