samedi 1 septembre 2007

Encara aqueste matin....


França Kultura interwievèt aqueste matin Gibertò Gil lo ministre de la cultura e cantaire mondialament conegut del Brasil.

Coma totjorn , lo jornaliste , que se produsis lo dissabte e que ten un solide accent del Clapas li demandèt , çò que fasia el per aparar la diversitat culturala contra los missants anglò-americans.
Gibertò Gil li respondèt que fasia ren tant que la dicha cultura americana amenaçava pas res , dels interests del seu païs.
Lo jornaliste ne'n demorèt sens votz. Gibertò Gil ajustèt que per el l'accès a la cultura devria èstre a gratis, qu'avia abandonat los dreches de cèrtas cançons sul net, e que la Connectica novèla mancaria pas de metre en ligason l'òme del Gabon e lo del seu païs.
L'autre capitèt pas.
Coma i demandava consi se trachava de las sias minoritats , lo ministre i diguèt que fasia tot son possible per salvar las lengas minoritarias. Que la diversitat culturala èra l'avenir de l'umanitat.
Lo jornaliste bufèt.
Ane , volètz vos rire un pauc, escrivètz li per li parlar de las lengas minoritarias de França, de segur n'a pas cap ausit parlar. ..
L'Alam

Aucun commentaire:

Enregistrer un commentaire