vendredi 7 septembre 2007

copa del monde del rudbi o volem viure al païs


Oc es per vendre . Era ja lo sicut quand Roqueta Ives ne parlèt en 1965 dins una de las rubricas de Viure. R Lafont n'en parlèt tanplan mantuns còps .
Vertat que l'activitat economica de l'Occitania repausa mai que mai sul torisme. Aquò's fòrça intéressant de veire. Quantas de fabricas de totas menas se clavèron dins nòstre miègjorn. Mas a l'epòca Roqueta e Lafont podian comparar ambe una França del nòrd poderosa e rica de totas menas d'industrias.
Me soveni alara que los joves (que n'èri un de brave piotas) devian "montar" trabalhar a Paris , Sochaux; que! cap al nòrd. E nos disian :"cal causir lo solèlh o lo bistèc" "podètz pas tot capitar, mancaria pas qu'aquò; lo burre e l'argent del burre !! . Lo discors èra sostengut per de quitis sindicalistas franchouillards que nos butavan de prendre las "valdòches". Uèi, levat lo torisme , tot es clavat , demòra Tolosa e Airbus, l'industria de Tarbes es jos perfusion, la de l'aluminiòm es decapitada. Lacq existi pas pus , Boussens crèba da passèt. Sufis que de soscar mens d'una segonda per se remebrar de las activitats del sèu vilatge , del sèu ròdol. A cò de mèu i avia unas fabrica de descas partida al Portugal, uns fabricas de tissatge , clavadas, 13 fustalhièrs ne'n demòra tres. Uèi i a l'ostal de retirada!
A Milhau10000 emplegadas pel gant uèi ont son e Castres e Mazamet
Resta donc Airbus mas lo demontatge es entamenat. Deman Cap a la China ,non?
Resta donc le Torisme (cal metre la majuscula) e los services, subretot los de las personas vièlhas,dels retirats eco. Aprèp la prima al matage de las vacas, vaiqui que manquam de lach, aprèp la prima a l'erma vaiqui que manquam de blat. Pels òmes es çò mèsme, aprep la clavada de las escòlas d'infirmièras vaqui que ne'n manquon de personal per sonhar , aprep la prima a l'arencatge de la vinha , de segur que lo vin va nos faltar.
Aici un jove que contunha aprèp lo bac dèu gairben tot còp "montar" a Paris , Londre, ...
Aladonc los poders de drecha e de senestra s'enganan totes sens veire l'avenir , sens lo veire mai que nosautres , mens que nosautres qu'auriam benlèu un demai de sapienca o de necitge . Aviam un sistèma de santat que fa enveja ara als Anglès , un sistèma electric que marchava ambe un qwo lo mens car d'Europa (levat lo norvegian). van tot sacar.
E totes los que cocoriquejavan, dèuron de s'acostumar lèu lèu a la manca de F. Lo F de França va èstre levat de totis los noms d'entrepresas e de totas aquelas menas de servicis publics que semblavan lo ciment de la "nacion" e que ne'n rasseguravan mai d'unes. Aquò's tot un monde que se demesis mai que lèu, que diran los orfanèls , que se son daissar trapar per d'ideals republicans falordièrs , l'egalitat dels drèches e de devers qu'existisson pas pus, s'existissèt un còp.
Aital se verifica la paraula profetica de Lafont , la França tardera pas de monedejar l'Occitania, a l'Euròpa tota. Tot aquò se debana ara. Lo miègjorn bronze cuòls de l'Euròpa, i sèm .
Al revers çò que Lafont e Roqueta avian pas capitat d'amaginar , aquò's qu' ambe la mondialisacion, la França tota seria malauta Renault , Peugeot , Moulinex , la siderurgia esclafada, la construccion navala tot s'en va , e tot es per partir. La seguida de las clavaduras es inacababla...
Es per aquò que cal escotar tornamai escotar Jospin dire un jor que "l'Estat a pas per vodacion de se trachar de la gestion de l'entrepresa. Alara que venia de donar dos milliard de subvencion a Michelin e que meissonava l'annada seguissanta 10000 supression d'emplècs...
Tanben , aital nos demora lo rudbi. La còla occitana va ensatjar d'aparar lo gal françès , coma lo Creòla o far per lo fotebal o l'atletisme, l'ovalie es festejada, mème França Kultur se tracha de rudbi e de corrida , pr' quò sens jamai dire lo mot occitan. D'unes còps dis lo mot Corse , Basc, Catalan , Breton Alsacian, mas Occitan jamai...

Alara es que tot aquò reverta pas un pauc lo darrièr jòc??? Es bon de tornar legir J Bodon.

Aucun commentaire:

Enregistrer un commentaire