histoire vraie des peregrinations d'una calandreta en pays murethin.....r

Istorica de la calandreta del pais Murethin. ( d' aprèp l'istòria vertadièra dels paires fondadors)

1983: l'associacion es declarada d'utilitat publica lo 27 de decembre 1983 a la jos prefectura de Murèth, après maites amassadas d'informacion, merces del vam de R Firmin, que serà lo primièr regent de l'escòla, e ambe l'ajuda de Simona Azema, Senher Dauriac e Senher Pujòl: F Souque n'es lo primièr president.

1984: dubertura de la primièra classa mairala de l'escòla primièra dintrada en setembre dins l'ostal vièlh de l'escòla publica de Seysses, avenguda del General de Gaulle, pròcha de l'ostal de comuna ( tot un simbòl) : Remesi Firmin n'es lo regent, e Chantal Roquelfeuille l'ajuda mairala. La mesa a posita de l'escòla es a gratis , merces de l'ajuda d' H Mignon , conselhièra municipala al sen de la comuna dirigida per lo conse comunista Senher Foulqier. Los escolans e lo personal dinan a la cantina municipala ambe los escolans de l'escòla publica , M Maure de Frozins es lo primièr clavaire de l'associacion.

1986: forçada per la municipalitat ( de Seysses)– que sofriguèt maites quichadas- de quitar lo bastiment, l'escòla s' installa a Lamasquèra dins una maison privada ambe lo pagament d'una renda .( a cò de sénher Dupuy , regent de l'escòla de Lamasquèra) .

1987: novèla mudacion de l'escòla, totjorn a Lamasquèra , a cò d'una familha de parents d'escolans ( Sénher e Dòna Tubery): ambe la mesa a posita, a gratis d'una partida de l'ostal.

1988: clavadura de l'escòla , mas manten de l'associacion ambe la perspectiva de tornar dubrir a Murèth .

1990: reobertura de l'escòla a Murèth, carrièra J Dabadie, dins un local privat, de Sénher Losquin, local que servissiá de burèu per l'entrepresa ( tèrme de 2000 F mesadièr). L'aguda d'aqueste local foguèt possible merces de las ajudas conjugadas de J Georges ( amic d'enfància) , secretari de la seccion PS de Mureth d'en primièr, e de Dòna H Mignon , elegida conse de Murèth en 1989 d'en segond. Una subvencion de 20000 F es votada pel Conselh de Comuna a l'ocasion de l'examèn del budgèt suplementari per cubrir las cargas del tèrme. M P Gouzy es la regenta de la mairala, R Firmin estant partit ensenhar a la Calandreta de la Còsta Pavada a Tolosa. La presidenta de la Calandreta es Dona Bernadette Saint Jalmes de Murèth. La comuna organisa la liurason quotidiana dels repais per los escolans e lo personal.

1992: mudacion de l'escòla dins un pre-fabricat d'ocasion del Conselh General sul domeni de Briodes merces a l'ajuda de Sénher A Bertrand , conselhièr general del canton de Murèth, ambe l'acòrdi de la municipalitat de Murèth , mesa a disposicion a gratis del pre-fabricat. Los servicis de restaurant son perenisats .

1998: installacion , carrièra del Marescal Lyautey d'un segond pre-fabricat nòu del Conselh General, mudacion de lo de Brioudes , après una dintrada retardada , ocupacion de l'ostal de comuna mentre mantunas jornadas, e negociacions regdas ambe lo conse novèl A Barrès, lo conselhèr general A Bertrand , lo secretari de la confederacion de las calandretas e un collectiu recampant parents , regents de l'escòla. L'usatge de dos bastiments es a gratis mas las cargas de manten e de foncionament son per l'associacion . Los escolans e lo personal benefician del servici de restaurant de l' escòla J Mermoz vesina, l'associacion assegurant la gestion : prètz dels repais , susvelhança , animacion. Pòdon frequentar encara las installacions esportivas , culturalas municipalas : piscina , gymnase, bibliotèca, ostal de las fèstas....

1999 contrach de l'escòla : signatura de l'estatut d'escòla privada jos contracte d'associacion ambe l'estat. Los salaris de las regentas son presas en carga per l'educacion nacionala.

2001: Installacion d'un tresen pre-fabricat d'ocasion, metut a dispausicion pel Conselh General de Nauta Garona , ambe l'ajuda de Sénher A Bertrand e signatura d'una convencion ambe la comuna de Murèth que prevei lo pagament d'una subvencion annala per cada escolan murethin de l'escòla e aquò de la mairala dusca a la fin del primari.

2008: projècte de bastison d'una escòla en « dur » sus lo terren de la calandreta , que l'associacion n'es proprietari... Promessa de C Delahaye mentre la campanha

2012: los algecòs son arroinats . Prenon l'aiga de pertot . Cap de cobèrt. Aquò's una vergonha e lo conse se'n chauta coma de sa primièra camisa .

Visca la francofonia e la diversitat...........;;????

 endacòm mai....