estiu de casal vièlh


Estiu de casal vièlh.

Flor blanca sus brica roja,
Sovenirs trufarèls,
Alas de parpalhòl
Frenissentas de dòl
Enveirentas d'argent,
Volastrejant dins l'èr
O rebalant pel sòl,
Coma patas d'aranhas.
Pintrada de baujum,
Una pencha de sèrp,
Escota musicar
Sa bronzina de vent
Nascuda de calorassa
Flor roja e parpalhòl
Daissan tombar sa posca
Dins un rai de calèlh
De la rosèla flor
Crebada dins sa copa,
De se pintar d' amor
Esclafada pel sòl
Tala flor de grabèl
A la pòrta crevada
D'un casalòt tròp vièlh
Tindan los rebats bèls
D'una campana sorna.

Mafs

Commentaires

  1. Joan de Peiroton16 octobre 2008 à 10:30

    Ah! Un poemet en gascon en çò deu gorilha (lo qu'a la cara d'un orang-otang) Òsca!!! :-D!!!

    RépondreSupprimer
  2. Joan de Peiroton16 octobre 2008 à 22:04

    Lo poèma en gascon èra lo de Pèire Bec e non pas aqueste, clar. Mas aqueste ei plan polit tanben. Mafs, de que vòl dire? Qual es l'autor, sès tu?

    RépondreSupprimer
  3. manjacostel17 octobre 2008 à 12:12

    Oc aqueste non (paginatitolada:estiu de casal vièlh), es pas de Peire Bèc , mas l'autre dessus es plan de Bèc(pagina titolada azuèlh) tirat del Gai Saber no 510- ont faguèt un poèma per cada jorn...
    Adissiatz J De Peiroton que se m'engani pas anem nos veire lèu Non?

    RépondreSupprimer
  4. Joan de Peiroton20 octobre 2008 à 12:28

    Es possible qu'anèm nos veire lèu, mas sai pas ni quand ni on. Remarca, o sabi pas tot! :))

    RépondreSupprimer

Enregistrer un commentaire

Posts les plus consultés de ce blog

Encara una nuèch

Image
Encara una nuèch  Non sabi quora la foliá se convida a la fèsta, E dança, e se plega dins son polit vestit, Quora arribèt la fugida que ren arrèsta, E qual vira la baudufa del monde enfestolit. Non sabi pas cossí soi vengut fat e mut O quinas votz cantan dins las memòrias ; Una cançon de las paraulas estranhas , Pietat! daissa me estar!, vòli cutar los uèlhs, Tornamai marcharem sus un vial subrebèl . Que lo temps? la nuèch? L'aurassa passaràn Tant que podi sentir tos pialses,me'n chauti . Nos tornarem trobar coma un ser de baleti E ma boca quicharà ta boca tremolanta , Fintarem l'avenir rire, dubrir sos braces saurs, alisarai tas popas de mila rajals d' aur. Dins un òrt mirgalhat negat per l'èrba nauta , Dormirem al mitat dels rebats de diamants, que fa la rosal tre que lo solelh monta. Jos la volta del cèl gauta contra gauta Non sabi quora la malautiá trucarà , O Dieu un còp de ...
Lire la suite

poèta occitan

Image
Lo poèta dins NON a l'ecran plat . Aqui un poèta occitan a mand de dire non , a l'ecran plat. Mas mantuns còps aquò's l'ecran plat que dis non al poèta occitan. Alara coma dis l'ecran plat: es pas bèla la França ? E Franca respond : " qu'es bèla la França!" E que volètz cambiar quicòm? Vosautres los gemegaires E lo poèta banda dabant l'ecran voide de la França urosa. Que podria li far cridar cèba lo poèta ame sas colhas frenissantas . Mas 'quò's aital . Franca es urosa ambe lo vibro pastaire de Nicolas. Es pas bèla França ambe sas telas d'aranhas al cuol?
Lire la suite

Lo 101 unen despartament

Image
Auèi i a quicòm que sentis agre dins aquel païs. Qu'e son en trin de tot desbordelar. Tot lo bèl ciment utopic occitan de la laïca , que nos fasia bramar "allez les bleus", o als aujòls "vous n'aurez pas l'Alsace et la Lorraine", tot aquò es al darrièr badal. A mai ajudats per los socialistes roges, coma Lamic president de l'OMC ( organisacion mafiosa de la Camora o del comerci ), que sanhèt mantuns païs del tèrç monde, o encara Strauss Khan (president del FMI , lo Fons Mafios Internacional, " plan conegut pour ses positions marxistas", la drècha liberala mas sociala ( 15000 vièlhs mòrts entre la calorassa fa gaire, casuda dels remborsaments de la secu, prisons comolas coma d'uòs , flicatge a tots los estages, demargatge de l'educacion , de la santat , privatisacions entemenadas per Balladur e perseguidas per Jospin , e perlongadas per Nicolas ambe l'aparador fiscal, precarisacion de l'emplec, CDD per totes , s...
Lire la suite