occitanissima

Fèsta de la calandreta de Mureth dissabte 3 d'abriu , a 17 ora a Estantens . Quine e baleti ame lo grop de Lopez... Venètz vos agradar e gasanhar de lòts de mai de cent euròs....

L a prima, arriba florida, tala una nòvia amorosa, L a margarida , la violeta , lo blavet nòlon L 'ivèrn clava l'annada e los merlhes tornan cantar S a cançon de naissança, de dòl , e de fisança. L a prima espelís enfin , e deman a prima alba , A gacharem l'avelanièr fuèlhar e desborrar... D ire qu'un fum d'èstres quitan lo vaissèl arroïnat ; E ntre que los milions de nèns chucan son sen d'ivòri...

La còla occitana de rudbi, vend de gasanhar lo grand chelem del tornèg de las siès nacions. França es estavanida de benastre. Occitans , catalans e bascs an donat de la grandor a França...Lo match se debanarà totjorn a Paris, a Saint Denis per la grandor etèrna de França. Mas aquesta França es pas meuna coma o cantava Ferrat. Eleccions regionalas: lo grand satan es tornat. Lo paire e la filha Le Pen, que coneisson pas las cambras al gas d'Auschwitz que tuèron enfants, femnas e vièlhs per millions. Que França los aima lo paire e la filha. Coma aimèt Petain, l'amic d'Hitler de Franco, e de Mussolini. Consi trapar enveja d'aquela societat e d'aquel avenir?

Lo fascisme es tornat. Ambe la prima. Dins Provença. Paura Occitania. Los quites bastards SS del FN qu'an oblidat l'existéncia de las cambras de la mòrt. Nos an parlat de burka , d'identitat , l'UMP . La resulta l'avem 50% del electors malcorats e pescaires, e los autres , ame sonque la quitia volontat de creire , que fan un acte ciutadan.... Malgrat, l'avenir negre del liberalisme mondialisat... Los nòstres enemics per deman. Los enemics de l'òme e de la libertat. La raça nòva e eterna dels jacobins de la drècha ultima, la que faguèt la rafle del Vel d'hiv... La raça obeissanta . Nascuda d'un rei Jacobin ? Que pichonèt Le Pen a la fin de la guèrra d'Argeria. ? Ame totas las vièlhas istòrias del replegament franchimand sus la puretat originèla de França de Sant Lois a Joana d'Arc ... Sens oblidar las pensadas moisidas del Marechal... Que podem pas somiar ame elses un monde esclau.Non? Non que podem pas somiar d'avenir...

La Montanha Dius que la montanha es bèla. Consí se pòt imagenar A l'ombra de la torre Eiffela. De tornar viure ailabàs. La vinha cor dins lo bartas Cap de vin raja de cap de canèla. Lo grand s' eissuga al revèrs , De sa vèsta de trimaire. Cerca una ceba dins l'escudèla Parla solet sa lenga muda. Gaita lo cèl plorar d' estèlas Ame la filha de l'ajuda sociala. Que li ven far lo recapte, Tròban la montanha bèla. Per astre, pòt pas veire l'ostal. Arroïnat dins la castanhal. Li demòra un felen, amont, Que canta sol, jos la teulada, Son lagui del país de l'aujòl. La paur del seu còr que pulsa. D'esglai, davant las milas fenèstras Tampadas sus l'immensa solèsa . AF

Una miètja d'eurò per an e per estajant? Per sauvar la lenga d'òc? França apara las lengas e los jogaires de vent. Lo monde tote comprenguèt que França s'en chauta de la diversitat linguistica... Aquel pais ara fa ren de ren del matin al ser , per aparar lo sèu patrimòni. França es venguda sonque un païs de cossards . Benaurença, Nicolas causiguèt l' espèr ambe Charasse , que vei mila lengas dins Auvernha , e un million d'Issoire e Lemdes, un saberut lo tipe , reina de las formigas , qu'aima lo bon vin e los tripos. Mas que per la diversitat sabem plan que cal melhor demandar a l'academia qué !. Qu'elses son, de vertadièrs aparaires que pagem nosautres ambe las talhas .... Per aquò far una miètja d'eurò, per la nòstra lenga, aquò's pas gaire non?

Blau blanc roge. Roge Blanc Blau . Blanc Blau Blau. Roge roge roge. Coma lo verd... Lagremas rojas blanc blau . Lagremas rojas blau blanc . Una estèla al cèl negre se vestis de blanc. Blanc Blau Roge Las colors del vin. Ambe las lagremas amai