samedi 8 octobre 2011

lenga, pots, comunicacion e solesa...


L'escritura: qu'es aquò?
L'escritura es una causa simpla. Benlèu pas a l'escòla mairala. Que l'esperit se meravilha encara de tot , e buta a cada pas davant l'evidéncia dels grands. La certitud dels adults serà transmesa.
Coma una mena de MC(certitud)T de l'esperit.
Quand disi lo mot roge es que sem segur de comprendre parièr?
E ren de mens aisit que l'escritura. Puèi qu'es formada amb de mots. Los mots venon d'una lenga . Mas d'ont ven ela la mespresada , aimada , remirabla lenga dels aujòls? Mas muda ela tanben coma totas las autras.
La lenga d'ont ven, la que trempa los pòts, alisa las dents e la memòria. ..
Si disi dardalhon per exemple ? De que se passa dins lo cervèl? Lenga, pòts , clitòris e fofona, cream un imatge, un ligam, una cadena, un blocatge, terminus, sem arribats, totes davalem . A mai per exemple coma una panèl indicatiu, pel masclon que raisva pas que de bicar. Que l'esperit va al reflèx tot drech, a l'arquetip,
E cadun i fa de son pas .
Dins la societat, qual se carga de l'educacion dels enfants?
Qual gemèga de longa que son « con » d'òme ajuda pas gaire?
Las femnas ensenhan los dròlles , que venon d'òmes, qu'esclafan las femnas...
Qual poirà un jorn m'explicar per de qué las femnas fargan elas meteissas sas cadenas?
Mas aquò's pas grèu, qu'i pensàvem una segonda ... Òc , solide que la lenga, que que sia, permés pas de ne dire gaire. Me pensi que, sus aquel sicut, sem pas tant luènh qu'aquò, del monde dels gorillas... Un saberut escriguèt que cadun se servís pas mai, que de mila mots dins sa vida vidanta.... . (mejana)
Aital se poiriá comprendre la teoria de la diferéncia de tòca , entre l'escrivan « realista «  (que cerca pas que de moneda) e l'escrivan ambiciós (que crei que los mots son los meteisses per totes).
Mas que gaireben totes, s'enganan.
Per d'unes qu'es pas que l'encadenament biaissut , d' arquetips, per ensajar de produsir cò del legeire la sentida de la paur , de la ràbia , de l'amor , del tristesa, ece.... .
Per l'autre crei que lo mot roge es la meteissa «color» per totes? Es una color? .
La realitat es sorna mas es la realitat.
Cresi que cadun se tròba sol dins l'encastre estrech de la seuna clòsca a ausir, veire, sentir, tocar, gostar dins son referent qu'es unenc.
Quant disi t'aimi ?
Cadun compren de son biais. Cada mot li dintra dins l'aurelha amb son bzin bzin . Quuns images venon per exemple amb lo mot clitòris? Quina responsa ? Ane espontanèument sus los pòts , excusa quiche? Clitòris e pòts . Se disi que la lenga es vertadièrament garrèla per pas dire mai que clitòris e pòts, o que, per exemple l'un es secret e los autres roges .
D'unes me diguèron que l'image li donava l'idèa a potons , amb la seuna lenga entre los pòts....? Cuni lengus?
Quina lenga ? La lenga d'òc per que pas ? Non! 
e se disi que s'agís pas que d'una consultacion medicala e que lo medecin pòt pas ambe sa lenga explicar a la femna, que se ten escartairada sus la taula estrècha , que benlèu li ven , de trobar una malautiá.
Autre imatge vesètz , que ne sortèm pas....
Al cap del cap , i a pas cap de lenga per se tirar de la solesa....
Levat la nòstra sai que

Aucun commentaire:

Enregistrer un commentaire