maladie d'amour, obsession, vertige de la chair, incomprehension

O ò ò i a qualqu'un ? Allò...

Aquò's vos?

Mas vos esperavi pas . Pas mai.....Umph

Umphòm. Qu'acabavi de minjar ... Mas ont se trobar?

A Leclerc... Qué a l'ostal de region? a la FNAC?

E per que pas sus la plaça del capitòli?....

......Mas me cal dire que l'idèa, m'agrada pas gaire

Al caireforc de la belesa...??? De que ?

Un polit caireforc...

Mas ont es.... Umph

Bèla escasença.... per parlar.

Del desir de l'òme... de la femna ...

Que non... Soi pas femnassièr... Non la realitat

De segur que la femna es linda...Vòl d'enfants... Non?

Non? D' accòrdi que se'n chauta del plaser de la carn

Cresètz pas? A ...

Bon vertat que qualques còps...La femna es pas linda. Lo paure Adam...

M 'aprometètz de venir?

De segur que ne'n parlèrem...

Que totes podem, sèm a mand de ... morir ...

Sul pic...

Sens qu' aja lo temps de viure, de sentir ta cabeladura... fòrt......

La vida es crusèla sabètz...Qualques còps...

Òc ne'n parlèri des aujòls... M'èri pintat un ser de solesa...

I a un fum de monde jos la tèrra!!!! ,

Que soscan ...

de pas vos aver coneguda?

Cada sègle vos, nos finta...

Per tot dire, sabètz la tèrra?

... Non... pas la planeta, ....òc la tèrra jos los pès...

Òc es pas que de la posca d'òme... E de femna .

Alara madama per de que esperar encara?

Un marca mal, ric benlèu, mas quitament marca mal,

Que vos sarrarà entre sos braçes peluts ,

Sens cap de respècte per vòstra joinessa.

E vòstra sensibilisat...

Escotatz me , me coneissètz , an degut vos dire de mal de ieu, los malparlants .

An degut vos dire que val milhor qu'un love toy ,

sabètz lo que ten una giba al nivèl del punt G .

E que còsta la pèl del cuol.

Coneissètz pas lo game toy gigant? Non? Sètz un pauc endarrièrada ?

Legissètz de poësia... Rimbaud?

Marcella Delpastre? Calelhon? Roqueta, Bodon.... Miladiu

Non mas madama , ieu vos parli d'un n'erotisme ciutadan , perenna, durable , subretot equitable, e qu'escagasse pas a la cocha d'ozona, levat que participa un pauc , a pron pena, a l'escaufament de la Tèrra , pel fregament dels còsses , tot ben, tot respècte... E qu' afavorisa , al cap la coneissença prigonda de la vida e de la raça umana..

Òc melhor que las rescontras de Plutarque ...Las escambis de França Cultura....o los voides engranièrs

- Un altre còp? Mas se volètz. M'assabentaretz de tot ? L'art de l'amor?

Òc que sabi que me demòra un fum de causas d'aprene...

Merces plan madama.... la directritz.... UMPH....