Crosada

Pareis qu'un siti français de lenga anglèsa( e oc) es en trin de recaptar totes los chaplas majors que se debanèron sus la Tèrra. Per ne far una mena de "Hit" parada.
Per que la lenga anglèsa ? Per qu' an dich que volontavon d'estre mai coneguts e ausits dins lo monde...
Sens comentari.
S'en parlèt sus Frantz Kultur's fa tres mèses. Dempuèi pas res. Ai pas notat l'adrèça.
Lo responsable diguèt que la revirada françesa arribarià mai tard, mas que pel moment avian pas cap de temps d'i pensar.
Pareis que lo siti coneis una brava capitada.
Coma totjorn an començat pels crimis dels autres e los del sègle XX.
França ten la particularitat de donar de leiçons de democracia , de revolucion , de diversitat e de respect de la diversitat, per los que volon plan escotar.
Tenem lo pompon. Sem medalhas d'aur per las leiçons a gratis.
Espèrem donc qu'al musèu dels arts prumièrs, Monsur Chirac fara una plaça pels occitans...
Me sovèni pas del nom d'aquel siti... Mas aimariai de saupre consi serem classats dins aquel "hit" dels crimis contre l'umanitat.
S'òm compta las crosadas , l'esclauvatge , dins Euròpa tota ambe los slaves , puèi de pertot subretot ambe los negres , puèi las crosadas al dedins e al defòra , totas las guèrras eternas e reialas europeencas per la grandor françèsa, abant los chaplas de la revolucion, puèi los chaples Napoleonencs e lo grand rebotge dusc'en Russia. Puèi tot lo demai... per dire ren, a pron pena de tres guèrras per l'Alsaça Lorèna . E un detzenat de millions de mòrts per nosautres.
Passarèm lèu sus totes las victimes de la "decolonisacion" Indochina, Madagascar, Africa del nòrd... del Centre e del costat.
E ben paurets crenhi plan que compte tengut de la pichonèsa de la França , raportats al nombre d'estajants , siaguèssem a boca de trapar la medalha d'argent ... Vertat que los anglèses seran benlèu dabant... Mas pas tant luenh qu'aquò.
Dins aqueste temps d'olimpisme, las medalhas podon tombar del costat ont las espèrem pas...