Occitania e ecologia , dos vials. N Hulot o S Joly?

Ecologia e Occitània. Una maridatge per fòrça.?????

Uèi se va debanar d'elegida sus l' envestidura d'un candidat verd per 2012. Pareis que la causida serà entre Nicolas lo Chòt e Silvia la Bèla .

Bon . Nosautres som trassas.... E sabem pas...

Co que me pensi revèrta fòrça d' imajas d'Epinal , sabètz las qu'òm trobava un còp èra , dins las tauletas de chocolat:

• Nicolas lo Chòt pareis l'òme de l'aparament dels pòbles menaçats, lo dels païsatges e d'una vision gaireben evangelica de la patz umana, quitament apostolica dins lo trabalh uman tradicional. Me remembre als camps de ris en terrassas laurats pels zebus , e la vision de las esquinas de las bèstias que tuban jos solelh als miralhs nivolencs de las tèrras asaigadas...
• Silvia la Bèla nos dona l'imaja d'una femna que luta contra la corrupcion politiciana, ambe coratge, e que trapa los enveirinats de l' UMP o del PS . E que n'i a un fum e de mai en mai. Aquela femna dona l' imatge de la santa que ditz la vertat e que se desconfla pas....

Mas ont son totes dos per nosautres ?

Lo movement politic occitan s' aliguèt a l'ecologia politica, :

• qu'aquel monde es mai linde, mai onèsta , mai que lo monde politic tradicional UMP o PS t que se pensa pas que de trapar las femnas, l'argent qué lo poder .
• Qu' aqueles ecologistas pòdon pas mespresar la salvagarda de la lenga occitana , nacionalas e la diversitat occitana e nacionala.

Se tròba que l'ecologista occitan de basa vòl tanben lo respet de la diversitat , e d'en primièr lo respet de las lengas regionalas de Franca e de sa diversitat prigonda....

Mas alara , que demòran las questions de las prioritats. E aquí sembla que los camins s' aluènhan Nosautres volem far de l'Euròpa federala una prioritat. Volem una Euròpa dels pòbles, de la diversitat . De que ne'n dison los verds? Qual es sa prioritat?

L'occitan ecologista de basa es d' acòrdi per salvar lo grelh ,la reineta , e clavar lo nuclear, mas aimariái d' ausir tindar fòrt la prioritat umana e majorala, de sa lenga menaçada de mòrt.

Per malastre ausissèm pas res....Alara que far? Crompar un sonotona

Aquò's la responsabilitat dels politics occitans que de causir la bona dralha e de pausar las condicions essencialas a l'ajuda occitana.

Se que non morir per morir o farem tot sol....