Fukushima mon amor

L'òme occitan es vengut radioactiu... Sens parlar de la linha blava de las Vosges que los nívolsde Tchernobil gausèron pas passar .Sens parlar mai de qualques fugidas d'aiga , o de tubas , nolentas mas fluorescentas , que lo faguèron renegar a el,  l'òme occitan , parli de l'òme occitan assabentat de las causas , subretot de las nòstras. Parlem pas de totes los çagans , totes los escandals de la poiridura politica de l'Estat de la cinquena e saique darrièra republica folclorica de l'isla de Franca . S'agís pas aicí de parliquejar sornament de l'occitan nascut d'Occitània, per astre per el, sabètz lo « pas acabat » que brama cada còp que la còla occitana dintra a Sant Danis e que tremola de jòia , o qu'udola, quand raja lo tombarèl de sang de la marselhèsa dins las nòstras règas . S'agis pas d'aquel occitan, sens o saber , que canta pas cap l'internacionala la cançon del deserpèr....Que canta pas cap la bandièra negra , roja o verda....Mas que canta de mens en mens.  

Non parli de l'occitan assabentat sus la lenga qu'es a mand de crebar , de la seuna condicion esclava , de badaire professional de França Cultura , de l'acadèmia franchimanda , de tot çò que nos tomba de Paris , cada jorn , coma una granissada de mesprés , paquetons de mèrda que tomban del cèl dempuèi de sègles.

Per acorchar , parli de l'occitan que sap completament , qu'es ren dins l'imaginari nacional , que n'endevendrà probablament pas ren de mai, de tot aquel malastre al pais de la diversitat aficada.

Non l'òme occitan es vengut contaminat.

Pel drèlh merdós que li an donat a l'escòla.

De la republica laïca , a gratis universalisada... Aleluia...

L'òme occitan conscienciós crei mantuns còps vertadièrament que França es una democracia ...

Mai sovent crei que França es un POLE de la Democracia Mondiala...

D'aquel agach, l'occitan conscienciós crei que Franca ten lo drech de donar la leiçon a totes ...Avètz vist ambe l'avion de Moralès e  Snowden çò que faguèron  los donaires de leiçons de Democracia.

Cap de franchimand s'espantèt pas d'aquela decision vergonhosa . Cap d'occitan tanben...

Aquela fe de carbonièr  apela qualques remarcas  

• qual occitan francés o pas donèt son acòrdi a Maastricht , a la guèrra d' Indochina , a la de Madagascar Argeria Iraq , Libia , Mali e deman a la Siria. Question susprenenta per l'occitan conscienciós . Vei pas ont es lo problèma....
• qual occitan occitan o pas tròba que França aguèt un comportament especial e onorable per l' abolicion de l'esclavatge ? Non . Al contra... De guèrras de pertot ....Dedins e defòra
• qual francés franco-occitan volguèt las privatisacions de las entrepresas publicas , que lo PS e l'UMP faguèron sens vergonha, qual occitanò-occitan volguèt lo retorn a l'OTAN . Qual li pausèt la question? Qual occitan se pausa encara la question ?
• la securitat sociala : un eiretatge de l'Alemanha de Bismark arribada merces l' Alsacia e la Lorrana( que la reconquista de l'airal germanica costèt mai de tres milions de mòrts) e que los mètges franceses ( que son coma los avocats) n'en volian pas cap e lutèron contra ... la secu.......Lo sistèma de santat ( e lor riquèsa) es aqui sus.  
• 1789, 1793 1830 1848, 1870 de revolucions mancadas , escanadas dins la sang.
• 1940 un sol prefècte sus 90 reneguèt lo marescal , se sona Moulins .
• Lo drech del vòte de las femnas en 1958 bèl temps aprèp totes los autres paises europencs. L' abolicion de la pena de mòrt. L'IVG . ... Los darrièrs en tot ...
• L'egalitat de paga òme e femna pfttttt.
• L'egalitat de las escasenças a l'escòla ... Anem ZO ...Totes a Lois LO Grand..
• L'egalitat davant la justicia A A A
• L'egalitat davant l'accès als suenhs A A A
• Las presons A A A; L'energia de deman? A A A . L'EPR? o lo gas de sistre ?A A A OGM o pas ?
• França e las femnas batudas , e los enfants torturats? Lo drech del trabalh?

Mecanisme de decision democratica e de prèsa de decision dins Franca democratica.

• l'elegit es aquí per cinq siès veire set ans , sens comptar las re-eleccions e i torna mantuns còps a totas las grépias.

Los franceses occitans o pas protèstan . Son 200 000 per las carrièras . Primièra manifestacion son recebuts pel prefècte e escotats (çò que vòl pas dire ausits , a mai compres). Segonda manifestacion , son entenduts, lo ministre estúdia , e la television (liure del pais liure, pòla de la democracia) TF1 e las autras cadenas donan las chifras . Son «encara» 200 000 la protèsta manca de buf. Son recebuts pel segond del gabinet del delegat de la mission Dialogar e Paraular , lo darrièr de la promocion Friedman de l'ENA de 2008...

Son 800 000. Lo segond de la promocion Fidèl de l'ENA de 1981 monta a la barricada e ditz sus TFI A2 FR3 qu'aquò' s pas la carrièra que dirà la lei. Que sem un pais de drech de l'òme de la femna e de la canhòta .... Notatz son totes d'acòrdi drecha e esquèrra, quora sortisson de l'ENA de Supdeco, de Pond-ichery o de Carical, Chandernagor, Yanaé .

Puèi i a la realitat un conse es elegit per 5 ans e fa çò que vòl un president es elegit per 5 ans e fa çò que vòl com la guèrra.... O de monuments, que lo fotre lo prenguèsse

França es pas arribada encara a l'atge de la pèira talhada en matièra de democracia , pr'aquò fa la leiçon al monde .... E l'òme occitan contaminat , crei vertadièrament de viure en democracia . Ditz que i a de comissions e de jos comissions e que mantunas personas participan a las decisions ....Li agrada de pensar per exemple que participa fòrça ... Levat quora Paris tira l'escala d'un còp, per exemple quand arrèsta de prechar pel TGV (çò qu'es plan mas ) .... Mas que seriá oblidar que nos demandèt ren per o far un còp èra , coma nos demandèt ren per tot arrestar .

Fin finala , totes los los elegits participan d'aquel jòc de sembla democracia..L'òme occitan aima de creire qu'es plan aluserpit al mitan del mecanisme de l' universalisme en marcha.

Tot aquò es fondat sus de pichòtas combinas , luchas d'influéncia , volontat de poténcia , personalisacion subre desenvolopada ... Dona me aquí e te donarai aquò... Politica de la pratica... Aquò's tot! Coneissi l'amiga del tresen de la promocion Plutarque d'HEC Lo Clapas 34. Un còp de fial e me farà passar lo dorsièr dessús....

Ren que revèrta de prèp o de luènh la democracia qué....

Aquí çò que voliái dire a l'occitan occitan convencut de la democracia francimanda .....

Podem parlar de segur e o fasèm .... La França autò proclamada pòle mondial de la democracia a compresa, fa bèl temps que podiam totjorn cantar , parlar e renegar, que ren cambiarà....E que sem cuèches???.

La drecha fa l'istòria e l'esquèrra dona de polidas paginas d'istòria que fan somiar sul caractèr revolucionari francés .....Per l'escòla...

Ne sem aital ...

Lo sistèma es basat sus las connivéncias a totes los nivèls , fòra lo pòble , fòra la democracia reala , Manifest o pas, encaparem pas de mestrejar aquel sistèma de praticalha fargat per uèch sègles centralisme reial , que la republica creguèt d' inventar e que faguèt pas que contunhar sens vergonha ..... E que sona dempuèi democracia universala dels dreches de l'òme .

Lo Manifeste deu s'aparar d'aquò e denonciar aquel sistèma, d'en primièr, e aquela presa de conscienca que deu servir de parabanda als acòrds de governaments locals....

E l'occitan conscienciós e moral se revelhar... E se decontaminar completament.