vendredi 26 mai 2017

pol pot, assad,poutine, chavez, castro, bolivar, staline, e Melanchon


 Cap Creus de FM



Soi rendut, crebat , cansat de parlar ambe de robòts.  Quand disì poder ciutadan  ;  me dison Pòl PÒT, parli revocacion  contra-ròtle d'elegit, me dison Assad, disì fin de la republica monarquia, constituanta,  en seguida la  demission de Melanchon, respondon Chavez, disi amassadas popularas e delegacion parciala als elegits , respondon Castro, disì fin de l'energia atomica , respondon Antisemitisme, disì augmentacion del SMIC respondon Assad, disì egalitat òme femna respondon Populisme. Disì que los  Insomeses son arribats davant al Clapas , a Tolosa , a Marselha , repondon Pol Pot , disì securitat sociala universala, respondon Hitler ...  Disì retirada pels artesans dison Assad .Lo movement perpetual...
Levat lo POC , maridat al PS que vòl sos quatre elegits e que se tròban dins la meteissa dralha que lo PC,  o los trotquistas que tròban que la revolucion es pas encara madura , aquò's  una parlicada a la Goebbels, a la UBU rei. S'agís pas d' escambiar, mas de mespres ,  s'agìs  d' afortir un imatge,  la qu'es donada pels mediás francimands dins lor majoritat, ambe çò de pus òrre, bèstia , neci,  trach de l'istòria o de l'actualitat , sens pensar una segonda l'occitanisme politica , s'agìs  subretot de desconéisser l'estacament dels occitans a la sociala, al sovenir  de Jaurès . Vòlon pas veire JLM, coma un pòrta paraula dels insomeses, del programa fargat PELS Insomeses , lo pus bèl movement  popular d'esquèrra dempuèi mai 68 ,  ambe  mai de 400 000 sòcis,  comunistas , verds , front d'esquèrra, sens partits,  FN (re)convertits,  totes mesclats, non te  respondon sens vergonha «problème de démocratie», subretot  vòlon pas veire lo programa , lo vam popular, an pas ren a dire sul programa ( e doncas de parlar de  la pòrta dubèrta sus un autre avenidor per la lenga occitana), benlèu an pas sonque l'enveja de ne parlar,  vòlon pas de las milantas paraulas, de las milas amassadas dels insomeses, o de nuèches quilhat,  se'n tenon a un esquèma, fargat pel «meanstream» parisenc , levat  que ,   se'n manquèt pas gaire, a siès cents mila votz prèp avian Stalina dison .  A aqueste nivèl podem dire que sèm mòrts . Se los occitanistas mesclan lor mespres a lo dels mèstres.
Lor diriái Penicilline, me respondrián Pol Pot. Que dire mai? Consí encara parlar de causida politica occitana , quora los responsables,  e autres sembla-occitanistas son quitament pas capables de comprene, d' ensajar de s' apiejar aquí sus, per se reviscolar,  de s' aviadar , de se mesclar als  milions d'occitans que vòlon mai de justícia , de santat , d'educacion , de securitat que vòlon pas d'aquèta euròpa otanisada , financiarisada, anti sociala,  que vòlon salvar la diversitat de la Tèrra e tanben la de  las lengas , que vòlon sortir d'aquela monarquia republicana e quitament comunala ( lo Mossu de la comuna! ), d'occitans que vòlon de dreches socials garantits ambe de règlas fixadas pel còdi del trabalh , ( règlas que totes los autres politics vòlon trucar e tombar, a començar pel PS.
Òc parlatz als insomeses ,  e veiretz que dins lor immensa majoritat ,  escotan lo paraula occitana , e que comprenon la volontat e la necessitat de salvar la lenga d'òc,   coma me foguèt donat d'o coneisser mentre doas campanhas a las municipalas, ambe lo POC puèi ambe Bastir!?!?
Arrèsti aquí.
Que dire mai en esperant.
Plan lo bonjorn d'un insomes es a dire  un amic de  Pol Pot , Assad, Castro, Chavez, Hitler , Theodorakis ( que faguèt pas que denonciar lo sicut de la Palestina) a e oblidavi de POUTINE lo preferit de totes , l'enemic aimat dels «occitanistas umanistas  » .
Te qu'ai de nierons dins las bledas , un còp de Potine  segur! E i a encara los cats que venon cagar dins l'òrt, POUTINE encara ?E òc.  Mas de que fa l'OTAN?

Aucun commentaire:

Enregistrer un commentaire