mardi 29 décembre 2009

retorn de fèsta

Un paradisièr per totes en 2010

Retorn de fèsta....

Carnaval es acabat Vira la coeta, vira la coeta, Carnaval es acabat,

Tornèron los « m'as colhonat ».

Ailabàs totes amassats , vira la coeta, vira la coeta, Copenaga es acabat

que se son plan agradats.

LAaaaaaaaaa

Paire Nadal

Torna a l'ostal

Que maire Nadal

Es pas contenta.

.............Que ven dolenta. LLLAAAAOOOOò

Mas ...que seriá mòrt lo paure el...

Es a dire ieu... Sebelit jos la nèu

Sens la gota del brave Pradèl.

Benlèu qu'i passariài , solide

Que tombèssi dins un voide....Laaaaa.....

Ara me gèli plan belament.

2009 que trescola...

Càmbia pas ren a mon talent.

Lo paire Nadal .

Torna a l'ostal .

Mitat pintat.

Lo capelon s'es envolat

Ai perduda la cencha raspuda.

Que me petèt al darrièr trauc.

La lonja pudenta de ma vida .

Ma companha amarmida.

Cal s' acrancar las bragas.

Cal s' aparar l'... emonilh.

De l'agantal dels borrilhs

Zige-zaga

Sul camin

Se rebala

Per la prada.LAAAAAaaaaò

Per la carral del puèch.

Mirgalhada es la nuèch

Per d'unas moscas leugièras.

Que pican als uèlhs .

Que serà 2010 ?

Me quitarà un jorn la set?

Mon pas la nèu amudís .

Cò que serà , degun o ditz.

Qu'estorra las plors.

De las qu'an ren

De tota sa vida.

Levat, sa popa aflaquida.

Per parar al seu petit.


.....una annada plan rica e .... un paradisièr per totes. Santat.

af

4 commentaires:

  1. Que tingues una bona entrada d'any.
    Salut i Terra

    RépondreSupprimer
  2. Onnellista Uutta Vuotta! Bon any nou 2010!!!

    RépondreSupprimer
  3. Vos desiri santat e santat e santat e benastre ambe los vòstres amics e la vòstre familha...

    RépondreSupprimer
  4. boa noite, analisei a tua web page e apreciei mesmo muito,penso que tás a fazer bem!
    Continua com o bom trabalho!
    Cumps

    RépondreSupprimer