mardi 25 décembre 2007

L'Europa: Albanèses OC . Kurdas NO


Los Balkans se troban balkanisats. Per dire qu'una region es a mand de petar disèm qu'aquel païs se "Balkanisa". Quan èri jove à l'escòla, lo mestre disia que la "balkanisacion" dels Balkans nos trapèt la primièra guèrra mondiala. E vesèm que l'UE qu'a tot comprès nos aprepara la meteissa ensalada. O pel mens una ensalada qu'i reverta mai que mai a una paura ensalada que lo vinagre auria tot rosegat. Una sentida de ja vist coma dison los espsiciatras. Cadun sab que i a d'Albanèses de pertot , que son islamics , sostenguts per aquesta granda amiga del monde occidental que se sona l'Arabia Saodita. I a donc d'Albanèses dins Serbia , , dins Croatia , dins Bosnia , dins Macedoine , dins Montenegro, dins Italia, e benlèu ne'n oblidi. Brèu , anèm veire naisser lèu la granda Albania. Qu'i sem pas opausat o torni dire mas enfin ... Mas compreni pas per que los Serbas , o los Croatas , o los Bulgaras , o los Abkhases per exemple an pas drech a lor granda patria.
Praquò l'Euròpa qu'es la mai bèla bastison de l'esperit cartesian refusa d'autras grandas nacions, Barroso ne'n parla mai d'un còp; lo Grand païs Basca , o la Granda Catalonha capitaran pas d'espelir. Gausarem pas parlar de la granda Occitania.... Que MAM o trobaria falorda , mas que li caldra plan engamar un jorn .
Pel còp vesèm quicòm de polit, de poirit voliai dire: l'UE e l'OTAN foranbandisson un estat Palestinian mas prècha per un estat Kosovar. Encara un còp qu'i soi pas contra. Mas veirètz lèu que la logica , per dire que las enganas s"amolonan.
Donc prècha l'UE per los Albanèses qu'an ja caçat 300 000 Serbas , e 500 000 Ròms, e tuar 4 a 5000 estrangièrs . S'aquò's pas una epuracion etnica consi se sona. Remebrem-nos que l'epuracion etnica foguèt la rason majora de tabaçar los Serbas e de far petar la Iogoslavia. Mas es pas tot...
Me soveni encara que lo Kotchner e los medias fasian pas que nos mostrar los chaplas serbas orres de segur, e inescusablas , mas qu' entre que se debanava lo chapla del Rwanda qu'èra praquò d'una autra mena de tuarias e que faguèt mai d'un million de mòrts.
Contunhem dins la logica.
Après lo 11 septembre de que faguès lo Bush , e ben desclarèt la guèrra a l'Irak e lo fotèl al fuòc e al sang , en dubrissant granda la pòrta al terroristas estremistas . Alara que gaireben totes los terroristas èran nascuts de l'Arabia Saodita. Ara sem sul punt d'aver un governament en tchador dins aqueste paure païs d'Irak, çò que vòl dire que lo Bush volia pas restablir la democracia, dins lo monde arabe , mas al contrari far espelir un governament de religios ? Cò que se passa ara que los Chiitas van lèu prendre lo margua dins Irak ambe la benediccion de l'Arabia Saodita , del USA e de l'UE ; Los petròlièrs Texans an comprès, fa bel temps, que tan val milhor traitar ambe los ayatolahs qu'ambe los poders laicas. Ambe elses lo petròli raja. Los tipes fans la fèsta defòra e quand tornan te metan totis al trabalh.
Noveltat los Turcs , an près la tissa de bombardar los vilatges Kurdas . E degun de dire res. Vertat que Carla Bruni es quicòm de mai d'important.
E tenon l'autorisacion de massacrar un còp de mai. L'autorisacion ven de l'UE dels USA e del OTAN. Se que non se farian tapar sul dèts.
L'UE pòd èstre fièra. Encara un sòci novèl que torna trapar lo temps perduts, que fa de chaplas coma totis los ancians païs de la vielha euròpa a la civilisacion crestiana e umanista. L'UE es dinha de recebre aquel novel fringaire de l'Euròpa: la Turquia va tuar un milion de Kurdas(es la debuta) e pausar la man sus lo pots de petròli de Kirkourk, pel compte e ambe las felicitacions euròpeencas. Lo governament de Bagdad donnèt son accòrdi a n'aquelses bombardaments.
Pròva ailas que los Kurdas son pas prèstes de trapar l'independencia e de tener un jorn lo "GRAND KURDISTAN".
Mas los Kurdas son pas pron cuòls benesits .
Visca la Turquia , Visca l'Euròpa e visca la França de Dunkerk a Vladivostock....
Plan venguda als Albanèses...
Ambe los Turcs i ganhem fòrça...

Aucun commentaire:

Enregistrer un commentaire