jeudi 30 mai 2013

A l'espèra .... encara per Clamença...



A l'espèra  encara e totjorn......... Suènhs ..........palatius........... a las lengas minorisadas...Aprèp l'UMP , lo PS s'espelfòrça  de pòrtar lo darrièr còp  d'ajuda ....... a la diversitat .........en doçor.  
A los que s'estonan fòrça de veire los occitanistas ensatjar d'aparar la lenga  e sa dignitat , (alara que i a lo caumatge, la fam, la misèria)   disèm que lo mesprés per la nòstra lenga es benlèu,  ambe lo mesprès per las femnas ,l'obrièr , lo paisan,   un dels  marcadors lo pus vrai, pertinent , senat , que mòstra mai que los autres   lo nivèl real  de la democracia d'aquel pais....Per la bona rason que reverta mai que mai a l'agach d'un raciste, d'un fasciste , d'un jacobin,  per tot  çò que se rapòrta a un pòble   esclau... 
I a quitament pas d'enjòc.... E s aital ... E tot lo mesprès amolonat dempuèi de sègles s'espausar , sens paur, dins una mena de  consensus general . 
La rason per que los suènhs pallatius a la lenga d'òc mòstran plan per totes l'estat real de la democracia  de la republica dels drèches de l'òme , de la femna, dels òmos , e de la canhons.... qu'es pròcha del zerò....   
França es de drecha dempuèi totjorn . I a pas que los libres d'istòria per daissar qualquas paginas a l'"epopèia" d'esquèrra. La Revolucion borgèsa, l'Abolicion de l'Esclavatge (en dos còps e encara ) , la Comuna (un banh de sang), la Resiténcia ( ....) , lo drèch de vòta a las femnas ( trenta ans après los autres) per far plaser als professors ...

I a un francés dins la sala? Òc per parlar de diversitat? Òc per far la respiracion artificiala a Clamença? Lo boca a boca qué ... La lenga a la lenga nosada ....
Per parlar amb de mots d'òc  ... Òc..
L' Educacion Nacionala del pais dels Dreches de l'òme,  mas un pauc Anti Òmòs, Anti Estrangièrs, Anti Egalitat ( que i a a pron pena 3% d'enfants obrièrs o paisans a l'universitat), Anti Fraternitat, Anti Libertat, va benlèu autorisar lo regent d'emplegar l'anglés , lo francés , e que lo fotre lo prengèsse ........... per de que pas l'occitan!!! Mas consí dire ADN dins aquel patés  ditz  Monsur Serres lo gascon dels States ?
Rai d'aquò, pareis que son mai de 50% dels professors que son ja passats a l'anglés, a l'universitat dins las sciencas ponchudas..
Aquò's pas de creire! Serem los darrièrs , forçats nosautres los occitans de parlar françés.... 
Sem vertadièrament lo LUM de la diversitat mondiala non? coma ditz lo conhat.
Coma crèson d'unes occitanistes............ ambe l'Euròpa ... Ganharem la libertat!!!! Ambe de mèl e de burre...sus lo pan negre dels paures , de l' Euròpa de deman?
Te dona enveja de rire o.... de plorar.

Aucun commentaire:

Enregistrer un commentaire