PACA la debuta de la fin


Adiussiatz
Auèi i aguèt un debat a l'assemblada nacionala per parlar de l'avenir de la region PACA es a dire de la Costa d'Azur.
Cal vos dire brave mond que dempuèi que lo TGV arriba ambe fòrça celeritat dusca Marselha, e asaiga donc lo demai de la costa entre Marselha e Niça, mas subretot Marsèlha vila craspeca e sauvatga coma dison a las informacions , lor son venguts d'idèas als tecnocratas parisencs.
Aquèste còp an trobat , aqueste ròdol sera vodat al torisme.
Es pas bèla la vida? Qu'una trobalha ! Son intelligents aquelses òmes non!
Ja lo prètz del mestre carrat es montat a 3 a 4 a 5 mila euro lo mèstre carrat . Pareis qu'es pas car, pas pron. Aquò's pas acabat. A mai aquelas cabecas de marselhèsas an pas comprès consi lo ròdol podia èstre bèl. Las calanquas , las mai nautas rocassas al dessus de la mar d'Euròpa, l'aiga blua , vèrda, la pesca , lo cabanon , las grilhadas lo sèr jos las estelas entre mars e octobre. Una natura encara verga , servada umana , merce als estajants, e per los estajants .
Tot aquò va cambiar , dèu cambiar.
Brèu los òmes de la capitala an subran comprès qu'i aviai un paqueton d'argent de trobar aqui.
Gaitatz los arribar. Trufatz vos dels manja-mèrda mème se son vestits coma de ministrons.
Ailas es pas ja escricha la lor victòria dins lo carnet de chècs?

Commentaires

Enregistrer un commentaire

Posts les plus consultés de ce blog

Encara una nuèch

Image
Encara una nuèch  Non sabi quora la foliá se convida a la fèsta, E dança, e se plega dins son polit vestit, Quora arribèt la fugida que ren arrèsta, E qual vira la baudufa del monde enfestolit. Non sabi pas cossí soi vengut fat e mut O quinas votz cantan dins las memòrias ; Una cançon de las paraulas estranhas , Pietat! daissa me estar!, vòli cutar los uèlhs, Tornamai marcharem sus un vial subrebèl . Que lo temps? la nuèch? L'aurassa passaràn Tant que podi sentir tos pialses,me'n chauti . Nos tornarem trobar coma un ser de baleti E ma boca quicharà ta boca tremolanta , Fintarem l'avenir rire, dubrir sos braces saurs, alisarai tas popas de mila rajals d' aur. Dins un òrt mirgalhat negat per l'èrba nauta , Dormirem al mitat dels rebats de diamants, que fa la rosal tre que lo solelh monta. Jos la volta del cèl gauta contra gauta Non sabi quora la malautiá trucarà , O Dieu un còp de
Lire la suite

l'escorsa

Image
L'escorsa es aisida . Sufís de levar una camba après l'autra , de mai en mai docament devèrs la linha d'arribada. Que siás jove , qualques còps una joventa vendrà te donar un poton e un ram de flors. Que siás vièlh e las joventas anaràn devèrs d'autres esportius , de valents de la cuèissas gròssas e muscladas qu'amagan mal lor ereccion perpetuala . Aquò's pas l'escorsa meuna a l'ora d'ara ! Ieu soi un jove vièlh . Una mena de vièlhassonèl que se patafiòla dins una autra categoria. E me fau una escorsa d'una autra sòrta , un pauc especiala , la que farem totes , tira, quitament los joves trionflants que s'arrapan a l'empont, los becassons, sens saupre, ambe lo rire d'aurelha, coma tot se deviá durar mila ans . Vòli parlar de l'escorsa de la vida. Òc deviá plan arribar . Se passèt a la debuta de genièr 2015 , a tossir, a m'escanar , a desalenar en montant pas qu'un estatge, ieu que fins ara montava , o
Lire la suite