vendredi 13 mars 2009

Lionardo

La nuèch e la pluèja e lo gèl;
Pas una estèla dins lo cèl,
Quora tornarà l'alba?
Encara canta pas l'aucèl;
Quora tornarà l'alba?

Una nuèch longa sens amor;
La rosal plora sus la flor;
Quora tornarà l'alba?
S'entravesiam una lusor!
Quora tornarà l'alba?

Aquela nuèch s'acaba pas,
De cada part i a lo bartas
Quora tornarà l'alba?
La gòira demòra sul pas!
Quora tornarà l'alba?

Nuèch de cadenas e d'estòc,
Per ne riblar la lenga d'òc...
Quora tornarà l'alba?
Mas cada mot geta son fuòc,
Las belugas de l'alba!

J BODON 1947

Aucun commentaire:

Enregistrer un commentaire