Des anciens empires de l'UE ..................a Lampedusa


Comèrci dels esclaus , esclavatge, colonias, puèi imperialisme



L'UE existís pas al nivèl social. L' UE es venguda un aplech pels poders financièrs.
Qu'òm pense a l'istòria , e lo fara de la democracia e les nacions europencas rabalaràn longtemps encara, lo bolet dels genocidis des la populacions negras , tant mentre las raziàs, que de l' encaminament cap als pòrts , puèi mentre la traversada de l'ocean, qu' un brave tèrç morissián , veire la mitat , puèi en seguida, pel trabalh dins los camps de canas de sucre, de coton, que la durada de la vida trespassava pas cinc ans
Aparentament , la majora part dels donaires de leiçon de democracia e de respècte de la diversitat (dins Africa) son pas esclafats pels pentiments e an pas encara fach lor dever de memòria. ( podèm pas recaptar tota la misèria del monde dison!!!)
Solide que lo trafec d'umans faguèt la fortuna de Bordèu, de Nantes e permetèt d' acabar lo meravelhós castèl de Versailles.
Sul sicut França se distinguèt en quequejant dos còps per forabandir lo comèrci d'esclaus , e benlèu tres còps per arrestar l'esclavatge , mas per impausar sul pic lo trabalh obligatòria (una mena de STO) aquò's vos remembra ren ?
Puèi Napoleon III , Louis Phillipe , Ferry s'espelfòrcaran ( pensi a aquelas putas d'angléses totjorn davant) de «nos» talhar un emperi subretot dins Africa , ambe lo justificatiu moral de portar los «lums» als pòbles endarrieirats. Mas l' economista Pinkiti nos ditz qu'aquela ajuda nos raportèt cada an, l'equivalent d'un PIB. Polit per d'ajuda desinteressada.
Quand èri escolan , dins cada classa , dusc'en 1959 òm trobava las mapas grandas sus las parets. Ambe en roge l'emperi colonial francés , e escrich gròs , AOF , AEF , Afrique del Nòrd , Madagascar, Indochina , e de poscosas possessions de pertot a la susfàcia de la Terra. Me sovèni que lo regent nos enrabiava ambe la falsetat anglesa, que nos avian panada Índia , America, e te sabi pas que mai .
D'un autre costat , aquò nos fasiá bombar lo pitre , que nosautres «franceses» èrem braves, de portar lo benastre a de paures negres «bestiassons» .
E d'oblidar totes, que gaireben totes los trabalhadors de l' epòca , dins França vivián al ras de la misèria, o quitament dedins.
Ambe la descolonisacion las nacions europencas ( puslèu lo poder politico financièr qui comanda dempuèi totjorn) daissèt pas tombar lo bocin de fromatge e l' imperialisme , sens cap de besonh de consideracion morala , permetèt d' asservir melhor las populacions africanas , lo «Tèrç Monde» , amb l'ajuda de la corrupcion , del nepotisme, del pilhatge de las riquesas, del chaple de menaires se besonh (Lubumba e autres ).
Africa pòrta la plaga dubèrta d'aquela tortura vièlha de mai de cinc sègles , e uèi de milierat de miserables se nègan , o venon s' encalar dins de barracaments que revèrtan los dels camps de cana a sucre de Haiti dels sègles passats . Una vergonha.
Qual pòt creire encara qu'aquela l'UE posca far quicòm pel benastre dels pòbles, uèi ?

Commentaires

Posts les plus consultés de ce blog

Encara una nuèch

l'escorsa