vendredi 31 août 2007

vous qui restez soyez dignes de nous... Guy Môquet



Aital , lo president de la republica ven de volontar que la darrièra letra (de fach l'avant darrièra) del jove resistant communista fusilhat a Chateaubriand, Guy Môquet siague legida als escolans , lo 23 octobre per la dintrada escolaria . Es aital . Es una bona idèa.
Cal pas oblidar totes los que son mòrts per la libertat.
Mas oblidem pas , que tota l'administracion francèsa de l'epòca , s'aliguèt per arrestar 23 personas en majoritat comunista. Que cal senhalar que pas un còp los alemands se son trachats de se mesclar d'aquesta arrestacion. Es donc e sonque lo poder politic francés jos l'occupacion , que se trachèt d'arrestar , de jutjar e de fusilhar aqueles òmes. De que n'en dis los jacobins centralisaires?. Un Estat centralisaire es forcement etnocidaire.
Cal soslinhar tanben que entre los milièrs de fusilhats , torturats deportats, i avia totas las colors politicas e religiosas. E que lo Guy Môquet luchèt tanben per elses.
Alara de que ne'n sera d'aquela comemoracion ?
Aviudar l'esprit de resistencia? per apelar los joves a luchar contre los poders establits? tre qu'aquelses poders respectan pas pus los drechs de l'òme?
Aviudar l''esprit de desobesissança tre qu'una còla d'òmes pren lo poder per impausar de leis inicas? Per exemple impausar una lenga estrangièra, Non?
Onorar l'esperit de la libertat? Onorar la volontat de viure liure ? Onorar l'esperit de tolerancia? Lo repèct de l'autre? Refusar totas menas de genocides? D'etnocentrismes? Festejar la diversitat umana? Diversitat religiosa? Culturela? l'esprit del sègle de las lums? Los drechs de l'òme? respect de las lengas mairalas? libertat e drech de pensar , d'escriure , de parlar?
Guy Môquet es pas mòrt per la Franca del fric, d'uèi. Se tornava uèi n'en moriria sul pic d'o veire , las condicions de trabalh, la remesa en question de las leis socialas .... Es pas mòrt per festejar lo renha del fric. Es pas mòrt per la Franca, donc mas per l'idèa mai granda que va florir tant e mai dins los discorses sens jamai èstre volontada , que siague per un governament de senestra o de drecha, congrear un mirage, un oasis, en escamotant la luchar vertadièra de l'òme que sera onorat..
La Franca se clavara donc sus son imatge esquizofrenica, son doble lengatga.
Per far cort: Guy Môquet es mòrt per la França, donc per la libertat , donc per lo drech de parlar francés.
Mas nosautres Guy Möquet , nosautres que demoratz , serem dinhes de vosautres." Oui nous qui restons essayons d'être dignes". Avem comprès que nos cal aparar las libertats umanas, e de segur las pels pòbles miegjornals que donèron tant e mai entre la darrièra guèrra de 1939 1945, pel drech pichòt e fondamental de parlar la sia lenga sens amenaçar cap de libertat , levat la dels jacobins de constrenher los autres a asorar lors vièlhas lunas...

Aucun commentaire:

Enregistrer un commentaire