jeudi 3 mai 2012

Bilan des élections de 2012, première approche


Lo raisve e la realitat.


Me coflan los que se brècen de pantais polits ... Sofòcle

Primièras impressions de la campanha 2012:
  • malgrat la protèsta que recampèt mai de 30000 personas a Tolosa , lo subjècte de las lengas regionalas es quitament absent de la campanha..
  • L'ecologia (2,5%) existís pas mai que la lenga d'òc . E S Joly i es per pas ren. Conas Bendit, o Duflot, aurián pas fach melhor . Malgrat Fukushima, Tchernobyl, l' escaufament climatic ece...... L'ecologia se retròba al meteis nivèl que la lenga d'òc, quitament al non ren, pr'aquò es sentit coma una necessitat relativa , mas que passa aprèp los problèmas vertadièrs , lo caumatge, la paga , l'educacion , la santat, la securitat ....
Doncas las valors de l'ecologia , del POC per extension, son consideradas coma d' idèas agradivas mas pas prioritaris dins l'eleccion majorala . De que se pausar mantunas questions....Que cal se pausar.

Los escòres realisats per , S Joly, JL Melanchon, Potou, Artaud, mòstran plan que l'esquèrra pèrd de terren d'eleccion en eleccion. Que lo quiti Melanchon que faguèt una polida campanha es pas gaire pagat de sos esfòrçs , (que la Marina faguèt mai de 25% dins d'unas ciutats de la campanha o de la banlèga  sens empegar cap d'aficas) pròva encara que las idèas « generosas » « universalistas » o « republicanas » veire « jacobinas » qualques còps, aquelas idèas agradan (trapan) pas mai a la majoritat de la populacion, a començar pels joves .
Sem pas dins una optica vendeire (.com) del messatge politica , mas cal plan integrar l'idèa d'un fascisme natural del pòble. Cal quitar de dire que lo pòble es enganat . Lo pòble ten un instint de mòrt e d'esclau, coma o mòstra l'istòria , Una partida del pòble aima la sang, las guèrras, la tortura e lo viòl . Mentre que la majoritat del pòble  se'n chauta o puslèu sèc los tuaires . La drecha es d 'instint , alara que l'esquèrra es un esfòrç per se desliurar de l' instint. Hitler foguèt elegit, pel pòble .. Coma Marina que li falta pas que 10% ara  per arribar a l'escòra d'Hitler, lo pòble es pas innocent : a causít un viatge de mòrt . Causis mantuns còps aquela mena de viatge.
Uèi, coma autres còps, lo pòble aima de se trobar un(s) colpable(s), la drecha li mòstra los colpablas , d'en primièr l'arabi, lo foncionari o autre paure bogre . Ièr èran l'espanhòl , l'italian , lo polonés... Lo pòble aima plan se donar d'emocions . Cal pas demandar a la rason de governar . Lo cheffe ven per nos salvar.... E lo cheffe arriba. França lo pais lo pus intelligent a l'oest del Ròse????

La capitada de Marina Le Pen mòstra plan que las fòrças totalitarias fascistas ganhan los esperits coma o faguèt n'i a gaire Hitler o Mussolini .
La desfacha de Bayrou mòstra encara consí los subjèctes del caumatge , dels salaris , de l'educacion e de la santat e de la securitat son fòrça mai importants que de se sarrar la cencha encara mai, per pagar los deutes congreadas  per las bancas .
Lo baricentre de la politica es doncas arribat al centre drech, per pas dire a drecha..
En fàcia de qu'avèm? Ambe Hollande , que venguèt pas a la protèsta del primièr de mai, mas qu'anèt a Londres per dire, qu'èra pas un tipe dangierós per la FINANCA , (coma un que sortiriá de preson) e que prometèt pas gaire , lo mens que se pòsca. Ailas tot es ja acabat, terminat . Tot aquò fa pensar a Blum mentre la debuta de la guèrra d' Espanha.
Lo partit socialiste es un partit de justícia, que vòl distribuir melhor los fruches del trabalh , levat qu'aquesta còp la riquesa se tròba tancada dins Soissa , a l'abric; que la financa, la borsa, vòl pas ren donar (per quina rason donariá?) : i a pas cap d'URSS ; e Hollande poirà totjorn donar d'espèr mas que i aurà  ren per donar a qualqu'un.
Alara tot aquò revèrta tròp cò de Jospin, d'òmes de l'ENA que causiguèron un socialisme despoderat a-material, desencarnat , sens pensar mai a la sofrença o als besonhs dels trabalhadors, o al besonh de desenvolopar la democracia reala, per prendre las decisions, que nos tòcan, totes ensem, al mai prèp de las populacions concernidas..... Al luòc de mistificar lo centralisme parisenc, de sacralizar d'organismes coma la polícia , justícia , armada, escòla, art e cultura totes estrangièrs als ciutadans
Aital çò que cal pensar per ieu..........Que serem pas susprés, o decebut ...
E dimenge anarem votar per el..... Los uèlhs dubèrts.... E sens espèr.... Sens illusion e sens èstre quitament segur que serà elegit lo mens pieger ....
Una mena de retorn a la realitat....

Aucun commentaire:

Enregistrer un commentaire