vendredi 2 mai 2008

Lo 7 de mai . Avètz dich delicat?


Lo 7 de mai , lo governament democratic de la republica occidentala d’un païs liure e ric, Francament elegit per una majoritat de nècis, (subretot al Nord Est), per Enauçar lo poder de crompar, de las Cent Familhas qu’an la tres parts del païs (dempuèi totjorn), en donant cada an 10% de mai als fenhants de la borsa, a començar per una remèsa de 15 milliard d’euròs , que pareis que d’unes an vergonha d’anar al Tresaur Public tocar lor chèc de 50000 veire 100000 euròs que los espèra dempuèi des mèses, trobèt lo dich govèrn que las caissas èran voidas ? Quna malastrada ☻!

Ai envejat ma letra a ma deputada ; en li disent que calia nos aparar ; coma una mena de mil caput e linde de tot mescladis OGM, que ten lo còp dempuèi mai de quinze sègles . Que li cal aparar la diversitat de las semenças, la nòstra deputada, mas qu’o cal far tanben per nos e nòstra lenga : l’occitan…

De 7 de mai donc lo governament Francament (que d'unes dison, mespresent ? messorguièr ? Mas non , mas non), prepausa de se clinar sus una delicata, veire espinosa , mena ponchuda e baston merdos e qualquas còps emoscalhat, e laguiosa, curiosa, estranja, ubuèsca, destimborlada ? es a dire LA question de las lengas regionalas .

Quand òm se clina , cal pas cabuçar.

Just una discutida per començar en 2008, amb coma objectiu jurat , de’n parlar puta !. Coma dins los filmes americans, quand un actor ne dis a un autre : "vols ne’n parlar ame ièu" ? E se’n va sens esperar la responsa….

« Aprèp una bona discutida, me damne, qu’es un biais de paupar un terrador plen de fangas , que se trobaran sul camin d’òmes vertadièrament democrates , que sabon se dreissar per aparar la democracia endacòm , levat en Françia . Te ! que l’ambassador en Argeria ven de reconeisser al passatge dos o tres chaplas de 30000 a 40000 personas, çò que val pas la crosada segur, ni la grandor colonalia françèsa dins Indochina, e encara mens los espisòdis malastros de la venda d’esclaus… Bon mas es pas lo subject.

La question es : podem nos fisar a la volontat dels govèrn de ne parlar ?☺☺☺

Dins lo darrièr numerò de la Setmana, revista occitana estimada, se diguèt que d'unes Jacobins explicavan a l'envejat special de l'ONU, consi fasian de son milhor per las lengas regionalas. Qu'an pas sinhada la charta de las lengas minorisadas. Es pas de sa fauta mas la de la constitucion. E dison que fan tant e mai.

En esperant de dire lèu que fan tot, mas que los òmes e femnas, ailas, volon pas mai la parlar, lor lenga, per qué lo françés es tròp bèl e braman de plaser ren que d'ausir la lenga de Mistral , non de Molièra..

Crèsi pas que sia just una question d’unitat nacionala amenaçada , mas puslèu la certitud que lo françès es lo parladis lo pus nòble, lo pus bèl , linje , linde, net , clar , musical e que los autres parladis fan pas que mormolhejar.

Sufis per se convencer , de legir l’idèa que se fan los academicians del Breton , del Còrse , o de l’Occitan per exemple , coma escriu Monsen Granie de l’IEO quand remembra las explicacions de las enciclòpedias o d’istorians…

Benlèu m’engani mas i a un tèrç de personas que ne’n parlaran de la « delicata question » , per qué los occitanistes son mai pesucs aprèp Besièrs e Carcassona , un autre tèrç rusadòt que parlara de la « delicata question » per « jogar la mostra » .

Demoraran lo darrièr tèrç , Francament enemic de la diversitat, culturela, linguitica, tals e talas, Carrere Dencausse, Debre, Leroy Ladurie, Charasse, Rocard, Chevenement, jusqu’au FN etc… et totes los portaires de l’universalisme françés, tal Frantz Kultur ( que pòd consacra una ora, per setmana, a las colors de las alas d’un parpalhòl, mas pas una minuta, a las lengas regionalas de la bèla França…) es aital al païs dels dreches de la femna...

De segur , qu’aquel darrièr tèrç qu’es lo pus Franc.

Coma laxatiu als francimands , prepausi donc lo restacament de la Belgica Walona e de la Soissa francofona a la França per compensar la perda previstabla de la Corsa , de la Catalònha , del païs Basc, de l’Occitania, de la Bretanha, del ròdol de « Dunkeerq » , de las Isclas colonialas, mas encara l’Alsacia, la Lorraine, e la region francò provençala di Aups . Tot aquò dins lo cadre de l’UE per respectar la legalitat. Qu’en Ex Iogoslavia sufis de demandar… Per que pas nosautres ?

Quals son los Ukraïnians aici ? los Abkhases ? Los Albanèses ? Los Tibetans, los Indians ? Los Jordians, los Palestinians ?, los Berbèris ?, Los Toarecs ? ecoetera……….

Visca Jaures ….

Risca L’Occitania e Bisca la França

Tsoin Tsoin

Anem enfants de la partiiiida

Lo jorn …

E de segur cal que lo 7 de mai sia caumat, per parlar de la delicata question…(En sovenir de Raffarin)

Aucun commentaire:

Enregistrer un commentaire