dimanche 2 août 2015

sasons


  Sasons


Darrièr estiu dins lo barri voide
Òmes, bestiàs e aucèls partits,
Finti l'avenir, apiejat suls coides
Al mes d' agost e sos jorns acorchits ,

Darrièra fuèlha que frenís al vent
davalada del primièr tremolament?
Sembla terribla la man que te sarra,
a mormolhar ton adieu a la tèrra ;

Serà lo darrièr ivèrn? sason grisa;
Un cocon de vèspa se balança a la bisa,
Una aranha lo pleguèt dins un mantèl de seda,
Lo papach-ros furga entre fuèlhas e caladas .

Un matin, veirai la flor dels ametlièrs
paréisser al mitan del carrèl blanc de gibre
Serà la prima ? lo temps de clavar lo grand libre?
se carrar dins la tèrra tebesa, al mitan dels rosièrs,

Las darrièras sasons seràn bèlas
Ambe lor costuma d'espaurugal,
Van me parar la man per Carnaval ,
Per viatjar e dormir entre sas alas 
AF

Aucun commentaire:

Enregistrer un commentaire