dimanche 24 novembre 2013

Deman lo Barca e l' Estada Campions dins lo meteis pais

Deman, deman, la sardana de Tolosa a Barcelona. Deman lo Barca e l'Estada campions? 





Regardarem tras las Pirenèus, cap a Barcelona, cap a Girona , cap a Valéncia , per veire çò que fan , que tiran lo camin estequit  de la libertat . Una rota que coneissèm pas nosautres. Sèm fraires , sèm cosins , sèm luènhs, coma se las montanhas avian trencadas la pèl de la lenga que nos ligava . Coma se lo pès de mila ans de mesprés nos pesavan sus la lenga . Coma lo còs d'un cadavre escampilhat per l'istòria oficiala .
Mas d'escotar l'autan , la trasmontana , la cisampa , lo marin, nos arriban los cants d'onor, m'arribi d' alenar a plen pitre , las olors de las flors que grelhan tras montanhas del monde que dançan la sardana . Deman , deman , dubris sas cambas blavas, e  mostra lo camin escalabros de la diversitat . Deman serà pas pus  Paris que tindarà lo glas de nòstras esperanças. Deman fintarem del costat de la Generalitat que nais  ,  desalenats , sens artelhar,   en lor disent coratge,  de paur que lo nòstre buf  truca sus  lor miratge. Tenètz bon i cal anar ..........Per vos e per nosaus.
Que sem fraires esclaus dels imperialismes , que siague l'espanhòl, lo francés aligats....
La nòstra lenga venguda l'esqueleta de la dels davancièrs. Mas qual mena la dança de mòrt, menan la dança e nos fan dançar,  coma los cans de cirque.... Qu'anem la dançar , un darrièr còp, ambe las mans, ambe las cambas, ambe los dets , coma lo Joan Petit sus la ròda , que fa bèl briu que dançam coma de falords, e que nos petan los òsses. Que son arribats a nos far vergonha d'aquel costat , a quequejar nòstre lenga , coma a los que parlan la boca plena sens saupre .
Deman a Barcelona dançarem la sardana de la libertat.
La darrièra dança qu'òm dança quant òm es occitan.
Deman Barcelona dançarà la valsa meravilhosa.
Longa e suauda , a plens ponhs, l'amorosa dels embriagats.
Qu'ajan una pensada per nos, lo ser benesit
Ont levaràn las torres umanas sus cada plaça de Catalonha,


Deman lo Barca e l' Estada seràn  sagrats campions dins lo meteis pais?


2 commentaires:

  1. adiu !

    Una amicala salutacion d'un catalan que visquèt dos ans a Mentan e foguèt funcionari al centre dels imposts de la carreria V Hugo.

    Osca catalonha e occitània

    RépondreSupprimer
  2. òsca, tenètz de comprenèla o sètz un saberut. Vertat que la fotò es de Menton , que trobèri remirabla . Una vila que sembla de regretar son passat Monegasca?

    RépondreSupprimer