Lo chaple de Murèth oblidat...

 

Sem fièrs de vos presentar la dictada occitana de 2013 . La dictada serà coma un remembre del chaple de Murèth? Non? Benlèu , serà la causida d'un remembre ... Sabètz coma lo sovenir d'un buf de l' aimada pel còl. Enfin que non serà pas lo rebat d'un chaple.

L'unitat occitana coma lo sòmi dolc de Ventador , a la tardor de Tripòli, per una comtessa . A consi las associacions occitanas lotjan polidament e subretot eficaçament amassa. 

Cadun per se, e Dieus per totes ?

Que los que volràn pensar al chaple o poiràn far ! Coma pel remembre de 14 18. Sèm liures la France es lo pais dels dreches de l'esquèrra de l'òme, subretot los de dreches.  Levat que l'esquèrra arriba pas jamai al poder,  que mentretant,  es venguda de drècha.

Cal pas criticar , aquò's la vida , la paga , las plaças , lo piston. La vida es dura ara.  

30000 tolosans crebats, tuats, dusca a Loge e Garona e 25 arquevesques que fintavan , en bramant, en setembre 2013, lo chaple, de genolhons dins la Torre Prima , en demandant als tolosans qu'èran escotelats o negats , d'arrestar de se batre e de reconóisser son pecat , la santetat del Papa e dels set cardinals que se sompartissiam las vendas de las cargas e l'argent.

Mas aquò's pas bèl? Que lor pregària deviá montar naut subretot qu'èran totes resconduts amassa dins la Torre majora (cinquanta mestre de naut), que devià far coma un  amplificador. 

Solide que Dièus deuguèt se tampar ......... lo nas, las aurèlhas , mas qu'empachèt pas ren.  

 Fin finala un chaple a l'ora de dinar, quora lo rei d'Aragon manja ambe un amic, sens armura,  que França fèsta coma una victòria contre d'occitans cansats, pintats , de fèsta, de vin , de femnas , quitament de putas,  segon Montfort.... (veire la lettra panada , de l'Istòria de la Crosada donada a S de Montfort,  fils de reina de França e nebot de reina d'Anglatèrra)

Doncas la dictada occitana serà un remembra alzeimerenc d'un chaple franco-catolic oblidat. Cò que resuma fòrt plan l'istòria de Franca . Una seguida d'oblids glorificats per l'esquèrra. 

Mas que ne direm pas mai , per la suspresa, que benlèu la dictada parla pas cap de Murèth e fin finala , sabi pas de que parla... Benlèu de ren. Dels temps que far. De campariòls.   Qu'es pas dificile de parlar de ren..... en 2013 , de 1213. Sufis de regardar la tele.

Visca l'Occitania crucificada, dins la tardor de 1213;  uèch cent ans aprèp lo chaple, que faguèt de Franca , un pais dusc'ara estequit , ( pas gaire  mai espandit que lo departament de la Seine, mas  sens Paris),  un estat colonisaire per l'eternitat, etnocidaire, que  fondèt la republica absoluda, del genre papal que coneissèm.

Amen.