mercredi 28 janvier 2015

Syrisa, Podemos, Pinketty e los jornalistas

Syrisa , Podemos ,  Thomas Pinketty . Ont es Charlie?????.........................Cai jos Los Barbaras


A las oras de las grandas aurelhas televisualas, vièlhs e joves,e fòrca mond dins Occitania son amolonats davant lo fenestron. Totes son convencuts que sèm la mai bèla democracia del monde. Quitament quora lo rei es nud .
Quand èri jove, ieu tanben fasiái cara caca en gratant la tèrra coma un gal salvatge e bramavi que «lo sang impur asaiga las regas». Uèi quora grata la terra es per cercar dels vèrms per la pesca, e me ven la vergonha quand ausís las paraulas de la cançon. E la vergonha contunha quora m'arriba encara d' escotar las informacions que son vengudas un  borratge de clòsca a plen tuba.(coma disiàn un còp èra)
L'occitan es enfachilhat a la paraula biblica d'un PPDA o d'una C Okhrent , d'un El Kabash, d'un Pujadas es a dire los jornalistas autorisats , coma disiá Colucci un còp èra , e que nos donan a quicòm pròcha l'idèa del director de l'informacion de la cadena , nos dison çò que ne cal pensar e me fan Cag .... ( al luòc dels faches e sonque los fachas), donan de l'emocion ( es de mòda de bramar de longa a la tele que ganhes al lòtò o que contes ta vida) lo director de l'informacion dona a quicòm pròcha l' idèa politica  del president elegit. Se fasèm lo compte son pas gaire nombroses los directors de l'informacion .
Dich autrament que Charlie e Media Part devon pas amagar lo bòsc, son l'arbre ambe benlèu lo quiti Rit Encadenat que baissa la coeta de mai en mai. Totes los autres parlan quitament de la meteissa votz e , mai son venguts anglolatras ( aital s'endeven que los occitans seràn lèu los darrièrs de parlar francés, que ne  son demorats en majoritat al Grand Chic Parisenc , coma la conhada .
 ( sabem tot de d'America , cisampa, nèu , e mòrts de negres joves (mas es pas grèu ailabàs es grèu unicament dins las banlègas nòstras) , parlem pas dels malastres de la familha de Buquingam naissenças , ainat que vira nazillon e femnassièr e qu'aima de se bandar ambe sos amics ).
Si disi «autorisat a parlar» es per dire que l'informacion dins nòstre granda democracia dels fromatges es tenguda d'una man de fèr dins un gant de velós . France Inter escampèt los jornalistas que son tròp liures de paraulas e d'esperit ( Porte e autres ). France Inter a ren de comun ambe Charlie . Es pas sol , que son pas gaire los que riscan la pòrta, e numeroses los  que  riscan quitament pas ren per l'insolénçia .
Parli de l'informacion que compta , del gròs çaganh nacionals, es a dire  dels  que se parlan fòrt e gròs a l'ora que cal ( facil : segond lo principi de la publicitat, butar lo clavèl cada jorn a l'ora de la granda escota) . Parli de las televisions (levat ( ARTE a 2 oras del matin) , de las ràdios e dels sèt a uèch jornals parisencs de difusion nacionala que donan lo subjècte del jorn .

Per exemple parli de l'analisi de la votacion grèga o del movement Podemòs dins Espanha , que los nòstres jornalistas d' «investigeishun» son gaireben totes d'acòrdi , coma lo PS, l'UMP , per dire aital que .......(resumit) ...............los grècs son des panaires , de fenhantàs , los alemands son trabalhadors e pagaràn pas per los panaires ... Levat que i a d'alemands que vivon ambe lo RMI, lo RSA e autres tapa misèria e de grècs qu'an fòrça monedas a Zuric.
Dison los jornalisòts ( sens parlar per els de segur) que cal dels reformas estructurelas , çò que vòl dire cal baissar la secu , los salaris e las pensions, demesir l'escòla , clavar los trens e vendre los barratges e prendre lo bus ambe Micron? . Rocard e Jospin an mostrada la via reala lo primièr en basculant 2% dels revenguts del trabalh cap a la Borsa, lo segond en privatisant , coma un caluc (300 miliards), mai que Baladur çò qu'es pas ren. Cò qu'es normal per la drecha; qu'es per la lei del bartas , que l'eslogan es : donatz l'argent al mercat e tot finirà per s'arrengar , se regular dison .....
L' es pas per l'esquèrra que prometèt de lutar contra la finança sabètz lo Komemorator en cap ( espèri de veire se farà la de Joana d'Arc) .
Aquel discors s' ausís gaireben de pertot sus las cadenas que comptan , e dusca dins los jornals regionals coma las Despacha , Miègjorn Liure e autras avatars de jornals ( pietat pels arbres!) que fan pas que donar los ressons de la Kapitala entre quatre receptas de confitura e doas fotòs de la còla de rudbi de Cantagut Uzaguet al Bikiki Club .
Se tròba que T Pinketty un economista de primièra borra que foguèt demandat per Obama e que foguèt conselhièr economica e amic un còp èra de l'enemic de las finanças es a dire Francesco Neerlandreou ,ven de sortir un libre qu'es pesuc de legir mas que demòstra que las inegalitats pujan pus nautas que son maximòron , al nivèl de la bèla epòca , justa abans la bèla guèrra , (e las bèlas trencadas ambe lo sang impur que rajèt dins las nòstras regas a plen rajals) , al pus naut es a dire del  temps bèl de la colonizacion -esclavatge que raportava a França l' equivalent d' 1 PIB e alara que lo capital privat representava a quicòm pròcha 6 PIB
Remarca ( notatz aquò's vertat!!!!que los pais rics e liures a començar per Anglatèrra venon de butar
 l 'argent de la prostitucion e de la dròga dins lo PIB pareis que fa ganhar 3 % de PIB) ... Dins França es a l'estudi mas i vendrem. .... I a pas que los ases que càmbian pas ....
Que los revenguts del capital representavan mai de 40% dels revenguts totals. Que les revenguts dels capital quitan pas de creire e que lo 1 % dels mai rics ten mai de riquesas que lo demai de la populacion. Mòstra Pinketty que lo deute aprofiècha totjorn a n' aquel 1 del cent que prèsta a l'Estat ( vist que pòt) e que lo dich deute es abans tot nacional a 80%).
Lo problèma ara es qu'es pas pus possible (pels rics)de rentabilisar aquelas montanhas d'argent , que sabon pas mai ont las claure . Als USA la FED a fabricat des montanhas de bons d'Estat que son crompats pels aquelses 1% , l'american d'en bas ne'n vejèt pas la color. . E la BCE ven de far tot parièr. Normalament n'en veirem pas mai  que l'american del bas .
Fin finala ressègan que cal remborsar lo manlèu çò que nos dison lo PS e l'UMP e los jornalistas de las cadenas «nacionalas» es a dire prendre sus la secu , l'escòla , los salaris, las retiradas , sens dire que sufirà a pro pena per pagar los interèsses del manlèu, sens podar remborsar lo principal, es a dire donar encara e totjorn mai de la riquesa creada als assadolats , lo deute es l'istòria jamai acabada del pan per finir lo formatge e del formatge per acabar lo pan.

T Pinketty prepausa de reformar completament lo sistèma de las talhas .Se remembra consí èra l'idèa mèstra del programa del candidat Hollande ... Aquò's lo programa de Siriza e de Podemos tant criticats per Moscovici ( e un fum d'autres del PS)e lo Figaro e France Culture e Lo Monde e autres pivelats de las reformas estructuralas levat per els!!!!! Les Charlots de Charlie
Sortir d'aquela engana absurda que nos mena a la misèria ambe una riquesa coma n'i aguèt jamai e qu'es jamai mostrada del det pels jornalistas d'investigeishun à la francesa , ( sabètz los que se prenon per Charlie e que son de mariòtas) e las solucions que ne'n parlan pas jamai, levat per se'n trufar..
N' es pas Charlie lo que vòl! Ne cal de c....
Ara ne sèm al caireforc siá sortir ambe l'esquèrra vertadièra , la rason,  e  tornar inventar  la democracia a començar pel nivèl de la  comuna (lo modèla soïssa de votacion mòstra un camin possible) , siá se retrobar ambe la pèsta negra... 
Devinatz qual nos butar cada jorn un pauc mai cap a la pèsta? 


Aucun commentaire:

Enregistrer un commentaire