lundi 21 janvier 2013

J - 5 Muret 1213 bataille ou massacre?



Je persiste.....  et je signe
La crosada arribèt lo 11 de setembre a Murèth. Tre ara los evesques quitèron pas de demandar al rei d'Aragon de se sometre a la lei d' Innocent III, e d' abandonar lo conhat , es a dire RamonVI, qu'èra parei un pauc tròp amistadós ambe los catars .
La velha los tolosencs avian gaireben pres la vila vièlha . Mas lo rei d' Aragon los arrestèt e lor demandèt de quitar la ciutat . Que voliá d'una luta leiala entre de cavalièrs.
Cal dire qu'un còp èra, los fantassins participavan pas gaire a la batèsta se que non per despolhar los mòrts.
Lo 12 de setembre Montfòrt se levèt . Se diguèt que teniá benlèu un plan del bon.

Diguèt als companhs , qu'avia soscat tota la nuèch, e que vesiá pas d'autres biais que de caminar sus un sendièr estrech al mitan, de las sanhas per tombar drechament dins lo camp reial, ( pròba que d'unes l'aconselhavan polidament) ... Qu' aital avia la possibilitat de vencir. Mas que se sortissiá pas del camp, lo rei, per venir luchar, alara lor caldriá partir aviat cap a Auvilar ( un fòrt amic del costat de Moissac)
Tota la matinada los tolosencs tornèron ataquar la pòrta de Tolosa, mas capitèron pas de dintrar coma i arribèron lo onze.
Tota la matinada un evesque venguèt pregar lo rei de quitar Raimon VI e d'obedir al pus jove papa de l'istòria (Innocent III Papa sens esser sonque vengut abat drechament nomenat archidiacre per son oncle, qu'es de la familha de Senhi que donèt mai de set papas a la Cristianitat). Lo rei n' ajèt un brave confle de l'escotar prechar ).
Tenguèt conselh ambe sos aligats . Raymon VI diguèt que se calia afortir dins son camp, esperar la butada dels crosats a l'abric, ambe l'ajuda dels arcbalestièrs , e las maquinas de guèrra. Mas fin finala Raimon VI se calèt e diguèt e que fariá coma o voldriá lo rei.
E lo rei voliá sa batalha de cavalièrs dins una prada polida , ambe un brave public ( 25000 tolosencs estrambordats a 'idèa de la jota...)
Cal saupre que cada cavalièr met un punt d'onor de mostrar sas colors , sa bandièra, subretot se i a una bèla que lo finta far la pròba de sa valentisa .
Son armura sola fa mai de 30 quilograma pareis, cubrís lo pitre , las ancas , las cambas los pès, mas i a encara lo heaume , l'espasa , e l'aparament del caval encara mai pesuc. Un còp arnescat òme e bèstia te fan gaireben un centenat de kilo de mai.
Detalh que compta dins l'istòria que cal una mièja ora per se preparar.
Autre detalh: normalament los cavalièrs enemics se meton cap a cap, se causisson per reng de noblesa, o de valor . Aquò's l'esperit de la cavalariá .
Arriba lo moment de la batèsta. La carga se debana sus un espandi pron cort . A la debuta lo cavalièr s' avança al pas, cap a l'enemic causit, puèi lo caval passa al tròt, puèi al salòp, enfin arriba la carga (sul dos cents darrièrs mètres ).
Que tant l'òme que lo caval son tròp cargats per i tornar tota la jornada .

Lo rei d' Aragon vòl una batèsta aital , entre cavalièrs .



Tota la matinada los evesques que comandan a Monfòrt parliquèjan.
A miègjorn , un «espion» ven ensenhar Montfort que lo rei dina. ( dixit Mathieu de Paris) , Montfort respond que li portarà lo primièr plat. Pròba que qualqu'un sap ont se tròba lo rei , ....
Se vira cap als evesques, e lor ditz que cal quitar de rasonar lo rei, e que tot aquò pòrta ren de bon ...
Los evesques dison de òc:
  • primièra rusa : fan mina de partir , de se retirar , fan quitament arnescar los cavals coma s'èra a mand de caminar cap a Autariva... Sortís per la pòrta de Salles ( ostal de retirada actual), puèi monta al long del valat de las alèias Niel dusca a una pichona plaça. ( ont totes pòdon veire ont se tròba la tenda ont lo rei dina.
  • Mas torna dins Murèt, al luòc de passar lo pont , pren per la giberna , arriba a l'ostal de comuna actual, passa la Loja al pont vièlh de Loja , a l'abric de la Tòrre Prima de 50 mètres d'auçada.
Remembrem nos qu' en fàcia son partits manjar. Un fum de tolosencs, qu'an pas ren ausit de çò qu'arriba , se faràn chaplar pels crosats en tornant de manjar. L'evesque Folques lor dirà de cridar cèba , que lo rei es mòrt, pròba que de la torre Prima podián tot veire , e pròba encara que tot aquò se debanèt al ras de Murèth ( disèm entre la rota de Lamasquèra , lo cementèri , lo camin de la Pradeta e lo baloard de Peyramon (VI )
  • Montfort ribejan d'escondon Loja costat esquèrra , e montan lo penjal cap als peirièrs tolosencs ( n'i avia en fàcia de la cascada actuala de loja e encara a la securitat sociala). Puèi enquilhan la rota de Lamasquera . Mas aquí tombèron sus la sanha granda daissada per lo lièch ancian de Lotja, per çò qu'antan la ribièra passava a quicòm pròcha al nivèl del camin de fèrre. ( Se pòt retrovar lo lièch larg a la ZA de Joffrery) . La destornèron per aparar la vila a l'entorn de 1150
  • Imaginèt la susprèsa del camp reial .
  • Prenguèron un trassa de caminòl ( desconegut? ) que travèrsa la sanha ( ensenhat probable per l' envejat que portava lo capèl e la paraula de l'archavesque de Narbona o lo d' Amaury lo legat del Papà ) camin que mena drech sus la tenda ont lo rei manja e se descansa ( d'una nuèch d'amor dison d'unes), mas solide, qu'a quitament pas lo temps de se passar l' armura reiala, de las colors reialas) e va s' apara de la primièra armura que tròba . Puèi i a aquel cavalièr qu' arriba e qu'a passat la famosa armura del rei , mas que se vei lèu que sap pas se batre . En realitat cossí comprendre sa venguda ( amistosa ? Volguda? ), tot compte fach faguèt pas que mostrar ont lo rei anisèt lo temps d'un dinar .
  • Lèu lo rei , poguèt pas demorar escondut , se desvela coma un vertadièr cavalièr e ditz : soi ieu lo rei.
S'i avia pas qu'un fach per mostrar l'embuscada, e per provar qu'i aguèt pas a Murèth de batèsta vertadièra , enfin ren que poirà semblar una lucha leiala entre cavalièrs.
Lo rei de la Reconquista , un cavalièr vertadièr coma Peire d'Aragon, causís pas de
s' amagar o de fugir , non òm se bat pas aital, quant òm es cavalièr e rei coma el.
El causís de morir puslèu que de viure sens onor.
E los dos cavalièrs que se sonavan De Roucy e Flourens de Villes (mas se parlan encara d'una autre cavalièr que se sonava Jean de Barres) lo trobèron e lo tuèron coma se l'èran promés.

Doncas la suspresa foguèt totala. La traïson tanben , e la batèsta foguèt pas qu'un chaple òrre coma lo de Besièrs , de Lavaur, e tantes e maites, mentre la Crosada ....
Lo 26 de genièr en fasent la dictada de Murèth , al licèu Peire II D' Aragon de Murèth sala Alize, a 1 ora e mièja , ensajarem de nos remembrar un pauc lo coratge d'aquel rei , d'un rei fòrça valent, e del jorn ont tuèron Paratge , per nos donar
l' Inquisicion, es a dire l' infèrn sus aquela Tèrra d'òc, al sens dels Catars .

Alan Fabre sorgas La Bataille de Muret J Anglade, Wikipedia, Archives municipales.
E autras ....


Me soveni
Je me souviens

Aucun commentaire:

Enregistrer un commentaire