Visita a Roma

Los elefants del PS e qualque còps de l'UMP fan un jorn lo viatge de Roma. Aital faguèt Nòstre President. Tre quitada Cecilia, causiguèt Carla e partiguèt per Roma. A oblidavi joguèt un pauc a Disney Word istòria de donar un pauc de gran per modre a la premsa liura e salvatja de nostre pais negat jos los drèches de l'ome jornalisticas de l'escòla de jornalisme UDR RPR UDF UMP presidat ara per TF1 que denonciara jamai pron los mancaments de la democracia....... endacòm mai.
Lo papa un brave òme plan a drecha coma cal ara; li donèt l'absolucion. "Arregarda pas los pecats de ta gleisa mas la fe de tos evesques".
Es pas bèla la vida. La onte de paures maluros se serian faches estripats per aver metut una capòta de ren , a pron pena un buf de pencha de sèrp , la onte lo sòmi de despartir la riquesa del monde un pauc milhor desencadena lo tròn papal, nòstre president arriba , enrodelat de pecat , se clina , pren un pauc de porpra papala e s'en torna blanc coma nèu.
Visca la gleisa que nos crebèt e visca lo president.
Deman a la una : las liberacions d'ostages colombians e lèu la davalda dels camps eliseencs en slip