lundi 3 novembre 2014

Centre cultural occitan, primièra peira plantada ,


 Centre cultural occitan: la debuta de l 'òbra gròssa



Malautiá infantila de l'occitanisme e lo necitge prigond

Que i a quicòm de curiós dins lo discors occitanista lo mai sovent ausit e lo melhor interiorisat.
D'evidéncias , de postulats , de lemas es a dire un fum de vertats ressegadas , sens cap de demostracions
Per exemple:
De qu'es la posicion de l'occitanista actiu en rapòrt de la mòrt programada de la sia lenga ?
Fa 8 sègles que la lenga d'òc es forabandida , mespresada per d'unas volontats acarnassidas que venguèsse d'un rei , de l'emperador, d 'un president de la republica ,de l'esquèrra coma de drecha , encara que la diferéncia siá venguda microscòpica.

1% dels enfants son ensenhats. I a pas cap de radiò , de tele,de jornal de nivèl nacional dins Occitania per 30 % de la populacion d ' aquel pais. Alpais dels dreches de l'òme de la femna e de la canhòta.
Un fintaire estrangièr comprendriá sul pic que la francificacion de tot l'espandi exagonal e volguda dempuèi la creacion de la nacion francèsa per Innocent III es criminala.
. Un fintaire estrangièr comprendria sul pic que Franca es tot levat una democracia .
L'occitaniste el rasona pas aital. Se crei dins democracia.
Qu'es conscient de viure dins una democracia e quitament dins lo fara mondial de la democracia. Doncas demanda , parliqueja , explica prega,se troba cussonat , colhonat , emmascat dedins per aquel postulat: 1789 qu'es lo sinhal de la desliurança del monde , del pòble que lo monde entièr nos bada e nos enveja
Qu'un conse , un president cada cinq ans passa per un grand politic quand capita d'enganar l'elector de basa ambe una tropelada de promessas que seran pas jamai tengudas , vist que foguèt pas jamai question de las tener . Rusat non!! Mas me dirètz , òm faria la meteissa causa? Benlèu!
a lor placa ?
Lo conse es l'emperador del POS sol mèstre , e ganha plan sa vida , son mai de 100 000 los elegitsa se la ganhar polidament.... Lo president decidís sol de la guèrra : volètz pas de l'eurò l'auretz , de l'Europa de Masstricht , l'auretz . Avètz pas volgut dintrar o tornar dins l'OTAN , vos an pas demandat? e ben vos demandaràn pas. Un còp calguèt tuar Gadafi un òme plasent que presiguèt ,
un còp èra, lo 14 de julh e dormiguèt sus la prada elisenca , e quitament donèt d'argent a Franca per bastir una centrala nuclear e quitament pareis que donèt tanben per tornar elegir lo pichon Nicolai.
Un autre còp calguèt desquilhar Assad , d'un còp lèu preissava , e Francesco , l'enemic de las finanças , avia ja envejada la marina de guèrra , mas que los americans e lo Cameron decidiguèron qu'èra pas per aqueste còp.
Fa pas res se diguèt Francesco serà pel còp venent...
L'occitanista mejan es prèst a s'armar , puta que li donèsse un fusilh e te va partir coma en 14.
Franca critica los chaples e demandan als autres lo dever de memòria , mas los nòstres libres d'istòria de l'escòla n'en parla pas jamai del nòstre dever de memòria ? Que la crosada , los chaples dins Occitània tota. Puèi de pertot ,totjorn mai,  la guèrra als camisards ; als Choans , als comunards , los masèls de Napoleon dins tota Euròpa , puèi très còps la guèrra ambe l'Alemanha. E encara l'esclavatge dins tota Africa , e totas las guèrras colonialas , Indochina , Maghreb ,Madagascar ...
Ont es lo dever de memòria pels grands imperialismes del monde liure ?
Cent mila òmes sebelits vius , dins las trencadas , pels scrappers mentre la segonda guèrra del Buch junior dins Iraq....
Me pareis que l'occitanista actiu deuriá se remembrar de tot aquò abans de se ligar ambe lo ministèri dels afars estrangièrs per donar la leiçon al paure mond


Mas dins l'encastre de la pensada formatada , i a un subjècte ont l'occitan mejan dona tota la mesura de son conformisme , vòli parlar de l'Euròpa.
L'idèa a quicòm pròcha seria la seguenta

Ambe l'Euròpa serem mai liures , ambe l'Euròpa anem nos ganhar l'autonomia , a minima la descentralizacion , lo drech de parlar sa lenga , de servar sa cultura e sa dignitat. Deman òm rasa a gratis

Los darrièrs eveniments dins Escòcia o Catalonha nos butan a i soscar un pauc mai ...

L'euròpa es demorada muda quand s'es pas vertadièrament opausada a las creacions d'estats novèls coma Merkel , Vals  e Fabius Cameron e Rajoy.
Doncas tot çò que se pòt esperar de melhor pels pòbles minorizats es la neutralitat de l'UE que bolegarà pas sonque l'artelh pichon.
L'occitan mejan deu reconéisser que l'UE se batèt per far espetar la Iogoslavia , que daissèt espetar Checoslovacia , que s'agissiá per Alemanha de recaptar las ancianas colonias d'Euròpa centrala.

Que l'UE farà son possible per trapar e mestrejar los tudèls de gas que traversan Ucraïna e donan 60% del gas crompat per l'UE , veire que fin finala, i arribèsse pas faràn espetar aquel pais , un tròç a Slovacia , un tròç a Polonha , un bocin a Russia .... Mas que serà tot.
Per Nadal serà tot.
Bretons bascs , corses , occitans, alsacians, creòls, catalans, escossés totes los autres minorizats pòdon totjorn siblar pels chestres e esperar ....
Doncas me pareis que devèm quitar de ressegar lo mot Euròpa coma de nècis alara que los eveniments recents nos mòstran al contrari que lo respècte de las autonomias serà pas previst.
Cò que càmbia ren a la luta , mas te para de las illusions !

Aucun commentaire:

Enregistrer un commentaire