Euròpa de las bancas o Euròpa dels pòbles? Es temps de quitar UE!

Euròpa de las bancas o Euròpa dels pòbles ? 

 

L'UE a ganhat las retiradas van demesir,  Grècia ....

Aparentament degun se posa pas gaire la question tant repàpian ( per pas dire mai) amb aquela Euròpa dels pòbles , los que nos conflan dempuèi un brave  briu , ambe lo miratge d'una Euròpa generosa , respectuosa de las libertats elementàrias que farà que deman ambe Mamà Euròpa , cada pòble se farà ausir dins sa lenga , e chucarà quand volrà a la mamèla inagotabla , per los sègles dels sègles , e ben , totes aquels nècis s'enganan dusca' l coïde  .

Fa jà un moment qu' ambe lo deute , los pòbles ( italians , espanhòls, catalans, bascas portugueses, franceses, bretons , occitans, alsacians, creòls son forçats de se sarrar la cencha , es a dire de trabalhar pus per ganhar mens , de pagar mai de talhas , de veire que son escòla , son espital , sa justícia , la libertat de la premse , dels ciutadans , sa securitat garrelejan e que mamà Euròpa e son emperador de Franca , Francesco Banco man dins la man ambe ambe Angela Satanas , dison als pòbles la man sul còr : desmèrda te.

Pr'aquò mantunes catalans, occitans contunhan de bramar Euròpa Euròpa Euròpa coma se ren non èra .

Ara las causas son claras : son a mand de sagnar Grècia e nos envejan un senhal clar que ditz :  gara a vos fintaz los grècs . Dins nòstre fara de la democracia de structura papala vesem plan que :

• securitat : sèm totes espigats del matin al ser . Una costuma aici. L'abitud del flicatge frances que comencèt ambe l' inquisision en çò nòstre . Mai espandida uèi, tant que  lo quiti president pòt pas far una lofa sens èsser registrat pel NSA .
• escòla: sabèm totes que l'escòla laïca dins França es una usina a gaz que servis subretot a envejar 90% dels enfants de las classas favorisadas de Paris , per encapar las escòlas parisencas famosas  ont traparan lo poder de son paire. E que i a pas mai de 1% d'enfants d'obrièrs o de paisans dins aquelas  grandas escòlas.
• justicia : Karachi , Betancourt, e tant e maites  , val melhor se calar !
• santat publica: l'espital tardarà pas d' espetar , per dire los joves cirurgians remplacan los baiardièrs (vertat), las infirmièras fan las servicialas e passan los pelhons (vertat) abans de dintrar a l'ostal .....! (l'ai vist)
• securitat: coma lo caumatge es a 25% pels joves ,  non es possible de garantir la securitat. Aquò's normal!
• politica: un governament socialista destrusís pauc a pauc las proteccions socialas dels trabalhadors , çò qu'afortís cada jorn un pauc mai lo partit fascista . A l'estrangièr Fabius ajuda los financièrs a sanhar Grècia, qu'es pus aisse qu'un republican american  .
• Enfin la PATZ : principal argument dels Euròbestiassons, es plombada dusca a la coèta . Dempuèi la debuta los americans , d'òmes que trantalhan pas jamai de far la guèrra a l'estrangièr, son en passa de preparar quicòm de polit ambe Ukraïna, Polònia, Suèda ece  e que van crear una basa militaria dins cada pais de l' ex «cortina de fèrre» , çò que al passatge, es contrari als acòrds passats ambe Gorbachev a l'epòca . Normalament se tot va plan, van capitar de nos alucar un fuòc d'artificis que trespassarà totes los autres !!!! Au mens 300 millions de mòrts !!!

La reaccion normala serià de se tirar lèu lèu de l'UE de las bancas , coma los angleses, e de se sortir d'aquel ventre flac que sentis a crisi , a guèrras , e que serà lèu un camp batalhièr.

Mas la question serà pas pausada ! Que sèm pas una democracia nosautres!!!!! Lo 18  èra l'aniversari de Waterloo. Deurià  nos remembrar que sèm, los  pòbles d'Euròpa,  de la carn pels canons .