mercredi 27 novembre 2013

Lo grand ser d' Escocia e de Catalonha

Se tròba que dos regions de l'Euròpa, l' Escòssa e la Catalonha trucan a la pòrta de l'independéncia.
S'agís d'un eveniment extraordinari . Que tòca los paises de la vièlha euròpa cristiana que son al còr de l' UE, la qu'es cara a la drecha etèrna. Tant que s'agissiá de far espetar los paises de l' est aquò marchava plan , l'occident se sentiá coma un liberator caput e amistadós pels pòbles encadenats. Uèi ambe la demanda d' Escòcia e de la Catalonha s'agís de colonizacion longa e pesuga . Anglatèrra e Espanha an colonisat lo monde. Son de paises qu'an totjorn trobat milanta escusas per donar res, e contunhar de panar las riquesas del monde, «ambe totes los autres paises de la « bona vièlha Euròpa », uèi venguda estequida dempuèi que los USA an pres la seguida. Aquestes imperialismes tenon un engenh vertadièr per amagar sos crimes contra l'umanitat , de guèrras colonialas, en guèrras civilas, en camps de mòrt, e contunhar de denonciar los crimes dels autres.

Lo sòrt servat a Escòcia e Catalonha permetrà de jutjar la realitat dels tèxtes fondadors dels donaires de leiçons de democracia aplicada , a l'escala del monde que França se'n faguèt una especialitat ambe sa television e sa premsa ...
Aqueste cop serà pas sonque la França , al pais dels dreches de l'òme , de la femna ( una es assassinada cada jorn per son espós) , de l'enfant ( son 3 a morir cada jorn dins sa familha), de guierdonar los bons escolans de la democracia, non aqueste còp seràn a d'unes europencs , mai tèrra a tèrra en matièra de democracia , veire d'òmes que creson vertadièrament a la democracia , de se prononciar sus la possibilitat reala del pòbles de causir l'autodeterminacion, un mot que nos faguèt somiar pas qu'una minuta , quora lo cridèt a la barba dels angleses le Grand Charles al Quebèc .

S'agirà pas pus de mostrar lo Bananastan , lo Tatgiquistan , lo Còngo del det , de denonciar Cuba , Siria , Iran , Iraq, Cameron e tant d'autres paises que son pas recebudas a l'examèn de Brussèlla .
Non s'agirà per dos imperialismes , l'anglés e l'espanhòl, d'una question intèrna a la fàcia del monde «civilisat» ( una question que foguèt pausada mantuns còps , mas oblidada e sebelida menimosament) la reconeissença a un drech fondamental ; e per l'Euròpa de seguir los «principis» aficats ; velhar a la bona «marcha» de la democracia, lo sistèma lo mens pièger subretot pels mèstres.
Qu'i cresi pas tròp.
Me pensi que los grands imperialismes euròpencs van pas se daissar far. Espèri que coma de costuma, nos van pas trobar quicòm de crusèl.
Euròpa es un grand mercat , de las bancas , de la finança, de la borsa, coma o volguèron los ultras-liberals. Euròpa es pas solidari ambe los pòbles que patisson (çò que revèrta un pleonasme ) . Fab demesir las leis socialas , los dreches del trabalh, lo còst del trabalh, lo sistèma de santat, l'escòla. Vesèm que se tracha diferentament Grècia , Chipre , Irlanda , Islanda , Olanda, paises del sud o del nòrd.
Per de qué los inuits de Groenland s' acaminan dapasset cap l'independéncia , alara que los Toaregs per exemple ,
mercés a França, l'auràn pas . E que van pagar car lor capuditge se contunhan de se bolegar!!!





Aucun commentaire:

Enregistrer un commentaire