mercredi 10 novembre 2010

Lo Gai Saber , la revista poetica de l'avenir , francophonie , occitanophonie

Sénher,

Un, sabiái pas que Totsants se podiá dire Martror. Mas coma soi pas gaire sabent, e que benlèu, m'engani, pr'aquò m'agradi de vos saludar, senher F. Carbona per la polida revista del Gai Saber.

Excusatz me d'oblidar mon dever de legidor fisèl e d'èstre tant tardièr per pagar, un còp de mai l'abonament, mas al revèrs aquò me dona l' astre de vos respondre .

Per acabar, lo monde malvolent o desparlant ditz , que las raiças roergasses que quitan pas de nasejar donan pas enveja de pagar,....jamai. Cresi pas,...... mas es possible.

Dos per saludar lo tèxte de la Persecucion Privada, revirat de A Franco, per I Roqueta , que pareis tant pròche de la realitat umana , tant que ven espauruganta. De segur I Roqueta es lo mai grand, lo que m'agrada mai , tant per l'idèa que per lo forma.

Espèri que lo conselh general trantolarà pas, per donar sa subvencion, mas qu'amb aquelses « saberuts » se cal plan mesfisar de tot , de drecha coma d'esquèrra, compres la sapiença ...Legiguèri dins lo darrièr Gai Saber lo patiràs d'una vièlha revista gascona. Quina vergonha pels gascons! E pels occitans tanben.

Una question : lo Gai Saber parla jamai d'economia, del sicut occitan, del caumatge, o que, vau dire un mot gròs : de « politica » . Al sens nòble... Sabi que la politica desmarga la familha . Pr'aquò se'n parlèt un còp èra , dins lo Gai Saber , quand Laffont e Castanh se carpinhavan sul ròtle de l'IEO.

I a una rason?


Ps: per acabar me permeti de vos senhalar lo meu blòc tot en òc , que rescontra mai de visitas estrangièras qu' aici, «va savoir Jeannette» ? : http://www.occitanissima.blogspot.com,

Ont m'agradi de parlar, d'escriure e de pintorlejar. Mai que mai dins la lenga mairala amb maites decas, a totes las meunas desencusas .

Coralament a vos..

Alan Fabre



Aucun commentaire:

Enregistrer un commentaire