Mas ont es l'esquèrra? .

Que nos demòra encara dels polits discors de l'esquèrra de 1968, de las dètz annadas LARZAC, del programe comun, l'esprit de l'eleccion de Mitterand, de Jospin, de Lang? De la debuta d'una reconeissença d' aquèla epòca de la diversitat de cultura , dels pòbles de Franca, lo drech de parlar sa lenga? Antan , an dubèrt qu'una catonièra. Pas una pòrta , mas un catonièra pichona que barran un pauc mai cada jorn sens vergonha....Ambe la bona consciénça a totes los nivèls dels òmes e de las femnas acarnissits a tuar la diversitat e la lenga d'òc.

Los òmes e las femnas los mai uniformisaires de la republica son Debre, ( Oscar d'aur) e darrièr el lo conselh constitucional que declarèt ambe lo constitucionalista Carcassonne , a perpaus de l'article 2 ( que lo francés es la sola lenga exagonala e que « coma sèm totes egals , qu'i a pas cap de minoritats , i a pas ren a demandar de mai ...Que donar un quicòm ren seriá reconéisser un drech particular....

Una femna uniformisatriça de las melhoras deu èstre guierdonada : Carrere d'Encausse la secretaria de l'acadèmia francesa , qu' escriguèt « quitament espaventada» al moment de la discutida sus la lengas regionalas, per mostrar lo dangièr de las voler salvar.

Òm a los democratas qu'òm se merita!!!

Mas que son un fum de democratas de la petita camba, i a lo Serre , lo Rocard, lo Finkelkrauft, lo Chereque , lo Rocard , l'Allegre que vei pas encara d' escaufament climatic e Toubon l'òme que prepausèt l'article 2 e tantes e maites .

Que coma sem totes egals avèm pas ren a dire.

Mas que son colhas los dictators de la planeta. A luòc de tuar , de torturar, cal respondre : « sèm totes egals alara de que volètz mai.» Venètz veire dins França eterna . La lum de la democracia. De las femnas e dels cagaròls totes egals qu'an lo drech de se calar. Venètz copiar los tèxtes de la patria dels dreches de l'òme. E champagne per totes a totes los estatges e Bordèu al Pais dels grands fromatges republicans .

Aquò's UBU....

Mas encara Fillon , Jospin , Sarkosy, Le Pen , Chirac , Melanchon Coppe e Juppe e totes aquelses democratas de la camba corta .... Mention especiala a Cerquiglini que nos coèt un embolh mèstre en trobant mai de 150 lengas dins lo poligòna francés , çò que fa qu'es impossoible de se trachar d'una tala diversitat.

Chirac aparèt los tainous , ( un pòble de las Caraibas exterminat fa tres sègles ,pels espanhòls, ambe la descobèrta d'America), França ajuda d'unas republicas del Caucasa o siberianas , de salvar sa lenga fòrça menaçada, dona d'argent e de conselhs per lo respècte de la diversitat. Coma dins Africa ...en esperant de las far espetar .

UBU rei Ubu ven aquí del costat de Paris...

Darrièr en data : lo projècte Paillon que ditz que los parents an de demandar lo bilinguisme per trapar qualques corses pels mainatges.

L'esquèrra un còp a las manetas fa la meteissa politica coma la drecha , e mai que la drecha en disent qu'a lo coratge de far çò que la drecha pòt pas far engolar als electors d'esquèrra . E lo Pcf e los verds fan l'escorsa per servar d'elegits Son complices e condemnats.

L'esquèrra de governament crei de longa trapar la simpatia de las populacions ambe la distribucion de las riquesas al nivèl, comunal , regional , estatal. Levat que lo sistèma es cuèch, marcha pas cap, que la creissença es pas pus aquí , e tot es a mand de s'arrestar.

Per mantunas rasons se tròba que lo creis contunhal , las famosas trenta gloriosas tornaran pas .Cada usina que clava marca l 'impossible retorn de l'industria un còp crebada.

L'esquèrra vòl pas veire l'evidéncia. La rason majora es que las massas inausidas d'argent amolonats a la borsa o dins los paradis fiscals ( Luxemborg e Soïssa, Islas Verges ) es en cerca de retorn sus envestiment fòrca aviat , es a dire d'envestiments de cort tèrme que revèrtan l' hold up o lo jòc al casinò .

Ièr que passèt ARTE la luta fòrça brava del mond del Larzac. 100 , 200 000 sul Larzac benlèu mai, que cridavan «gardarem lo Larzac» .

Uèi França se marida coratjosament a l'OTAN , als governaments progressistas d' Arabia Saodita, e Israèl que se bastiguèt una paret de las vergonhasa, mai bèla que la de Berlin un cop èra.

Que vire lo temps , uèi França d 'UMP o del PS seriá del costat de Pinochet de Kissinger e contre Alende....

D'aquel punt de vist qu'es venguda aquela esquèrra ? Qual pòt s'endralhar dins un movement , qu'a pondut l'ANI, qu'a donat mai de 40 miliards d'euros d'aleugeriment de cargas als patrons... Coma òm escampa sa linha a la pesca , sa pèça a la font de Trevisi, en esperant que la poténcia celèstiala o lo patron va crear d'emplècs, alara que sòmia pas que de partir dins Asia , India o Africa...

Sarkosy cavèt lo deute de 500 milliard en 5 ans . Uèi Hollande acaba de dubrir las pòrtas e los porta-monedas de las estàlvias d'aquel pais cubica , als amics de Goldman Sach....

.....arenduts a l'òrla d'un salvador fasciste... Dempuèi J D'ARC França aima fòrça los salvadors....