vendredi 30 avril 2010

amorosa


La cançon oblidada, ,

Es la d'una occitana ,

Polida al mes de mai,

E que canta mai que mai,

Quand se tròba amorosa .

dimanche 25 avril 2010

bar de la glicina

Meravilhos, marvelos , bar of la glicina,

Ont lo mond , the word , came to dry, to beure , enough.

Sens far de grimaças, that the boss , a woman, put his pants,

In front of the table , a solelh colc , dins lo fuèlhum,

Entre que ressontis la campana linda e l'escarapetal,

fòrt, del pastis natural , trach d'una barrica de garric ecologica desbondada.

Aital l'aneth, tal un remembre forgiven, that we have to drink 40 years ago.

That the mothers give us, tal a milk d'una cabra lubrica.

A biker, pren sa monina sens davalar de moto,

Wait for the revolucion en agachant lo string de la patrona.

Quitament una mena de burka pel clitoris...

E wait for the Che ... as others wait for Elvis.



jeudi 22 avril 2010

Innocent III

Lo papa Innocent III , lo mal sonat, (qu'es colpabla de tot) rescontrèt lo rei de França un jorn a Sant Denis, e òc (mas que capite pas de trobar lo libre ont o legiguèri) . Parli pas de la carrièra Sant Denis, mas de la basilica, ont totes avian per tòca de se far coronar rei , per cridas «spontanèas» quitament , malgrat que foguèsson escomenjats . Pel Papa s'agissiá pas sonque de catarinòts dins Lauragais, mas puslèu de la dintrada de las talhas dins un país aimat : lo nòstre.

L'Innocent III èra quitament encapriçat per la question del poder . Se teniá un prètzfach solide , que voliá davant tot escapar a la lei de l'emperador germanica, que lo comandava , e òc, e que li deviá obediéncia, e encara mai, o a aquel emperador de Constantinòple( ont auriá degut demandar tanben la permission d'èstre Papa) , fotre encara quitament demandar la permission d' èstre Papa, amaginètz un pauc , pus grèu, que li caliá escapar de las arpas del rei espanhòl, que començava de lo conflar coma cal, ame la sia reconquista , lo rei d'Aragon, e que seguissiá lo meteis camin torçut germanic, a mai teniá encara suls braçes l'afar del rei anglés que començava de s'alargar liurament, bravament e , de s'alunhar de l'autoritat de Sant Peire.

Li calia donc trobar un rei , petit mas, orgulhos, agantaire coma un rotveler, pron poderós per l'ajudar d' adomergir aquelses mondes putassièrs, per natura e panaires geneticament . Dius que la glèisa es mal plaçada auèi, per criticar la filha ainada de la glèisa, per exemple , vist que li aprenguèt tot de panar, de A dusca Z, e que l'estat francés es la còpia con forma de l'organisacion catolica de recaptage de las talhas de Roma .

E que França faguèt milhor que la glèisa per las talhas , mas que se remembre ren de ren...E vòl pas mercejar.

Levat que dins lo miègjorn de las annadas 1100 las talhas dintravan pas.

A l'amagat ,desparlèron totes dos de Cleméncia Isaura , la paura ela qu'èra esmoguda d'escotar la poësia trobadorenca.

Coneissètz la seguida.

E dempuèi quitan pas de nos em....

mercredi 21 avril 2010

AMAP DE PORTET


Creacion de l'Amap de Portet 31

Esperem totes de nos assegurar de la qualitat dels legums que minjam, e amai de l'abséncia de pesticids o d' èrbicids de totas menas. Esperem totes lo manten d'una agricultura familhala , ecologica, de proximitat, la sola que pòd assegurar la qualitat esperada. Aquestas tòcas son las de totas las AMAP de la region Miègjorn Pirenèus . Es a dire l' union d'un cèrt nombre de familhas ( de 15 a 40), amassadas dins una AMAP( Associacion pel Manten d'una Agricultura Pacana) .
Aquò's dins l'encastre del malhum regional AMAP qu'esperem de bastir l'AMAP de Portet 31 . S'agis d'establir un ligam de proximitat, de fisança ame un ortalhièr de Portet. L'Amap de Portet 31 es un enfant del modèl del malhum regional de Miègjorn Pirenèus, que nos assegurarà de son ajuda amistadosa dins aquela passa de portadura.
Qu'esperetz trapar d'entresenhas , e podretz vistalhar lo nòstre siti : http://amapportet.canalblog.com/ ont trobarètz çò que cal.
-Per de qué una AMA
-Consi fan grèlhar los legums?

Qual es la toca de l'AMAP? ( Carcul de la part de culhida, de la desca familhala , del biais de distribuir los legums , de la possibilitat de vistalhar la bòria eca...
quant costa tot aquò? Consi pagarem...
drèches e obligacions de las familhas , de l'ortalièr . La PACHA.
Las inscripcions se pòdon far prèp de Dòna Vanessa: tel 05 61 86 58 51. (veire lo blòg).
Las familhas interessadas pòiràn participar a l' acamp de Portet. ( data per ara desconeguda) Mas que ren serà possible sens lo trabalh de cadun a mai d'en primièr lo de l'agricultor.
Dins un temps autre , a la bòria, cada familha aurà de senhar lo seu contrach personal ame l' agricultor , e tanben passar las comandas per la sia part de culhida , servada per el.

Lo comitat benevòl de guidatge de l'AMAP de Portet 31



NDLR : l'aucèl occitan contunha de cantar.

mardi 20 avril 2010

jeudi 15 avril 2010

retirada 2050

Aquel òme estabosit ven de recaupre son butletin de pension en 2050.Se sona Jules Fillon , un nebot del grand secutaire,'scusa, que non, m'engane, benlèu se sona Alfred Jospin. L'enfant del aujòl banut.Sabètz lo decebut de Cintegamela , mas puta que non ,Se sona pas Jospin, se sona Wiliam Jupe,o Franky Strausskhan.

Non pas lo musicaire... De la valsa Blava

Puta que fan la gula los tipes , que trobon que n'an pas gaire d'argent sul butletin .

Son lors quites paires que nos dison a l'ora d'ara : «sabètz quant costara la retirada en 2050?"

E ièu lor respondi sabètz quant nos costaràn las privatisacions en 2050?

Ame las privatisacions auèi, nos cal donar mai de 140 milliards cada an als feneants de la borsa .

Fasètz lo compte al cap las privatisacions , amai l'aparador fiscal e amai las tutas fiscalas ;

nos costaran mai de 10 000 MILLIARDS d'euros... Per 600 000 cuòls pelats de rics que seron partits se pelar als Maldives o endacòm mai.

Pas estonant que los filhs dels grands sachems faguèssen lo morre...

E dire que nos cercan brègas per 2 000 millards per 40 000 000 millions de paures colhons..

Vergonha vergonha vergonha.....

lundi 12 avril 2010

Malanconia


La filha roja e blanca e blava
Joga dins los plècs de sa rauba
Dis que vòl pas jogar al jòc
De la que trapa l'electrò chòt
Dius que la filha es redonda
Qu'alacharià,de mengonièrs?
La filha roja e jauna e bruna.
Mondina qu''espèra sa pruna.
La que grèlha sens prunièrs
D'aquel monde de messorguièr.
Sens permejar sa paura lenga,
Cansada, de chucar de pertot,
Unes Dius ceslestials e crudèls.
Que dison la sia mòrt venenta.
Qu'es aquò? Se minjar sa lenga?
Que cantèsse un chic encara.?
Per estre mai fòrt que la mòrt...
E que demòre poderos l'òs viu,
Dins l'òrt estrèch de la nuèch blanca....

jeudi 8 avril 2010

socialisme carcassonès

A Carcassona e endacòm mai sabem plan consi nos veson a nosautres los occitanòmaniacs' , aquelses socialistes del darrièr chuc, los eiritièrs garrèls , las moninas, dels grands dabancièrs, ailas, nos mesprèson, amai nos tròbon ridiculs , falords ,estranhs, curios , capòrcs , nècis , pietados, que lo socialista mièjornal es vengut mantun còp apatride , se'n chauta dels aujòls, sabon pas tres mots de la sia lenga e ne son fièrs , levat que sabon pas gaire mai escriure lo francès, son pas que caps voides e mans paradas, per las subvencions , la riquèsa per el, la sia familha, e fier d'aquel estatut d'esclau mièjornal que parlan sens accent , e que ten sus lo sèu còr, sarradas, las claus de las pòrtas dels bronzes cuols gigants, de Marianne.

Avètz dich socialiste, bizarr, bizarr, tendencia Minc, socialisme chic millardari militant , estile : dona me la publicitat de France Television que te parlèsse de socialisme , o lo socialisme de Kotchener, lo socialisme de la saca de ris, mediatic , tendencia San German, o encara Lo socialisme Jospinal que volguèt jamai, subretot pas, se mesclar de las afars de Michelin, malgrat que donèsse de milliards , que l'estat ten pas per vodacion, diguèt el jospinaire, de se mesclar de las afars dels patrons, remirable aquel òme que dona d'argent ,coma Charasse , el tanben un monument del socialisme provincial e franchouillard , mas discretament sens pareisser, sens demandar ren en escambia , un gentlemen que. O encara socialiste d'un biais coma Stauss Khan , lo Gengis Khan del FMI (limite comuniste un repapiaire socialiste liberal e mondialisat, majora plaga qu'anem nos pagar en 2012, e que nos farà minjar l'èrba coma Attila) o coma Lamic de l'OMC l'organisacion que sanhèt mantuns pais paures , que gausavan de viure normalament sens se trachar dels actionnaris , coma los rics ame escolas , ospitals e autres servicis publics.

Que fotralets! Vergonha vergonha

O sabi qual socialiste a la mòda de Rocard, o d'Attali aquelses de braves roges qu'un sauvèt Renault en lo donant al palais Bronhartk , lo qual lo donèt a Carlos Gosn qu'el ensajèt de lo donar als seus amics. Se lo volguèsse servar ame sos amics . Normal aquò's uman. Que n'es fièron lo .Rocarth ame dos pòts d'escapament, tala una petroleta . Alara i sem , volètz del socialisme d'Allegre , de Besson. Lo socialisme de Freche, de Melanchon, de Vals , de Le Pen? Scusa Le Pen es pas socialista . Me remebre lo tipe que vol de mosquèas de pertot .

Tot aquo per dire : « mas a Carcassona , qual es aquela aquela mèna de socialisme ? Tendencia Goebels? Tendencia Club Med? Tendencia Edouard Leclerc.

Benlèu... Se pòd . 'fant de puta .... Qu'una raça pòd n' amagar l'autra. M'i perdi....

Al secors Jaures ....... Torna....