jeudi 19 février 2009

David

Sus l'Isle i avià un gigant.
Que calia tuar.
Un mostre.
David sens tremolar lo tuèt.
El : lo traçe, lo nen , lo dròlle , le caganis
E li copèt la testa.
Puèi se revirèt per veire ont èran los autres .
Ren. Lo silenci.
Que degun venguèt pas lo cercar;
ambe son batèu.
Cap de velas sus la mar.
Per festejar la victòria.
Per lo far rei .
Que totes l'avian oblidat, engarçat .
enganat sus l' Isle pichona.
E fintèt la mar roja.
tintada encara del sang del gigant .
E capitèt de comprendre .
Que lo monde esperava pas son retorn.
Qu'esperavan pas que la sia mòrt .
qu''èra el lo mostre benlèu?
Pas encara, ara...
Mas qu'ambe lo temps,
Solide, que finirià ben per ne venir un...
Dins la solesa.
De mostre.
Aquò's aital qu'un còp èra , los òmes fasian.
Per ne fabricar.

1 commentaire:

  1. Estic intentant entendre aquestes llengües una mica.
    És un bon passatemps per a una dona vella des de Finlàndia.
    Tot és tan interessant en aquests blogs!

    RépondreSupprimer