Occitània o Ovalia . 
Sus les murs j'écris ton nom....


Una mena d' Ucraïna, mas esclafada per l'eternitat?
Un Curdistan oblidat dins una androna .
Un pais de pastis e de farigoulete d'un brave Panisse . Jos lo solelh...
Un pais esportiu del rudbi d' «Ovalia» de l' arena de França .....
Pr'aquò lo punt central e clavelat e barrat del monde roman.
Lo pais escanat. Una lenga malautiá e arencada, coma sa vinha.
Un arc «circomflexa» vodat al torisme e als cuols nus .
Pais «anèxe» e anexat per la «republica» laica, diverticida e francofonèsca ....
Garrèla e aimada. E aimabla ambe aquò .....
Un pais que parlarà lèu sens accent ?

Commentaires

Enregistrer un commentaire

Posts les plus consultés de ce blog

Encara una nuèch

Image
Encara una nuèch  Non sabi quora la foliá se convida a la fèsta, E dança, e se plega dins son polit vestit, Quora arribèt la fugida que ren arrèsta, E qual vira la baudufa del monde enfestolit. Non sabi pas cossí soi vengut fat e mut O quinas votz cantan dins las memòrias ; Una cançon de las paraulas estranhas , Pietat! daissa me estar!, vòli cutar los uèlhs, Tornamai marcharem sus un vial subrebèl . Que lo temps? la nuèch? L'aurassa passaràn Tant que podi sentir tos pialses,me'n chauti . Nos tornarem trobar coma un ser de baleti E ma boca quicharà ta boca tremolanta , Fintarem l'avenir rire, dubrir sos braces saurs, alisarai tas popas de mila rajals d' aur. Dins un òrt mirgalhat negat per l'èrba nauta , Dormirem al mitat dels rebats de diamants, que fa la rosal tre que lo solelh monta. Jos la volta del cèl gauta contra gauta Non sabi quora la malautiá trucarà , O Dieu un còp de ...
Lire la suite

poèta occitan

Image
Lo poèta dins NON a l'ecran plat . Aqui un poèta occitan a mand de dire non , a l'ecran plat. Mas mantuns còps aquò's l'ecran plat que dis non al poèta occitan. Alara coma dis l'ecran plat: es pas bèla la França ? E Franca respond : " qu'es bèla la França!" E que volètz cambiar quicòm? Vosautres los gemegaires E lo poèta banda dabant l'ecran voide de la França urosa. Que podria li far cridar cèba lo poèta ame sas colhas frenissantas . Mas 'quò's aital . Franca es urosa ambe lo vibro pastaire de Nicolas. Es pas bèla França ambe sas telas d'aranhas al cuol?
Lire la suite

Lo 101 unen despartament

Image
Auèi i a quicòm que sentis agre dins aquel païs. Qu'e son en trin de tot desbordelar. Tot lo bèl ciment utopic occitan de la laïca , que nos fasia bramar "allez les bleus", o als aujòls "vous n'aurez pas l'Alsace et la Lorraine", tot aquò es al darrièr badal. A mai ajudats per los socialistes roges, coma Lamic president de l'OMC ( organisacion mafiosa de la Camora o del comerci ), que sanhèt mantuns païs del tèrç monde, o encara Strauss Khan (president del FMI , lo Fons Mafios Internacional, " plan conegut pour ses positions marxistas", la drècha liberala mas sociala ( 15000 vièlhs mòrts entre la calorassa fa gaire, casuda dels remborsaments de la secu, prisons comolas coma d'uòs , flicatge a tots los estages, demargatge de l'educacion , de la santat , privatisacions entemenadas per Balladur e perseguidas per Jospin , e perlongadas per Nicolas ambe l'aparador fiscal, precarisacion de l'emplec, CDD per totes , s...
Lire la suite