Droite ou Gauche , le Haut et le Bas

Un quicòm ren que me pareis evident ara . Que soi coma un boa de la comprenèla longa.

Excusatz me se o sabètz tot ja, mas vos vau anonciar una novèla que benlèu vosautres sabètz dempuèi bèl temps ...

La societat es pas sompartida entre la drecha e l'esquèrra. Coma òm crei dins Occitània (qualque còp) ,e Franca , per parlar de los que nos comandan dempuèi totjorn, al mitan del pais grand del cocorocó gigant .

Non , al nivèl dels poders reals , França es sompartida entre los que se fan d'argent ambe las idèas de drecha e los que se fan d'argent ambe d'idèas d'esquèrra. S'agis pas que d'un mercat. Dificil a engolar ? Mas aquò's aital....

Parli dels Moussus cap mèstres , pas nombroses per fòrça, parli pas dels sòcis de basa, de la carn a canon, dels empegaires d'afichas de tota mena .

Parli dels iniciats, de la flor acarnassida e pudenta, de los que son recebuts dins lo Sent del Sent , ( que que ne siá lo prètz de pagar) dels assabentats , a pron pena cinq mila personas de la França prigonda ( veire lo XVI , lo V , lo VIII arredondiments de Paris) , que sabon la vertat , que se recaptan l'argent, e que dison de longa als jornalistas , als medias çò qu'es possible de far e de çò que cal far....Coma los cans trufièrs que niflan lo vent e sabon o trapan lèu ont lo vent va bufar deman. Per exemple un òme coma Minc n'es l'arque tip

Parli de los que se trapèron lo poder après Lincoln , aprèp Lenine , après Robespierre, Marat, de Toussaint , d'un decebut de la Comuna, e que se recaptèron l'endeman que canta , ont que siá lo luòc , lo pais, l'idèa politica , lo sèxe , la religion, la color de la pèl, la lenga .... Parli del que dintra a l'amassada , l'un del partit republican d'America , l''un del PC a Pekin , d'un de Russia unida a Moscòu , o d'un del PS a Paris , d'un de l' UMP a Versailles , d'un del Labor a Londres , parli d'aquel molon de monde que se calan, plegan lo cap, en esperant son ora, sens se trachar de ren , levat de ganhar un emplèc , d'argent, d' avantages , per el e la familha. Coma la Mafia que!!!!

Es aital l'umanitat....

E aquelses òmes poirisson dempuèi la sia naissença grèga  l'idèa de la democracia...

Aquò's aital. Son aquí coma d' estatuas de l'istòria e los oblidi totjorn, qualques còps se'n parla,....... mas pas gaire. Que son invisibles mas que son elses que fan l'istòria e que son totjorn aquí.... davant , e son elses que menan lo batèu de la republica o de la dictatura o de la «democracia.»...

Qual faguèt la patz dins Indochina? Dins Argeria?

Lo pòble es complice. Que tot aquò se fa amb la complicitat de la majora part del pòble .Lo pòble es pas enganat . Cal arrestar de ressegar que lo pòble es enganat, que non!!!! lo pòble o vòl qu'espèra lo brave pòble de se tirar las àrpias del fangas e de capitar. Lo pòble revèrta lo soldat jove que part a la guèrra, amb la flor al fusilh .

Lo pòble aima las polidas istòrias , l'argent las de las capitadas. Onassis , La Calas , JFK e Jacki , se carra amb Ladi Di , amb Bill Gates que crei que se trobèt l'ordenator al plond de son garatge!!!! Bada lo Sòròs que plumèt la libra anglesa, d'un Tapie que plumèt lo gal francés e se trapa un miliard d'euro ( sai que a sompartir amb los qu'i donèron) per aver tampat un milierat d'entrepresas e licenciat un fum d' emplegats .... Que vòtan pas jamai e que votaràn pas , pels d'òmes politicas onèstes enfin pron per li donar lo poder d' endralhar las idèas dels òmes onèstes .

Qu' al pòble son idèa bèla es d' ajudar los enfants , de los pistonar al besonh , dusca als comptes , quitament tot , compres los examens, de li donar la riquesa tre la naissença, totes los mejans possibles e imaginaris, quitament se lo jove es con coma la luna.

Pròva que i a quicòm de torçut dins l'esperit uman , que l'òme de basa quitament d'esquèrra càmbia d'a fons a cima tre que ganha al «Loto» e que totes sabon plan que farem ça mêsme se per astre n'aviam l' astrada . ( qu'es lo darrièr espèr per sortir de la misèria???)

Doncas la societat es sompartida entre los que sabon e los que sabon ren.

Amont los que s' assadolan totjorn , coma per exemple, lo governament de França liura en 1940  , mentre la desfacha de quaranta que se replega sus Bordèu, e manja d'ortolans e bevon de Caval Blanc en butant la cançon.

Lo demai ? son los nècis, los cons , los calucs , los onèstes , los truca-lunas, los imbecils, los cresents, los malauts , los manja mèrdas.

E lo pièger aquò's que los que nos menan son parièrs, cons malauts , rebala- meca , truca- luna e tòrca-cuols , e grimacièrs , e chucaires d'escruma e beveires de pissa e menturs- messorguièrs-sincèrs , e fintaires de sarralhas , e contaires de legendas, e vira-nas de popas e trobaires de questions, de responsas costumièras .

Tant que se parlarà pas de la democracia locala ne restarem aital ...

Tant qu'aurem una còla de fenhantasses , per prendre totes los poders, ren cambiarà a ren .

Mas que benlèu l'aviatz ja endevinhat tot aquò.

Alara çò tot just que nos cal cambiar....