eroïna e cocaïna las tetas, sorgas de potencia

Colombia e Afganistan  tenon un punt comun , que son campions del monde dels productors de dròga , cadun dins son domeni ? Oblidam pas  qu'en 2008 , pareis que foguèt l'argent de la dròga que sauvèt Wall Street  e del meteis còp lo monde "liure" d'un fracatge encara mai grand.

 
 Colombia : "campion" per la cocaïna

Los dos paises an un punt comun , que son campions del monde dels productors de dròga , cadun dins son domeni ?

Lo primièr pais , Colómbia passèt jos mestritge american ambe l'operacion Condor de trista memòria e o demorèt.  Un chaple organisat pels USA al nivèl d'America del sud d'un fum de sindicalistas e d'òmes e de femnas d' esquèrra, per combatre lo comunisme, que se tradusiguèt per de centenats de milièrs de mòrts , e que valguèt pr'aquò a Kissinguer d'èstre guerdonat del prèmi Nobel.

Aital Colómbia venguèt  lo primièr productor mondial de cocaïna (70%) e mai siá pas lo primièr productor de còca. Totes nos remembram de l' avaliment del cartèl de Medellin, e de la luta contra los FARCS ( que contunha) , levat que tot contunha coma se res non èra, del punt de vist de la circulacion e de la produccion de la dròga .

 
Afganistan : campion per eroïna

Lo segond pais , Afganistan , jos mestritge american , après la desfacha sovietica , venguèt tanben après l'intervencion dels aligats del monde "liure", lo primièr productor d' eroïna (85%). Aquel pais panèt la primièra plaça al triangle d' aur que se trobava escambarlat sus tres pais d'Asia del sud , Birmania , Tailàndia e Laòs . Dins Afganistan, me sovèni d'una fotò que mostrava un car arrestat davant un camp de pavòts !!!!!Me remembri que los USA fasián mens de manièras al Vietnam ambe lo Rond Up sonat tanben agent orange .

Solide que los USA menan la luta contra los traficants de dròga , per empachar l'arribada de dròga sul territòri seu .

Benlèu que s' aparan del poison, mentre que lo laissan vendre per d'autres, endacòm mai .

Pareis qu' Africa es a mand de venir lo primièr consomator d'aquelas drògas traficadas .

Alara , (per la dròga), òm pòt se pausar la question : « Qual comanda lo monde ? Los USA ? La màfia? Los dos aligats?  qualques còps ? De longa?

L'eroïna e la cocaïna,  son las tetas de la potencia mondiala mas qual molzon las bestias ?